Baby Bag

„სისტემა მართავს ამ პროცესებს და სწავლაზე ხელმისაწვდომობა გარანტირებულია თითოეული მოსწავლისთვის“

„სისტემა მართავს ამ პროცესებს და სწავლაზე ხელმისაწვდომობა გარანტირებულია თითოეული მოსწავლისთვის“

საქართველოს განათლების, მეცნიერების, კულტურისა და სპორტის მინისტრის მოადგილის ეკა დგებუაძის განცხადებით, კორონავირუსის პირობებში სამინისტრო სკოლების მართვას, ჯანდაცვის სამინისტროს ყველა რეკომენდაციის სრული დაცვით ახორციელებს.

„განათლების, მეცნიერების, კულტურისა და სპორტის სამინისტრო კორონავირუსის პირობებში ახორციელებს სკოლების მართვას, ჯანდაცვის სამინისტროს ყველა რეკომენდაციის ზედმიწევნით დაცვით.

ჩვენ არაერთხელ გვისაუბრია თუ როგორ ემზადებოდა განათლების სისტემა იმისთვის, რომ დავბრუნებულიყავით საკლასო ოთახებში და ამისთვის უზარმაზარი სამუშაო გასწია განათლების სამინისტრომ სხვა უწყებასთან ერთად.

იმ სკოლებში, სადაც კორონავირუსით ინფიცირების ფაქტი დასტურდება წერტილოვანი შეზღუდვები წესდება.

სკოლა მაშინვე უკავშირდება დაავადებათა კონტროლის ცენტრს და მისი რეკომენდაციების შესაბამისად მოქმედებს. სკოლას უტარდება დეზინფექცია, თუ საჭიროა, ყველა პედაგოგი და მოსწავლე გადადის თვითიზოლაციაში, თუ არადა მხოლოდ კლასი, სწავლა კი დისტანციურ რეჟიმში გრძელდება.

დღევანდელი სტატისტიკური მონაცემებით ვადასტურებთ იმას, რომ კოვიდ-ინფიცირების ფაქტები არსებობს მოსწავლეებსა და მასწავლებლებშიც. თუმცა შემიძლია გითხრათ, რომ სისტემა მართავს ამ პროცესებს და სწავლაზე ხელმისაწვდომობა გარანტირებულია თითოეული მოსწავლისთვის.

4 ქალაქის, (თბილისი, ზუგდიდი, რუსთავი და ქუთაისი) საჯარო სკოლებში, სადაც სწავლა 1-ლი ოქტომბრიდან, 1-6 კლასებში, საკლასო ოთახებში განახლდა, ფიქსირდება 132 422 მოსწავლე.

ჩვენს ხელთ არსებული ამ დროის მონაცემებით, კორონავირუსის შემთხვევების დადასტურების გამო, აღნიშნულ ქალაქებში სულ 20 სკოლა გადავიდა სრულად დისტანციურ სწავლებაზე, ასევე, 55 სკოლის ცალკეული კლასი.

რაც შეეხება სკოლებში უსაფრთხოებას, კორონავირუსის პრევენციის მიზნით, ახალი სასწავლო წლისთვის სამინისტრომ საჯარო სკოლები სრულად უზრუნველყო პირბადეებით, დისტანციური, უკონტაქტო თერმომეტრებით, დეზობარიერითა და ზედაპირების სადეზინფექციო სითხეებით. გარდა ამისა ჯანდაცვის სამინისტროს მიერ დადგენილი წესების განხორციელების პროცესს აკვირდება განათლების სამინისტრო, სისტემატიურად ხორციელდება სკოლებში მონიტორინგი.

განათლების სამინისტრომ შესთავაზე მოსწავლეებსა და მათ მშობლებს გაეკეთებინათ არჩევანი დისტანციურ სწავლებასა და საკლასო ოთახში სწავლის განახლებას შორის. დღეისათვის 1- 6 კლასების 130 000 მოსწავლიდან დისტანციური სწავლების სურვილი გამოთქვა 10 000-მდე მოსწავლემ,“ - აღნიშნა ეკატერინე დგებუაძემ. 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცო​დნე დედების ჯგუფი“)

შეიძლება დაინტერესდეთ

„თუ აცრას ვერ გადაიტანს ადამიანი, კოვიდს სულ ვერ გადაიტანს, ამიტომ აუცილებლად უნდა აიცრას,“ - კარდიოქირურგი ზვიად ბახუტაშვილი

„თუ აცრას ვერ გადაიტანს ადამიანი, კოვიდს სულ ვერ გადაიტანს, ამიტომ აუცილებლად უნდა აიცრას,“ - კარდიოქირურგი ზვიად ბახუტაშვილი

კარდიოქირურგმა ზვიად ბახუტაშვილმა პანდემიის დასრულებისთვის ვაქცინაციის ჩატარების მნიშვნელობის შესახებ ისაუბრა. მან აღნიშნა, რომ ქვეყნები, რომლებშიც მოქალაქეთა 80%-ზე მეტი აიცრა, ცხოვრების ჩვეულ სტილს დაუბრუნდნენ:

​ეს პანდემია ვერ დამთავრდება, თუ მოსახლეობამ არ დაიწყო აცრა. სკანდინავიის ქვეყნები, პორტუგალია, ქვეყნები, სადაც ვაქცინაცია 80%-ს გადასცდა დაუბრუნდნენ პრეკოვიდურ ცხოვრებას. აღარ არის ნიღაბი, არც არაფერი. უბრალოდ ტესტებს აკეთებენ და დარჩენილ მოსახლეობას ცრიან.“

ზვიად ბახუტაშვილის თქმით, კოვიდ-19-ის საწინააღმდეგო ვაქცინა ყველა ადამიანმა უნდა გაიკეთოს:

„აცრით უნდა აიცრას ყველა. ჩემთან ხშირად არის კომუნიკაცია იმის თაობაზე, რომ რაღაც თანმხლები დაავადება მაქვს და აცრას ვერ გადავიტან. თუ აცრას ვერ გადაიტანს ადამიანი, კოვიდს სულ ვერ გადაიტანს. ამიტომ აუცილებლად უნდა აიცრას.“

​ასეთი თემა, რომ აცრას ვერ გადაიტანს ადამიანი, არ არსებობს. შვიდი მილიარდი ადამიანია აცრილი დედამიწაზე. შვიდი მილიარდი ინექციაა გაკეთებული. მაშინ აღარ უნდა არსებობდეს დედამიწაზე მოსახლეობა,“ - აღნიშნულ საკითხზე ზვიად ბახუტაშვილმა ტელეკომპანია POSTV-ის გადაცემაში „დღის პოსტი“ ისაუბრა.

წყარო:​ „დღის პოსტი“

წაიკითხეთ სრულად