„რამდენიმე საგანში შემცირდება გამოცდის ხანგრძლივობა და მაქსიმალური ქულა“ - Naec 2021 წლის ერთიანი ეროვნული გამოცდების შესახებ

აბიტურიენტები

​საგამოცდო ბარათების ამობეჭდვა 27 ივნისიდან იქნება შესაძლებელი - naec

4 წლის წინ

შეფასებისა და გამოცდების ეროვნული ცენტრის ინფორმაციით, ​საგამოცდო ბარათების ამობეჭდვას გამოსაცდელები ხვალიდან, 27 ივნისის 12:00 საათიდან ნებისმიერი ხელმისაწვდომი კომპიუტერიდან შეძლებენ. უწყების ცნობით, მას შემდეგ, რაც ისინი შევლენ ცენტრის ვებგვერდის - online.naec.ge - პირად გვერდზე (სადაც ირჩევენ გამოცდებსა და საგანმანათლებლო პროგრამებს), უნდა გამოიყენონ ღილაკი – „დაბეჭდეთ ბარათი“.

საგამოცდო ბარათი პირადობის მოწმობასთან ერთად იქნება აბიტურიენტების, სტუდენტთა საგრანტო კონკურსის მონაწილეებისა და მაგისტრობის კანდიდატთა საშვი მთელი საგამოცდო პროცესის განმავლობაში. ბარათზე მითითებული იქნება: საგამოცდო ცენტრის მისამართი, თითოეული გამოცდის თარიღი, გამოცდაზე რეგისტრაციის დაწყების დრო და ის რეკომენდაციები, რომლებიც უნდა გაითვალისწინოს თითოეულმა გამოსაცდელმა.

შეფასებისა და გამოცდების ეროვნული ცენტრი სთხოვს მონაწილეებს, ყურადღებით გაეცნონ ბარათზე მოცემულ ინფორმაციას და აუცილებლად გაითვალისწინონ, რომ გამოსაცდელი რეგისტრაციის დასრულების შემდეგ გამოცდაზე არ დაიშვება.

საგამოცდო ცენტრები მთელი საქართველოს მასშტაბით გაიხსნება ბათუმში, ფოთში, ზუგდიდში, ოზურგეთში, ქუთაისში, ახალციხეში, გორში, თბილისში, რუსთავში, თელავსა და ხულოში.

წაიკითხეთ სრულად