,,დღეს რომ იყოს სექტემბერი, ჩვეულებრივ რეჟიმში დავიწყებდით სწავლას''

4 წლის წინ

განათლება

ჯანდაცვის მინისტრმა ეკატერინე ტიკარაძემ ეპიდსიტუაციისა და სავარაუდო მეორე ტალღის შესახებ ,,იმედის დილის'' ეთერში ისაუბრა. მინისტრი სექტემბერში სწავლის განახლების საკითხსაც შეეხო და აღნიშნა, რომ დღეს რომ იყოს სექტემბერი, სწავლა ჩვეულებრივ რეჟიმში დაიწყებოდა:

,,იმ ეპიდსიტუაციიდან გამომდინარე, რაც დღეს გვაქვს, ვფიქრობთ, რომ სწავლა განახლდება. თუმცა ჯერ კიდევ სამი თვე გვაქვს წინ და ამ სამ თვეში როგორ განვითარდება მოვლენები არ ვიცით. ჩვენ უნდა ვისწავლოთ ვირუსთან სწორი ქცევა და შემდეგ მისი მართვა, თორემ შემოდგომასა და ზამთარში მასთან ერთად ცხოვრება გაგვიჭირდება. დღეს რომ იყოს სექტემბერი, ჩვეულებრივ რეჟიმში დავიწყებდით სწავლას,'' - აღნიშნა მინისტრმა.