Baby Bag

„გაზრდილი ბიუჯეტი მოგვცემს საშუალებას, ძალიან მალე დავიწყოთ იმ პრობლემების გადალახვაზე საუბარი, რომელიც არის თითოეულ სკოლაში, თითოეულ პედაგოგთან, თითოეულ კლასში“ - მიხეილ ბატიაშვილი

„გაზრდილი ბიუჯეტი მოგვცემს საშუალებას, ძალიან მალე დავიწყოთ იმ პრობლემების გადალახვაზე საუბარი, რომელიც არის თითოეულ სკოლაში, თითოეულ პედაგოგთან, თითოეულ კლასში“ - მიხეილ ბატიაშვილი

ყოველწლიურად გაზრდილი ბიუჯეტი მოგვცემს საშუალებას, ძალიან მალე დავიწყოთ ყველა იმ პრობლემის გადალახვაზე საუბარი, რომელიც არის თითოეულ სკოლაში, თითოეულ პედაგოგთან, თითოეულ კლასში, – ამის შესახებ განათლების, მეცნიერების, კულტურისა და სპორტის მინისტრმა, მიხეილ ბატიაშვილმა სემინარზე „მასწავლებელი – მეგზური ევროპისკენ“ სიტყვით გამოსვლისას განაცხადა.

მინისტრმა პროექტის - „მასწავლებელი-მეგზური ევროპისკენ“ მნიშვნელობაზე ისაუბრა და განაცხადა, რომ საქართველოში განათლების მიმართულებით მუშაობა აქტიურად მიმდინარებს. მისი თქმით, რაც შეიძლება მეტი მასწავლებელი უნდა იყოს ჩართული საქმეში, რაც გულისხმობს მოსწავლეთა აღზრდას ევროპული არჩევანის მიმართულებით.

„საქართველოში რაც შეიძლება მეტი პედაგოგი უნდა იყოს ჩართული იმ მნიშვნელოვანი საქმის განხორციელებაში, რაც არის ჩვენი შვილების აღზრდა იმ მომავლისკენ, რომელიც არის ჩვენი ევროპული არჩევანი.

ძალიან მნიშვნელოვანია ის რეფორმები, რომელიც ბატონმა პრემიერ-მინისტრმა გამოაცხადა და რომელიც ხორციელდება. მიმდინარეობს მუშაობა და ყველა მიმართულებით უკვე გვაქვს წარმატებები.

რამდენიმე კვირის წინ საქართველოს უმაღლესი განათლების სივრცე ფაქტიურად ევროპული სივრცის ნაწილი გახდა, რაც ნიშნავს ჩვენი დიპლომების აღიარებას, ჩვენი მომავალი თაობის, ჩვენი შვილების იმ დიპლომების აღიარებას, რომლებიც ისწავლიან საქართველოში, მიიღებენ მაღალი ხარისხის ევროპულ განათლებას და რაც მთავარია, მათი დიპლომები იქნება აღიარებული და ცნობილი ნებისმიერ ევროპულ ქვეყანაში.

მნიშვნელოვანია ის ნაბიჯები, რომელიც განხორციელდება ძალიან მალე და შეეხება ერთ-ერთ უმთავრესს პრობლემას, როგორიც არის სკოლის ინფრასტრუქტურების განახლება. ასევე უმნიშვნელოვანესი საკითხია პედაგოგების პირობების გაუმჯობესება. უკვე კარგად იცით, რომ 2022 წლისთვის, სახელმწიფო ბიუჯეტის მეოთხედი განათლების მიმართულებით დაიხარჯება. ვფიქრობ, გარდამტეხი იქნება საქართველოში ადამიანური კაპიტალის განვითარებისთვის, მართლაც რომ მივაღწიოთ განათლების ევროპულ დონეს. ასევე მნიშვნელოვანია, რომ ყოველწლიურად გაზრდილი ბიუჯეტი მოგვცემს საშუალებას, ძალიან მალე დავიწყოთ სწორედ ყველა იმ პრობლემის გადალახვაზე საუბარი, რომელიც არის თითოეულ სკოლაში, თითოეულ პედაგოგთან, თითოეულ კლასში”, – განაცხადა მიხეილ ბატიაშვილმა.

შეიძლება დაინტერესდეთ

,,საზოგადოების იმ ნაწილს, რომელსაც ჰგონია, რომ გამოცდაზე ჩაჭრილმა მასწავლებელმა არაფერი არ იცის, პასუხი მინდა გავცე'' - პრაქტიკოსი პედაგოგი

,,საზოგადოების იმ ნაწილს, რომელსაც ჰგონია, რომ გამოცდაზე ჩაჭრილმა მასწავლებელმა არაფერი არ იცის, პასუხი მინდა გავცე'' - პრაქტიკოსი პედაგოგი

პრაქტიკოსი პედაგოგი თამარ გელბახიანი იმ მასწავლებლების სახელით, რომლებმაც გამოცდა ვერ ჩააბარეს, საზოგადეობას მიმართავს. 

,,საზოგადოების იმ ნაწილს, რომელსაც ჰგონია, რომ გამოცდაზე ჩაჭრილმა მასწავლებელმა არაფერი არ იცის, პასუხი მინდა გავცე. ტესტის სირთულეზე მინდა ვისაუბრო. წელს დრო იყო შემცირებული, მასწავლებლებმა ვერ მოასწრეს პასუხების ფურცლებში გადატანა. არ გვაქვს პრეტენზია, რომ რაღაც საკითხი არ უნდა გვცოდნოდა ან რთული საკითხები იყო, რთული იყო იმ თვალსაზრისით, რომ იყო ბევრი ღია პასუხი, რომელიც დროს მოითხოვდა,'' - აღნიშნა თამარ გელბახიანმა. 

​წყარო: ​,,შუადღე live"

წაიკითხეთ სრულად