გრიპის ვირუსის გამო სასწავლო პროცესის გადადებასთან დაკავშირებული ინფორმაცია სიმართლეს არ შეესაბამება, - ამის შესახებ Moms.ge-ს განათლების, მეცნიერების, კულტურისა და სპორტის სამინისტროში განუცხადეს.
როგორც უწყებაში განმარტავენ, განათლების სამინისტროსთვის დაავადებათა კონტროლის ეროვნულ ცენტრს ზამთრის არდადეგების გახანგრძლივების რეკომენდაციით არ მიუმართავს. მათივე ცნობით, საჯარო სკოლებში სასწავლო პროცესი 15 იანვარს განახლდება.
ბაღის პედაგოგს, რომელმაც ბავშვების გადასარჩენად თავი გასწირა, ციხისძირში მემორიალს გაუხსნიან, - ინფორმაციას აჭარის ტელევიზია ავრცელებს.
მარინა კონცელიძე 2017 წლიდან ციხისძირის საბავშვო ბაღში აღმზრდელად მუშაობდა. ტრაგიკული შემთხვევა 2019 წლის 5 აპრილს მოხდა. პედაგოგს 11 ბავშვი ეზოში ჰყავდა გაყვანილი, რა დროსაც ბაღთან მყოფი ავტომობილი დაგორდა და სააღმზრდელო დაწესებულებისკენ დაიძრა. დაგორებული მანქანა საბავშო ბაღის ჭიშკარს დაეჯახა. მარინა კონცელიძე ბავშვებს გადაეფარა, სწრაფი რეაგირება მოახერხა და ისინი საფრთხეს განარიდა.
დაგორებული მანქანა ჭიშკარს დაეჯახა, ჭიშკარი პედაგოგს მოხვდა და სასიკვდილო დაზიანება მიაყენა. შემთხვევიდან რამდენიმე დღეში მარინა კონცელიძე გარდაიცვალა.
აღნიშნული თავდადების გამო ქობულეთის მერიამ მადლიერების ნიშნად გადაწყვიტა მარინა კონცელიძეს მემორიალი გაუხსნას.
მემორიალი ციხისძირის საბავშვო ბაღის მიმდებარედ არსებულ სკვერში დაიდგმება.
33 წლის მარინა კონცელიძეს მეუღლე და ორი შვილი დარჩა.
წაიკითხეთ სრულად
