ახალი სასწავლო წლიდან VII კლასის მოსწავლეები განახლებული სახელმძღვანელოებით ისწავლიან. განათლების სამინისტრომ 14 საგანზე 34 სახელმძღვანელოს მიენიჭა გრიფი.
გრიფირების პროცესის დეტალებზე და სამომავლო გეგმებზე „საქმიან დილაში“ განათლების მინისტრის მოადგილემ, ირინა აბულაძემ ისაუბრა.
იმუნიზაციის პროცესში პედაგოგებისა და ბაღების აღმზრდელების ჩართვაზე უწყებათაშორისი საკოორდინაციო საბჭოს მომდევნო სხდომაზე იმსჯელებენ - აღნიშნულის შესახებ დაავადებათა კონტროლის ეროვნული ცენტრის ხელმძღვანელიმა ამირან გამყრელიძემ განაცხადა.
„პედაგოგების და ბაღების აღმზრდელების ჩართვაზე იმუნიზაციის პროცესში იყო წინა საბჭოზე საუბარი. ახლა, ვაქცინების მარაგი ქვეყანაში გაიზარდა, დარწმუნებული ვარ, მეორე საბჭოზე ეს გახლავთ ე.წ. ესენციური ჯგუფები, რომლებიც განიხილება ამ ასაკობრივი გაფართოების შემდგომ. ვფიქრობ, რომ მეორე საბჭოზე ვიმსჯელებთ ამ საკითხზე და შესაბამის გადაწყვეტილებებს მივიღებთ“, - აღნიშნა ამირან გამყრელიძემ.
