Baby Bag

,,სკოლებში, მეათე-მეთორმეტე კლასების პროგრამაში პროფესიული განათლების შეტანის ამბიციურ პროექტს შემდეგი წლიდან ეტაპობრივად დავიწყებთ''

,,სკოლებში, მეათე-მეთორმეტე კლასების პროგრამაში პროფესიული განათლების შეტანის ამბიციურ პროექტს შემდეგი წლიდან ეტაპობრივად დავიწყებთ''

სკოლებში, მეათე-მეთორმეტე კლასების პროგრამაში პროფესიული განათლების შეტანის ამბიციურ პროექტს შემდეგი წლიდან ეტაპობრივად დავიწყებთ, – განაცხადა განათლებისა და მეცნიერების მინისტრმა, გიორგი ამილახვარმა საქართველოს ​პირველი არხის გადაცემაში „გადაწყვეტილება“ სტუმრობისას.

„ეს, ბუნებრივია, 2 100-ვე სკოლაში ერთდროულად ვერ მოხდება. თავიდან, შეირჩევა 40-50 საპილოტე სკოლა, სადაც მოხდება პროფესიების და საჭიროებების იდენტიფიცირება, რომელიც იმ სკოლის ადგილსამყოფელის არეალში არსებობს. მომზადდება ლაბორატორიები, ინფრასტრუქტურა, სხვადასხვა პროგრამა და მასწავლებლები. ამისთვის ალბათ, რამდენიმე წელი დაგვჭირდება და რას ვიზამთ ამით? – პირველი, ხელმისაწვდომობას უზრუნველვყოფთ, რადგან ქვეყანაში გვაქვს 2 100 სკოლა და შეუძლებელია, თუნდაც ამის ნახევარი კოლეჯი შევქმნათ. მეორე, სკოლის კურსდამთავრებულთა 70-75% უმაღლეს განათლებას ირჩევს და როდესაც ეს სისტემა სკოლაშივე დაინერგება, სკოლის დამთავრებისთანავე ახალგაზრდას მიეცემა, როგორც სკოლის ატესტატი, ასევე, თუ ისინი პროფესიული განათლების მიმართულებას აირჩევენ, მიეცემა დიპლომი, სერტიფიკატი, რომელიც ადასტურებს ერთ კონკრეტულ პროფესიაში მის მომზადებას. შესაბამისად, ახალგაზრდა სკოლის დამთავრებისთანავე იქნება მზად, რომ შევიდეს შრომის ბაზარზე ერთი მნიშვნელოვანი დათქმით – მას არასდროს არ ეკეტება კარი, რომ გააგრძელოს სწავლა პროფესიულ, თუ უმაღლეს სასწავლებელში“, – განაცხადა ამილახვარმა.

მისი თქმით, საშუალო საფეხურზე ინტეგრირებული პროგრამის დანერგვა მოხდება სასკოლო საგნების პარალელურად და რა თქმა უნდა, მოსწავლე ამით სასკოლო საგნებს არ მოწყდება.

ამასთან, განათლებისა და მეცნიერების მინისტრმა აღნიშნა, რომ რა თქმა უნდა, სკოლებში ვერ იქნება ის პროფესიული განათლება, რაც კოლეჯებში ხორციელდება, მაგრამ ეს იქნება პირველი მარცვალი, რომელიც საბაზო, თუ საშუალო საფეხურიდან დაიწყება.

როგორც გიორგი ამილახვარმა აღნიშნა, აღნიშნული პროგრამით მოხდება პროფესიული განათლების პოპულარიზაცია ადრეულ ასაკში და პრესტიჟის ამაღლება.

„რამდენიმე მიმართულებით ამ სვლებით, საბოლოო ჯამში, მივალთ იქამდე, რომ არ იქნება მყისიერი გადაწყვეტილება მიღებული სკოლის დამთავრებისთანავე, რომ ახალგაზრდამ პირდაპირ უმაღლესში უნდა გააგრძელოს სწავლა“, – განაცხადა გიორგი ამილახვარმა.

წყარო: ​​1TV.GE

შეიძლება დაინტერესდეთ

ტრენინგები, რომლის დახმარებითაც მაძიებლებმა 10 კრედიტი მოიპოვეს!

ტრენინგები, რომლის დახმარებითაც მაძიებლებმა 10 კრედიტი მოიპოვეს!
როგორც ცნობილია, პედაგოგები მაძიებლის სტატუსით გამოცდაზე 2020 წლის ივლისში გავიდნენ. თითქმის 12 000 პედაგოგს კომპეტენციის დასადასტურებლად 10 კრედიტ-ქულა, ანუ გამოცდის საერთო ქულის 60%-ზე მეტი უნდა აეღო. საკმაოდ რთულია გამოცდაზე ასეთი ქულის დაფიქსირება.

პედაგოგთა პროფესიული ზრდის ცენტრში გადამზადებულ პედაგოგთა 90%-ზე მეტმა გამოცდაზე უმაღლესი შეფასება - 10 კრედიტი დააფიქსირა! ტრენინგ-ცენტრი ლიდერობას არავის უთმობს, ცენტრს ყველაზე მეტი წარმატებული, 10-კრედიტიანი აპლიკანტი ჰყავს.

„ტრენინგები ძალიან გვეხმარება გამოცდის სწორად აღქმასა და დაწერაში, რადგან ეს გამოცდა მხოლოდ საგნის ცოდნას არ მოითხოვს, ის დამატებით უნარებსაც ამოწმებს. აქედან გამომდინარე ცენტრში ისწავლება, არა მხოლოდ საგნები, არამედ, გამოცდის დაწერის მეთოდიკა“ - აცხადებენ ცენტრის წარჩინებული აპლიკანტები.

მასწავლებლებს, რომლებიც გამოცდაზე შემოდგომაზე გადიან შესაძლებლობა ეძლევათ გაიარონ ტრენინგები საგამოცდო საკითხებზე მასწავლებლის სახლის ტრენერებთან:

„მასწავლებლებს, რომლებიც შემოდგომაზე გადიან გამოცდაზე, შესაძლებლობა ეძლევათ პედაგოგთა პროფესიული ზრდის ცენტრის ტრენინგებიგაიარონ. სწორედ ეს ტრენინგი დაეხმარებათ მასწავლებლებს, გამოცდა 10 კრედიტზე ჩააბარონ. ტრენინგს ატარებენ მასწავლებლის სახლის ტრენერები, რომელთა ნაწილიც თავად ასწორებს ამ გამოცდას. კურსის გავლის შემდეგ, მასწავლებლებს სერტიფიკატები გადაეცემათ,“ - აღნიშნავენ პედაგოგთა პროფესიული ზრდის ცენტრში.

კურსის დასაწყისში პედაგოგებს ელექტრონული კრებული და ტესტური დავალებები მიეწოდებათ. 


რეგისტრაცია მიმდინარეობს შემდეგ საგნებზე:

  • დაწყებითი კომბინირებული კურსი: (ქართული, მათემატიკა, ბუნება, აკადემიური უნარები)
კურსის ხანგრძლივობაა 48 საათი (2 თვე), მეცადინეობები ტარდება კვირაში 3-ჯერ, თითო სესიის ხანგრძლივობაა 3 საათი - სრული კურსის ღირებულებაა დასწრებით- 200 ლარი, ონლაინ- 150 ლარი;

  • მათემატიკა I-VI : (მათემატიკა, აკადემიური უნარები)
კურსის ხანგრძლივობაა 30 საათი (1,5 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 3 საათი - სრული კურსის ღირებულებაა დასწრებით - 200 ლარი, ონლაინ -150 ლარი;

  • მათემატიკა VII-XII: (მათემატიკა, უმაღლესი მათემატიკა - კალკულუსი, ანალიზური გეომეტრია, კომპლექსური ცვლადები, წრფივი დაპროგრამების ამოცანა და ა.შ.)
კურსის ხანგრძლივობაა 30 საათი (1,5 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 3 საათი - სრული კურსის ღირებულებაა დასწრებით - 200 ლარი, ონლაინ -150 ლარი;

  • აკადემიური უნარები: (ანალიტიკური წერა, ტექსტის გააზრება)
კურსის ხანგრძლივობაა 18 საათი (1 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 2 საათი - სრული კურსის ღირებულებაა დასწრებით - 150 ლარი, ონლაინ - 120 ლარი;

  • პროფესიული უნარები:
კურსის ხანგრძლივობა 24 საათი (1 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 3 საათი - სრული კურსის ღირებულებაა დასწრებით 200 ლარი, ონლაინ - 150 ლარი.
რეგისტრაცია სრულდება 25 აგვისტოს. ტრენინგები დაიწყება 27 აგვისტოდან.

რეგისტრაციისათვის ეწვიეთ ​ბმულს.

დამატებითი ინფორმაციისთვის ეწვიეთ პედაგოგთა პროფესიული ზრდის ცენტრის ფეისბუქგვერდს ან დარეკეთ ნომერზე 592 47 72 77.


R.


წაიკითხეთ სრულად