Baby Bag

„ახალი სკოლის მოდელის“ ფარგლებში ვაკანსია გამოცხადდა

„ახალი სკოლის მოდელის“ ფარგლებში ვაკანსია გამოცხადდა
განათლება

საქართველოს განათლების, მეცნიერების, კულტურისა და სპორტის სამინისტროს ქვეპროგრამის - „ახალი სკოლის მოდელის“ ფარგლებში, მასწავლებელთა პროფესიული განვითარების ეროვნულმა ცენტრმა ვაკანსიას შემდეგ პოზიციაზე გამოაცხადა:

კურიკულუმის განვითარებისა და დანერგვის ექსპერტის თანაშემწე; (სამუშაო აღწერილობა იხილეთ მიბმულ ფაილში)

შერჩეული კანდიდატები გადანაწილდებიან შემდეგ ქალაქებსა და რაიონებში: (იხილეთ დანართი)

დაინტერსებულმა პირებმა, რომლებიც აკმაყოფილებენ ზემოაღნიშნული პოზიციებისთვის განსაზღვრულ საკვალიფიკაციო მოთხოვნებს, შეუძლიათ გამოგზავნონ CV ელ-ფოსტაზე: [email protected] 2019 წლის 23 სექტემბრის ჩათვლით.

როგორც მასწავლებლის სახლში აცხადებენ, სავალდებულოა, მეილის სათაურის ველში მითითებულ იქნას სასურველი ქალაქი/რაიონი და სკოლა. წინააღმდეგ შემთხვევაში, კანდიდატის მონაცემები არ განიხილება.

მათივე ინფორმაციით, ცენტრი დაუკავშირდება მხოლოდ შერჩეულ კანდიდატებს.

ვაკანსიის გამოცხადების თარიღი 18/09/2019

ვაკანსიის მოქმედების ვადა 23/09/2019

საკონტაქტო ტელეფონი: +99532 2200 220 (4906)

განათლება #მასწავლებელი #სკოლა

შეიძლება დაინტერესდეთ

განათლება

ნიუ-იორკის სკოლებში მოსწავლეთა უსაფრთხოების მიზნით Zoom-ის გამოყენება აკრძალეს

ნიუ-იორკის სკოლებში მოსწავლეთა უსაფრთხოების მიზნით Zoom-ის გამოყენება აკრძალეს
კორონავირუსის მასშტაბურად გავრცელების გამო სკოლები თითქმის ყველა ქვეყანაში დაცარიელდა, თუმცა მოსწავლეები განათლების მიღებას დისტანციურად მაინც ახერხებენ. ნიუ-იორკის სკოლებში დისტანციური სწავლების ერთ-ერთი ყველაზე პოპულარული სერვისის Zoom-ის გამოყენება აკრძალეს. აღნიშნული გადაწყვეტილების მიზეზად კი ვიდეო კონფერენციების სერვისთან დაკავშირებული უსაფრთხოების საკითხები დასახელდა.

„სკოლების უმთავრეს პრიორიტეტს ბავშვებისთვის უსაფრთხო დისტანციური სწავლების სერვისების მიწოდებაა. უსაფრთხოების საკითხების სათანადოდ შესწავლის შემდეგ გადაწყდა, რომ სკოლებმა Zoom-ის სერვისის გამოყენება დაუყოვნებლივ უნდა შეწყვიტონ. დისტანციური სწავლების შესახებ ცნობებს ყოველდღიურ რეჟიმში ვიღებთ. მაქსიმალურად ვცდილობთ, რომ ჩვენი მოსწავლეებისა და მასწავლებლებისთვის სასარგებლო გადაწყვეტილებები მივიღოთ.“ - ნათქვამია ნიუ-იორკის განათლების დეპარტამენტის ოფიციალური წარმომადგენლის დანიელე ფილსონის განცხადებაში.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ნიუ-იორკის განათლების დეპარტამენტის გადაწყვეტილებით, სკოლები დისტანციური სწავლებისთვის Zoom-ის ნაცვლად Microsoft Teams-ის სერვისს გამოიყენებენ, რომელსაც Zoom-ის მსგავსი შესაძლებლობები აქვს, თუმცა უსაფრთხოების თვალსაზრისით მას ბევრად აღემატება. აღნიშნული აკრძალვა ნიუ-იორკის 1800 სკოლასა და 1,1 მილიონ მოსწავლეს შეეხება. სკოლებში Zoom-ის გამოყენების აკრძალვის შესახებ გადაწყვეტილება კიბერ უსაფრთხოების ექსპერტებმა მიიღეს, რომლებიც მოსახლეობის უსაფრთხოებაზე ყოველდღიურად ზრუნავენ. აღნიშნულ გადაწყვეტილებასთან დაკავშირებით Zoom-ს ოფიციალური განცხადება არ გაუკეთებია.

კომპანიას ბოლო დროს საკმაოდ ხშირად აკრიტიკებენ. მას შემდეგ, რაც მილიონობით ადამიანი იძულებული გახდა საკუთარი სამუშაო სახლიდან შეესრულებინა, Zoom-ს ბევრი კრიტიკოსი გამოუჩნდა. კომპანიის აღმასრულებელმა დირექტორმა საჯაროდ მოიხადა ბოდიში ჩინეთის გავლით განხორციელებული ვიდეოზარების გამო, რადგან კიბერ უსაფრთხოების ექსპერტთა ცნობით, მსგავსი ტიპის ზარების განხორციელება ჩინეთის ხელისუფლებას ინფორმაციის არალეგალურად მოძიების შესაძლებლობას აძლევს. Zoom-ის წარმომადგენლები აღნიშნავდნენ, რომ ჩინეთის გავლით განხორციელებული ზარები დაცულ ფორმატში განხორციელდა, რაც სიცრუე აღმოჩნდა. კომპანიის აღმასრულებელმა დირექტორმა აღნიშნული სიცრუის გამოც მოიხადა ბოდიში.

Zoom-ის სერვისის გამოყენებით განხორციელებულ ვიდეოზარებში უცხო ადამიანები თვითნებურად ხშირად ერთვებოდნენ, რაც სისტემის დაუცველობაზე მიანიშნებდა. კომპანიამ ვიდეოზარების პარამეტრები შეცვალა და კონფერენციების მონაწილეთა უსაფრთხოების დაცვის მიზნით ზარებს ავტომატური პაროლები დაადო.

ნიუ-იორკის განათლების დეპარტამენტის გადაწყვეტილებას ყველა სკოლა არ იზიარებს. ზოგიერთი საგანმანათლებლო დაწესებულების წარმომადგენლები აცხადებენ, რომ ერთი სერვისიდან მეორეზე გადანაცვლება მარტივი არ იქნება. ამერიკის შეერთებულ შტატებში სკოლები 16 მარტს დაიხურა. მას შემდეგ Zoom-ის სერვისი ყველაზე მეტი პოპულარობით სარგებლობდა. ბრუკლინში მდებარე ერთ-ერთი სკოლის დირექტორმა აღნიშნა, რომ Zoom-ის ნაცვლად Microsoft Teams-ის გამოყენება დისტანციური სწავლების პროცესს მნიშვნელოვნად შეაფერხებს.

ნიუ-იორკის ხელისუფლების ოფიციალური წარმომადგენლები აცხადებენ, რომ სკოლები Microsoft Teams-ის გამოყენებისთვის რამდენიმე კვირის მანძილზე ემზადებოდნენ. ნიუ-იორკში არ გამორიცხავენ, რომ Zoom-ის წარმომადგენლებთან მოლაპარაკებები კვლავ განაახლონ. ნიუ-იორკის განათლების დეპარტამენტში აცხადებენ, რომ სკოლებს ნებისმიერი სიახლის შესახებ ინფორმაციას დროულად მიაწვდიან. 

მომზადებულია​ ​t​echcrunch.com-ის მიხედვით
თარგმნა ია ნაროუშვილმა 
წაიკითხეთ სრულად
გასათიშად დააჭირეთ ESC.