Baby Bag

თბილისის საჯარო ბაღებში საყოველთაო რეგისტრაციის მეორე ეტაპი 19 ივნისს 12 საათზე იწყება

თბილისის საჯარო ბაღებში საყოველთაო რეგისტრაციის მეორე ეტაპი 19 ივნისს 12 საათზე იწყება

თბილისის საჯარო ბაგა-ბაღებში აღსაზრდელთა რეგისტრაციის მეორე ეტაპი 19 ივნისს, 12:00 საათზე დაიწყება. რეგისტრაცია წარიმართება ელექტრონულად თბილისის საბავშვო ბაგა-ბაღების მართვის სააგენტოს ვებგვერდზე​ kids.org.ge. რეგისტრაციის დღეს იმუშავებს მხოლოდ სარეგისტრაციო ბლანკი, რათა მომხმარებელს გაუმარტივდეს ძებნა და დაზოგოს დრო ინფორმაციის შეყვანისას.

ელექტრონულად დარეგისტრირებას შეძლებს აპლიკანტი ასაკობრივი კატეგორიის შესაბამისად.

აღსანიშნავია, რომ რეგისტრაციის გავლას შეძლებს ყველა ის ბავშვი, რომელიც სასწავლო-სააღმზრდელო წლის დასაწყისში (და არა რეგისტრაციის მომენტში) იქნება 2 წლის.

წელს საბავშვო ბაღების ჩამონათვალს დაემატება 4 ახლადაშენებული საბავშვო ბაღი, რომელიც მიმდინარე წლის შემოდგომაზე გაიხსნება, შედეგად, თავისუფალი ადგილების რაოდენობა წელს 15 000 იქნება.

ახალი ბაღების ნომრებია შემდეგი:

N30 - ისნის რაიონი, ნავთლუღის ქუჩა N8;

N81 - კრწანისის რაიონი, სოფელი ფონიჭალა

N93 - დიდუბის რაიონი, მიხეილ ჭიაურელის ქუჩა N18

N101 - გლდანის მე-6 მიკრორაიონი

N102 - გლდანის მე-8 მიკრორაიონი.

რეგისტრაციის წარმატებით გავლის შემდეგ, დარეგისტრირებული ბავშვის მშობელმა საჭირო დოკუმენტაცია უნდა წარადგინოს კონკრეტულ საბავშვო ბაღში. ეს დოკუმენტებია:

  • დაბადების მოწმობის ასლი
  • 2 ფოტოსურათი ( ბიომეტრიული)
  • ჯანმრთელობის დამადასტურებელი ცნობა
  • მშობლების პირადობის მოწმობის ასლი

მშობელს ასევე შეუძლია გადაამოწმოს ბავშვის რეგისტრაცია პირადი ნომრით იმავე გვერდზე, სადაც მოხდა სარეგისტრაციო ბლანკის შევსება. 

შეიძლება დაინტერესდეთ

ბაღის მასწავლებლებისთვის ხელფასის ზრდა ვერ ხერხდება

ბაღის მასწავლებლებისთვის ხელფასის ზრდა ვერ ხერხდება

„ბაღის მასწავლებლებისთვის ხელფასის ზრდა ვერ ხერხდება,“ - აღნიშნულის შესახებ საკრებულოს საფინანსო-საბიუჯეტო კომისიის თავმჯდომარე ირაკლი ზარქუამ დღეს გამართულ ბრიფინგზე განაცხადა. 

ირაკლი ზარქუას თქმით, საკრებულოს ერთერთი რეკომენდაცია იყო ბაღის მასწავლებლების ხელფასის ზრდა, თუმცა, არსებობს ზღვრული ჭერი, სადაც მიმდინარე სოციალური ხარჯები არის შესული და იმის ზემოთ ვერ ადის მინუციპალიტეტი.

„ბაღის მასწავლებლებთან დაკავშირებით ჩვენ გვქონდა მცდელობა, თქვენ იცით, რომ ერთ-ერთ რეკომენდაციაში შედიოდა. თუმცა, ამ ეტაპისთვის ვერ მოხერხდა, რადგან ჩვენ გვაქვს ზღვრული ჭერი, სადაც მიმდინარე სოციალური ხარჯები არის შესული და იმის ზემოთ ვერ ავდივართ. ესაა საერთაშორისო ნორმით განსაზღვრული და სამწუხაროდ, ამ ეტაპისთვის ამ მოცემულობის მძევლები ვართ", - დასძინა საკრებულოს საფინანსო-საბიუჯეტო კომისიის თავმჯდომარემ. 

წაიკითხეთ სრულად