Baby Bag

„ბავშვების სკოლაში ყოფნისას მანდატური მშობლის როლს ასრულებს“ - მიხეილ ჩხენკელმა მანდატურის სამსახურის 60 თანამშრომელი დააჯილდოვა

„ბავშვების სკოლაში ყოფნისას მანდატური მშობლის როლს ასრულებს“ - მიხეილ ჩხენკელმა მანდატურის სამსახურის 60 თანამშრომელი დააჯილდოვა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა სამსახურებრივი მოვალეობის კეთილსინდისიერად შესრულებისთვის წლის შემაჯამებელ შეხვედრაზე, მანდატურის სამსახურის 60 თანამშრომელი მადლობის სიგელებით დააჯილდოვა.

მიხეილ ჩხენკელმა ვრცლად ისაუბრა მანდატურის სამსახურის რეფორმის ფარგლებში მიღწეულ შედეგებზე და ხაზი გაუსვა, რომ სასურველი ვითარების მისაღწევად ჯერ კიდევ ბევრი სამუშაოა ჩასატარებელი. მინისტრმა გაწეული ძალისხმევისთვის ყველა თანამშრომელს მადლობა გადაუხადა:

„მანდატურის სამსახური ჩვენი სისტემის ერთ-ერთი ყველაზე მნიშვნელოვანი მიმართულება გახლავთ, რადგან შეუძლებელია საუბარი განათლების ხარისხის განვითარებაზე, ახალ აკადემიურ პროგრამებზე, ინიციატივებზე და, ზოგადად, ახალი სკოლის მოდელზე, თუკი სკოლებში ბავშვებისთვის არ იქნება შექმნილი უსაფრთხო გარემო. ეს არის უმთავრესი და აუცილებელი პირობა იმისა, რომ ჩვენი ჩანაფიქრი, აკადემიური განვითარების მიმართულებით, რეალურად განხორციელდეს სკოლებში.

მინდა, მადლობა გადაგიხადოთ მანდატურის სამსახურის ასეთი დიდი პროგრესისთვის. მიუხედავად იმისა, რომ გამოწვევებიც საკმაოდ ბევრია, დარწმუნებული ვარ, თქვენი პროფესიონალიზმისა და, რაც მთავარია, დამოკიდებულების მეშვეობით სკოლებში არსებული გამოწვევები და პრობლემები აუცილებლად გადაიჭრება.

ყველაზე მთავარი აღნიშნულ პროფესიაში არის ბავშვების მიმართ დამოკიდებულება, მოსწავლეების სიყვარული და მათთვის მზრუნველი ატმოსფეროს შექმნა, რადგან ამის გარეშე ისეთი პრობლემების საფუძვლიანი მოგვარება, როგორიცაა ბულინგის პრევენცია და მასთან დაკავშირებული სხვა მნიშვნელოვანი გამოწვევები, შეუძლებელია.

ბავშვების სკოლაში ყოფნისას თქვენ ასრულებთ მშობლის როლს, რადგან თქვენ ყველაზე მთავარს - ბავშვის უსაფრთხოებას იცავთ.“ - განაცხადა მინისტრმა.

მიხეილ ჩხენკელის თქმით, მომავალი წლიდან მანდატურის სამსახური, ევროპელ ექსპერტებთან მჭიდრო თანამშრომლობით, სასკოლო მედიაციის მექანიზმის დანერგვას დაიწყებს. სრული დატვირთვით ამოქმედდება ახალი ინტერნეტ-პორტალი befriend.mes.gov.ge, რომელიც მნიშვნელოვნად შეუწყობს ხელს ძალადობის შესახებ საზოგადოების ცნობიერების ამაღლებასა და ინფორმაციის ხელმისაწვდომობას. გაგრძელდება როგორც მოქმედი მანდატურების გადამზადება, ასევე გაფართოების პროცესი. 2020 წელს მანდატურის სამსახური, დამატებით 130 საჯარო სკოლაში შევა.

შეიძლება დაინტერესდეთ

რამდენი ქულა უნდა აიღოს პრაქტიკოსმა მასწავლებელმა 1, 4, 7, 10 კრედიტის მოსაპოვებლად?

რამდენი ქულა უნდა აიღოს პრაქტიკოსმა მასწავლებელმა 1, 4, 7, 10 კრედიტის მოსაპოვებლად?

მასწავლებელთა პროფესიული განვითარების ერონული ცენტრი მასწავლებლის კომპეტენციის დადასტურების შედეგების და კრედიტების შესაბამისობის ცხრილს აქვეყნებს.

ცხრილის გადმოწერა

პრაქტიკოსებისთვის
საგანიმაქსიმალური ქულა30 % - 1 კრედიტი40 % - 4 კრედიტი50 % - 7 კრედიტი60 % - 10 კრედიტი
ქართული 7-127021-2728-3435-4142 და მეტი
მათემატიკა 7-124113-1617-2021-2425 და მეტი
გეოგრაფია5517-2122-2728-3233 და მეტი
ბიოლოგია6018-2324-2930-3536 და მეტი
ქიმია6018-2324-2930-3536 და მეტი
ფიზიკა6018-2324-2930-3536 და მეტი
ისტორია5517-2122-2728-3233 და მეტი
სამოქალაქო განათლება5517-2122-2728-3233 და მეტი
უცხო ენა9027-3536-4445-5354 და მეტი
დაწყებითი 1-46520-2526-3233-3839 და მეტი
ქართული 1-65316-2122-2627-3132 და მეტი
ბუნებისმეტყველება 1-65316-2122-2627-3132 და მეტი
მათემატიკა 1-65316-2122-2627-3132 და მეტი
სახვითი და გამოყენებითი ხელოვნება6018-2324-2930-3536 და მეტი
ქართული, როგორც მეორე ენა8526-3334-4243-5051 და მეტი
ინფორმაციული და საკომუნიკაციო ტექნოლოგიები7021-2728-3435-4142 და მეტი
სპორტი7021-2728-3435-4142 და მეტი
მუსიკა7021-2728-3435-4142 და მეტი
პროფესიული უნარები7021-2728-3435-4142 და მეტი
წაიკითხეთ სრულად