Baby Bag

ქართულში ყველაზე გავრცელებულ შეცდომებზე ნათია მასწავლებლი საუბრობს - მოასმენინეთ მოსწავლეებს

ქართულში ყველაზე გავრცელებულ შეცდომებზე ნათია მასწავლებლი საუბრობს - მოასმენინეთ მოსწავლეებს

საზოგადოებრივი მაუწყებლის ,,პირველი არხი - განათლება” (ყოფილი მეორე არხი) ეთერით მოსწავლეებისთვის პროექტი „ტელესკოლა“ წარმატებით მიმდინარეობს. ერთი თვის მონაცემების მიხედვით, „ტელესკოლის“ გაკვეთილები მილიონზე მეტმა ადამიანმა ნახა.

,,ტელეგაკვეთილები'' ყველა მოსწავლეს, განურჩევლად იმისა, აქვს თუ არა წვდომა ინტერნეტთან, საშუალებას აძლევს, საინტერესო გაკვეთილები ყველა საგანში ნახოს.

ნახეთ ქართულის მასწავლებლის ნათია ფურცელაძის ,,ტელეგაკვეთილი'', რომელიც ქართულში ყველაზე გავრცელებულ შეცდომებს ეხება. (ქართული, VII კლასი - გრამატიკის გაკვეთილი, ნაცვალსახელთა მართლწერა)

შეგახსენებთ, რომ ტელეგაკვეთილები ყველა მოსწავლეს, განურჩევლად იმისა, აქვს თუ არა წვდომა ინტერნეტთან, საშუალებას აძლევს, საინტერესო გაკვეთილები ყველა საგანში ნახოს.

იხილეთ ,,ტელესკოლის'' გაკვეთილების ცხრილი ბმულზე.

შეიძლება დაინტერესდეთ

როდის დაიწყება 5-კრედიტიანი ტრენინგები და ფორმით ჩატარდება

როდის დაიწყება 5-კრედიტიანი ტრენინგები და ფორმით ჩატარდება

პედაგოგები ისევ 5-კრედიტიანი ტრენინგების​ დაწყების მოლოდინში არიან. როდის და რა ფორმით ჩატარდება ტრენინგები, ამ კითხვით მივმართეთ მასწავლებელთა პროფესიული განვითარების ეროვნულ ცენტრს. როგორც ცენტრში განგვიცხადეს, ამ კითხვაზე პასუხი ჯერ არ არის ცნობილი:

„როგორც კი ტრენინგების ჩატარების დრო დაზუსტდება, ინფორმაცია განთავსდება ცენტრის ვებგვერდზე“, - აღნიშნეს მასწავლებლის სახლში.

შეგახსენებთ, რომ მასწავლებელთა პროფესიული განვითარების ეროვნული ცენტრის ხელძღვანელმა ბერიკა შუკაკიძემ ჩვენთან ​ინტერვიუში განაცხადა, ხუთკრედიტიანი ტრენინგების მეშვეობით პრაქტიკოსი მასწავლებლები კრედიტების შევსებასა და უფროსი მასწავლებლის სტატუსის მოპოვებას შეძლებენ.

„პრაქტიკოს პედაგოგს მიეცემა უფლება, 19 კრედიტქულამდე გარე მექანიზმებით შეივსოს და დაადასტუროს კომპეტენცია. რას ნიშნავს გარე მექანიზმები? - 5 კრედიტის ფარგლებში მასწავლებელს ექნება შესაძლებლობა, გაიაროს ტრენინგმოდულები და წარმატებით გავლის შემთხვევაში, დააგროვოს 5 კრედიტი. თუ გამოცდა არ აქვს ჩაბარებული, პარალელურად ჩააბაროს და ამით შეივსოს 19 კრედიტქულამდე. გარე მექანიზმებია ტრენინგები და გამოცდა.

დღეს სისტემაში 14 000-მდე პრაქტიკოსი მასწავლებელია, მათგან დაახლოებით 7 000-მდე პედაგოგს არც ერთი გამოცდა არა აქვს ჩაბარებული და შესაბამისად, კომპეტენცია არ აქვს დადასტურებული. 2 000-მდე მასწავლებელს ორივე საგანი ჩაბარებული აქვს, 2 700 მასწავლებელს საგნის გამოცდა აქვს ჩაბარებული, 2 300-ს კი პროფესიული უნარების გამოცდა.

პედაგოგებს 3 კრედიტის მოპოვება შეეძლებათ საგნობრივი კომპეტენციის ტრენინგებიდან, 2 კრედიტის - პროფესიული უნარების ტრენინგებიდან. მასწავლებლებს ტრენინგ მოდულების წარმატებით გავლის შემთხვევაში, 1-დან 5-მდე კრედიტის დაგროვების შესაძლებლობა ექნებათ. პედაგოგები მათთვის სასურველი და საჭირო კრედიტქულის შესაბამისი ტრენინგმოდულის შერჩევას შეძლებენ,“ - განაცხადა მასწავლებელთა პროფესიული განვითარების ეროვნული ცენტრის ხელმძღვანელმა ბერიკა შუკაკიძე.

წაიკითხეთ სრულად