Baby Bag

სკოლებისთვის კორონავირუსის პრევენციისთვის 5 ოქროს წესია შემუშავებული

სკოლებისთვის კორონავირუსის პრევენციისთვის 5 ოქროს წესია შემუშავებული

სრულიად რეალისტური გვგონია ის, რომ ეპიდემიური სიტუაცია მოგცემს სასწავლო პროცესის შეუფერხებლად დაწყების საშუალებას. ჩვენ დიდი ხანი ვიმუშავეთ განათლების სამინისტროსთან ერთად, რომ მოგვემზადებინა ერთიანი, სრული პაკეტი უსაფრთხო სასწავლო გარემოს შექმნისთვის, რათა ყველა დაცული იყოს კორონავირუსის რისკებისგან - ამის შესახებ ჯანდაცვის მინისტრის მოადგილემ, თამარ გაბუნიამ ​„ქრონიკაში“ განაცხადა.

მისი განმარტებით, სკოლებისთვის კორონავირუსის პრევენციისთვის არის 5 ოქროს წესი, რომლებიც ​რეკომენდაციებშია ასახული.

„ეს, რა თქმა უნდა, შეეხება პირბადის გამოყენებას. პირბადის გამოყენება აუცილებელი იქნება ყველა სკოლაში, სასწავლო გარემოში მყოფი პირისთვის, მაგრამ არ იქნება სავალდებულო მოსწავლეებისთვის. რაც შეეხება სხვა წესებს, ეს არის ისევ და ისევ ჰიგიენა და სკოლა უზრუნველყოფს სადეზინფექციო საშუალებებით ბავშვებისა და სხვა პერსონალის მომარაგებას. ეს არის ალკოჰოლის შემცველი სადეზინფექციო საშუალება, რომელიც ყველაზე ეფექტურია ხელების დამუშავებისთვის. მესამე ეს არის ჰიგიენური ნორმებისა და წესების დაცვა სველ წერტილებში, ასევე საკლასო ოთახებში. ოთახების განიავება- ეს არის მეოთხე ძალიან მნიშვნელოვანი ფაქტორი და მეხუთე და ყველაზე მნიშვნელოვანი წესია სოციალური დისტანციის დაცვა,“ - განაცხადა თამარ გაბუნიამ.

მისივე თქმით, მშობლებმა სიცხიანი ბავშვი სკოლაში არ უნდა გაუშვან. „ეს არც მანამდე იყო გამართლებული და ახლა კიდევ განსაკუთრებულ რისკებს უკავშირდება, ამიტომაც ყველა მშობელს ვთხოვთ, თავი შეიკავოს ბავშვის სკოლაში მიყვანისგან, თუ მას აქვს სიცხე, სურდო, ხველა და რესპირაციული სიმპტომები, მაგრამ თუ მოხდა ისე, რომ უკვე სკოლაში მისულ ბავშვს აქვს სიცხე, ამ შემთხვევაში სკოლებში ყველგან არის მოწყობილი იზოლირებული ოთახი, სადაც ბავშვი, თუ მას ტემპერტურა დაუფიქსირდება, იქ გადავა და დაელოდება ექიმს ან მშობელს,“- განაცხადა თამარ გაბუნიამ.

არ დაგავიწყდეთ !!!

Momsedu.ge-მ თქვენთვის, დედებისთვის შექმნა ახალი სივრცე. მოიწონეთ გვერდი მცოდნე დედე​ბი

განათლების სამინისტრომ სკოლებისთვის რეკომენდაციები შეიმუშავა
​2020-2021 სასწავლო წლის დაწყებისთვის, საქართველოს განათლების, მეცნიერების, კულტურის და სპორტის სამინისტრომ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს რ...

შეიძლება დაინტერესდეთ

,,კოვიდით დაავადებისას აზრადაც არ მოსდით მედიკამენტების ანოტაციის ნახვა - ისე სჯერათ მეცნიერების მონაპოვარის, აქტიურადაც ითხოვენ''

,,კოვიდით დაავადებისას აზრადაც არ მოსდით მედიკამენტების ანოტაციის ნახვა - ისე სჯერათ მეცნიერების მონაპოვარის, აქტიურადაც ითხოვენ''

ბოჭორიშვილის კლინიკის დირექტორმა დავით გადელიამ ვაქცინაციისა და კოვიდის სამკურნალო მედიკამენტის შესახებ ისაუბრა: 

,,მეცნიერებმა ამ ეტაპზე, კოვიდის სამკურნალოდ, რამოდენიმე მედიკამენტი მოგვაწოდა. ძირითადად, დამხმარე საშუალებებია, თუმცა სათანადო დროს და მდგომარეობისას - ეფექტურები! წლის ბოლოსთვის, პირდაპირი მოქმედების ანტივირუსული მედიკამენტებიც უნდა გვქონდეს შეიარაღებაში.

ადამიანებს, ვინც ლამის მოლეკულარულ დონეზე განიხილავენ ვაქცინებს ჯანმრთელად ყოფნისას და ბოლოს მაინც არ იკეთებენ, კოვიდით დაავადებისას აზრადაც არ მოსდით მედიკამენტების ანოტაციის ნახვა - ისე სჯერათ მეცნიერების მონაპოვარის, აქტიურადაც ითხოვენ.

...თქვე დალოცვილისშვილებო, თუ მაინც მეცნიერების და მედიკამენტების იმედზე ხართ მძიმე მდგომარეობაში, მოდით სანამ ურემი გადაბრუნდება, მანამდე ენდეთ! თქვენც განსაცდელში არ ჩაიგდებთ თავს და სახელმწიფოსაც ბევრად უფრო იაფი დაუჯდება! საკმაოდ მაღალი ფასები აქვს ამ მედიკამენტებს და თან რიგში უნდა ჩადგეს ქვეყანა, რომ კომპანიამ მოგვყიდოს. მილიონობით ლარებზეა საუბარი და მთლიანად სახელმწიფოს კისერზეა.

ყველას ვუსურვებ, არ შეხვდეს ეს დაავადება, მაგრამ ისიც გაითვალისწინეთ, რომ თქვენი უპასუხისმგებლობა ძალიან ძვირი უჯდება ქვეყანას!

აიცერით!

რეანიმაციაში მხოლოდ თითო-ოროლა აცრილი ავადმყოფი თუ გვყოლია და ისინიც სხვა მძიმე სნეულებებით გართულებულები,'' - აღნიშნავს დავით გადელია. 

წაიკითხეთ სრულად