Baby Bag

15 თებერვლიდან საქართველოს მთელს ტერიტორიაზე სასწავლო პროცესი საკლასო ოთახში გაგრძელდება

15 თებერვლიდან საქართველოს მთელს ტერიტორიაზე სასწავლო პროცესი საკლასო ოთახში გაგრძელდება
საკოორდინაციო საბჭოს გადაწყვეტილებით, 15 თებერვლიდან თბილისის, ქუთაისისა და რუსთავის ზოგადსაგანმანათლებლო სკოლებში სასწავლო პროცესი საკლასო ოთახებში გაგრძელდება. ჯანდაცვის სამინისტროს რეკომენდაციის შესაბამისად, კიდევ ერთხელ შეფასდა ეპიდემიოლოგიური სიტუაცია და 7 დღის მაჩვენებელმა 4%-ზე დაბლა დაიწია.

აღსანიშნავია, რომ სკოლებში კორონავირუსის შემთხვევების დადასტურების შემთხვევაში გაგრძელდება მიდგომა წერტილოვანი შეზღუდვების შესახებ. ჯანდაცვის სამინისტროს მიერ დადგენილი წესების დაცვის პროცესს სამინისტრო სისტემატურად დააკვირდება და განახორციელებს სკოლების მონიტორინგს.

მნიშნელოვანია, რომ თბილისის, ქუთაისისა და რუსთავის საჯარო სკოლების მოსწავლეების მშობლებს ექნებათ შესაძლებლობა, აირჩიონ სწავლების დისტანციური ფორმა. თუკი მასწავლებლებს მოუწევთ დამატებით ჩაატარონ დისტანციური გაკვეთილები, სამინისტროს გადაწყვეტილებით, ისინი შესაბამის დანამატს მიიღებენ. მშობელმა, რომელსაც სურს, მოსწავლემ სწავლება დისტანციურ ფორმატში გააგრძელოს, ამის შესახებ უნდა მიმართოს სკოლის ადმინისტრაციას და გაიაროს რეგისტრაცია სსიპ-განათლების მართვის საინფორმაციო სისტემის მიერ შექმნილ ვებგვერდზე - www.online.emis.ge.

რაც შეეხება მასწავლებელთა ტესტირებას, ყველა სკოლაში, სადაც სასწავლო პროცესი საკლასო ოთახში წარიმართება, მოხდება მასწავლებელთა და სკოლის ადმინისტრაციული პერსონალის მინიმუმ 20%-ის სავალდებულო სისტემატური ტესტირება 2 კვირაში ერთხელ ჯანდაცვის სამინისტროსთან ერთად შემუშავებული პროტოკოლის საფუძველზე. სავალდებულო ტესტირების უზრუნველყოფის მიზნით, უნდა მოხდეს სკოლაში დასაქმებული ყველა პირის რეგისტრაცია ბმულზე: https://labour.moh.gov.ge/, რასაც სკოლები თავად უწევენ ორგანიზებას.

რაც შეეხება ბაღებს, პროფესიულ სასწავლებლებსა და უმაღლეს სასწავლებლებს, კონკრეტული გადაწყვეტილების შესახებ ცალკე განცხადება გაკეთდება.

აღნიშნულთან დაკავშირებით საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა განმარტება გააკეთა:

„ძალიან სასიხარულო ამბავი გვაქვს. როგორც იცით, ეპიდსიტუაცია საშუალებას გვაძლებს, რომ 15 თებერვალს, მთელი ქვეყნის ტერიტორიაზე სასწავლო პროცესი გაგრძელდეს საკლასო ოთახებში. მინდა საზოგადოებას მივულოცო ეს ამბავი.

როგორც იცით, ორშაბათს მთელი ქვეყნის ტერიტორიაზე უკვე გაგრძელდა სასწავლო პროცესი საკლასო ოთახებში, გარდა თბილისის, რუსთავის და ქუთაისის სკოლებისა, ხოლო 15 თებერვლიდან გაგრძელდება ამ 3 ქალაქშიც, შესაბამისად, მთელი ქვეყნის მასშტაბით.

რაც შეეხება ბაღებს, პროფესიულ სასწავლებლებსა და უმაღლეს სასწავლებლებს – ეს პროცესი სკოლებში დაბრუნებას ეტაპობრივად მოჰყვება, კონკრეტულ თარიღებთან დაკავშირებით ცალკე განცხადება გაკეთდება.

აქვე მინდა ხაზგასმით აღვნიშნო, რომ სკოლებში ზედმიწევნით იქნება დაცული სამედიცინო პროტოკოლი, მასწავლებლები გაივლიან რეგულარულ ტესტირებას, შესაბამისად, ყველაფერი გაკეთდება, რომ სკოლებში იყოს აბსოლუტურად უსაფრთხო გარემო.“


შეიძლება დაინტერესდეთ

„სად „გაქრა“ გრიპის ვირუსი?.. შეეშვით ტვინდემიასაც“

„სად „გაქრა“ გრიპის ვირუსი?.. შეეშვით ტვინდემიასაც“

სად „გაქრა“ გრიპის ვირუსი? - ამის შესახებ ექიმი ინფექციონისტი არჩილ ჯალაღონია სოციალურ ქსელში წერს. ​MomsEdu.ge გთავაზობთ მის პოსტს უცვლელად:

„ხშირად მეკითხებიან სად „გაქრა“ გრიპის ვირუსი?! შევეცდები აგიხსნათ...

უკვე დიდი ხანია აღინიშნა და ფაქტია, რომ ადამიანი, რომელიც ებრძვის ერთ ვირუსს სხეულში, იშვიათად ხდება სხვა ტიპის ვირუსით დაავადებული. ამის მიზეზია ცილა ინტერფერონი. ინტერფერონის გამომუშავებით, უჯრედები, სადაც ვირუსმა ჯერ კიდევ არ შეაღწია, რეზისტენტად იქცევა და საბოლოოდ დაავადება მიდის. ეს ცილები წარმოიქმნება T-უჯრედებში, მაკროფაგებში, ფიბრობლასტებში და სხვა იმუნურ უჯრედებში. ინტეფერონის ცილების სინთეზი იზრდება 38°C-მდე ტემპერატურის დროს. როცა ავადმყოფი ადამინის სხეულის ტემპერატურა მიაღწევს 39°C- ზე ზემოთ, ასეთი ჰიპერთერმიისას ჩვენი ორგანიზმის დამცავი ფუნქციები სუსტდება, ვინაიდან ძალიან მაღალი ტემპერატურა ერევა ფერმენტების და ბიოლოგიურად აქტიური ნივთიერებების ნორმალურ ფუნქციონირებაში, ისინი ვერ ახერხებენ სრულფასოვან ფუნქციონირებას და მოვალეობას. ამიტომ 38.5°C- ზე ზემოთ ტემპერატურა უნდა შემცირდეს ანტიპირეტიული საშუალებებით (პარაცეტამოლი, იბუპროფენი და სხვა...) ნორმალური იმუნური პასუხის შესანარჩუნებლად.
1957 წელს ლონდონის ვირუსოლოგიის ეროვნული ინსტიტუტის თანამშრომლებმა, ინგლისელმა ა. ისააკმა და შვეიცარიელმა ჯ. ლინდემანმა, ექსპერიმენტების დროს შემთხვევით აღმოაჩინეს ინტერფერონი. 

 

მკვლევარები ასეთი ფენომენის წინაშე აღმოჩნდნენ: კვლევების დროს, როდესაც თაგვებს აინფიცირებდნენ ვირუსებით, ზოგიერთი თაგვი არ დაინფიცირდა ექსპერიმენტალური ვირუსით. ამ ფენომენის მიზეზების ძიებამ აჩვენა, რომ თაგვები, რომლებიც არ დაემორჩილნენ მეცნიერების მიერ შეყვანილ ვირუსებს, უკვე ავად იყვნენ სხვა ვირუსული ინფექციით. ამრიგად, აღმოჩნდა, რომ თაგვების სხეულში ერთი ვირუსი აფერხებს მეორის გამრავლებას. ვირუსის ანტაგონიზმის ამ ფენომენს „დაბრკოლება“ უწოდეს, ეს ფენომენი ხდება მაშინ, როდესაც ორგანიზმში ერთდროულად შემოდის ორი ვირუსი ან ინტერვალით არა უმეტეს 24 საათისა.

​ასე შემცირდა გრიპის ვირუსის ფართო გავრცელებაც კოვიდ-19 პანდემიის ფონზე... შეეშვით ტვინდემიასაც“ - წერს ინფექციონისტი.
წაიკითხეთ სრულად