როდის გახდება ცნობილი ინფორმაცია აბიტურიენტთა ჩარიცხვების შესახებ? - აღნიშნულ კითხვას შეფასებისა და გამოცდების ეროვნულ ცენტრში უპასუხეს.
გამოცდების ეროვნული ცენტრის ცნობით, ჩარიცხვების შესახებ ინფორმაცია თვის ბოლოს გამოქვეყნდება:
„აბიტურიენტთა აპელაციის შედეგები შესაძლოა, კვირის ბოლოს გამოქვეყნდეს. ჩარიცხვების შესახებ ინფორმაცია კი თვის ბოლოს გამოქვეყნდება.“
მანამდე კი გაეცანით სახელმწიფოს მიერ დაფინანსებული ფაკულტეტების სიას.
შეფასებისა და გამოცდების ეროვნული ცენტრი გთავაზობთ ინფორმაციას საგანმანათლებლო პროგრამების აკრედიტაციის შესახებ:
● ცვლილებები აბიტურიენტთა ცნობარში
● ცნობარი აბიტურიენტებისათვის 2020
შეგახსენებთ, აბიტურიენტთა ინტერესების გათვალისწინებით და შექმნილი ვითარებიდან გამომდინარე, საქართველოს განათლების, მეცნიერების, კულტურისა და სპორტის სამინისტროსა და შეფასებისა და გამოცდების ეროვნული ცენტრის გადაწყვეტილებით, რეგისტრაციის ვადა ერთიანი ეროვნული გამოცდებისათვის გახანგრძლივდა. გამოცდებზე დარეგისტრირებას აბიტურიენტები ცენტრის ვებგვერდზე online.naec.ge 30 აპრილის 18:00 საათამდე შეძლებენ.
