საქართველოს განათლების, მეცნიერების, კულტურისა და სპორტის სამინისტრომ სკოლებს დოკუმენტი გაუგზავნა, სადაც მომავალი სასწავლო წლისთვის გაკვეთილების ჩატარების სხვადასხვა ფორმატს სთავაზობს, სკოლები კი თავად გადაწყვეტენ, თუ რომელ ვარიანტს აირჩევენ.
როგორც დოკუმენტშია აღნიშნული, თითოეულმა სკოლამ უნდა შეიმუშაოს მის შესაძლებლობებსა და საჭიროებებზე მორგებული საგაკვეთილო ცხრილი.
შესაძლოა, ერთცვლიანი სკოლები გადავიდნენ 2 ცვლაზე და სხვადასხვა საფეხურის მოსწავლეებმა იარონ ცვლების მიხედვით.
დოკუმენტის მიხედვით, სასწავლო წლის პირველი კვირა უნდა დაეთმოს ჰიგიენისა და უსაფრთხოების წესების გაცნობას მოსწავლეებისა და მშობლებისთვის; წესები შეიძლება გააცნონ დამრიგებლებმა, მანდატურებმა და/ან უსაფრთხოებაზე პასუხისმგებელმა პირებმა.
ცვლილება იქნება მოსწავლეთა შეფასებაში, კერძოდ, უპირატესობა უნდა მიენიჭოს კომპლექსური დავალებების კეთებას, რაც იძლევა საშუალებას, გაკვეთილების ნაცვლად ზოგჯერ დაინიშნოს საკონსულტაციო საათები დისტანციურად;
ცვლილება უნდა შევიდეს ესგ-ს იმ ნაწილში, სადაც საუბარია შეფასების სავალდებულო კომპონენტებზე (საკლასო, საშინაო და შემაჯამებელი). სკოლას უნდა მიეცეს შესაძლებლობა, მოსწავლეები შეაფასოს მხოლოდ შემაჯამებელი შეფასებით, საკლასო და საშინაო დავალების კომპონენტები იყოს სკოლის სურვილის მიხედვით (რომელიმე კლასში ან კლასებში, ერთ საგანში ან საგნებში).
,,აღნიშნული დოკუმენტი პირველადი ვარიანტია, რომელსაც კიდევ დაემატება ალტერნატივები დასაბოლოოდ, სკოლებიდან მიღებული უკუკავშირის შემდეგ, შეირჩევა საუკეთესო ვარიანტები სკოლების შესაძლებლობებიდან და საჭიროებებიდან გამომდინარე,'' - აღნიშნავენ რესურსცენტრების წარმომადგენლები.
გააზიარეთ პოსტი
თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“
„ახალი სკოლის მოდელის“ მხადამჭერი ჯგუფები დისტანციური სწავლების პროცესში აქტიურად ჩაერთვებიან
კორონავირუსის გავრცელების პრევენციის მიზნით, პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, სასწავლო პროცესის გადავადებასთან დაკავშირებით, საქართველოს განათლების, მეცნიერების, კულტურისა და სპორტის სამინისტრო დისტანციური სწავლების მეთოდებს აძლიერებს. ამ პროცესში „ახალი სკოლის მოდელის“ მხარდამჭერთა ჯგუფების მიერ შეძენილი შინაარსობრივი თუ ტექნიკური კომპეტენციები სასიცოცხლო მნიშვნელობას იძენს.
„ახალი სკოლის მოდელში“ ჩართული სკოლები მომზადებული დახვდნენ ზოგადსაგანმანათლებლო სისტემის წინაშე დამდგარ გამოწვევებს. მხარდამჭერთა ჯგუფების მიერ ჩატარებული მუშაობის შედეგად დაწყებითი საფეხურის მასწავლებლები შეიარაღდნენ Microsoft Office 365-ის პროდუქტების ცოდნით, რაც მათ საშუალებას აძლევს სწავლა-სწავლების პროცესი შედარებით უმტკივნეულოდ გადაიტანონ ციფრული ტექნოლოგიების სივრცეში.
Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო წყარო“.
გარდა ამისა, „ახალი სკოლის მოდელში“ ჩართულ სკოლებში მოსწავლეების მთავარ საქმიანობად იქცა ე. წ. „კომპლექსური დავალებების“ შესრულება, რომლებიც მოითხოვს შემოქმედებითი პროდუქტების შექმნას. კომპლექსური დავალებები მიმზიდველია ნებისმიერი მოსწავლისათვის, რადგან მათი შექმნის პროცესში ბავშვები ფიქრობენ საგნობრივ საკითხებზე და ამ გზით იძენენ საგნობრივ ცოდნას. ამგვარი მიდგომა მათ თვითრეალიზების საშუალებას აძლევს.
კომპლექსური დავალებები და საინფორმაციო ტექნოლოგიების ფლობა შექმნილ კრიზისულ სიტუაციაში ორ მნიშვნელოვან პრობლემას აგვარებს: საკლასო ოთახს მიღმა დარჩენილი მოსწავლეები სახლის პირობებში სასიამოვნოდ აგრძელებენ ცოდნა-გამოცდილების გამდიდრებას; დისტანციური გაკვეთილების დროს საკუთარ ნამუშევრებს, ნააზრევსა და ნაფიქრალს უზიარებენ ერთმანეთს და მასწავლებლისგან იღებენ უკუკავშირს.
„ახალი სკოლის მოდელში“ ჩართული სკოლების გამოცდილების გათვალისწინებით, საქართველოს განათლების, მეცნიერების, კულტურისა და სპორტის სამინისტრომ მიიღო გადაწყვეტილება, რომ მხარდამჭერი ჯგუფის წევრები აპრილიდან აქტიურად იმუშავებენ რეფორმაში მონაწილე საჯარო სკოლებთან როგორც დისტანციური სწავლების პრაქტიკის დახვეწის კუთხით, ასევე გამოცდილების სხვა სკოლებთან/მასწავლებლებთან გაზიარების მიმართულებით. სახელდობრ, კურიკულუმის განვითარებისა და დანერგვის ექსპერტები, მათი ასისტენტები, ტექნოლოგიების ექსპერტები და საგანმანათლებლო ლიდერობის ექსპერტები:
დისტანციური სწავლების პროცესში პედაგოგებს ფასილიტაციას გაუწევენ;
აქტიური თანამშრომლობის რეჟიმში გააციფრებენ კომპლექსურ დავალებებს და შექმნიან ციფრული დავალებების ბანკს, რაც საჯაროდ გამოქვეყნდება პორტალზე EL.GE. მიღებულ პროდუქტებსა და გამოცდილებაზე დაფუძნებით მოხდება სასკოლო სასწავლო გეგმების თემატური ერთეულების გაუმჯობესება;
დისტანციური სწავლების პრაქტიკაზე დაკვირვებით შეიმუშავებენ მეთოდოლოგიურ გზამკვლევებს;
დაეხმარებიან პედაგოგებს როგორც შინაარსობრივი, ისე ტექნიკური თვალსაზრისით განმავითარებელი შეფასების ელეტრონულ ფორმატში წარმოებაში ახალი სკოლის მოდელის ფარგლებში შემუშავებული ინსტრუმენტების გამოყენებით.
