Baby Bag

სკოლის დირექტორობის მსურველთა სერტიფიცირების პროგრამა - მეხუთე ნაკადის რეგისტრაცია ტრენინგზე 26 სექტემბერს 23:00 საათზე სრულდება

სკოლის დირექტორობის მსურველთა სერტიფიცირების პროგრამა -  მეხუთე ნაკადის რეგისტრაცია ტრენინგზე 26 სექტემბერს 23:00 საათზე სრულდება

2014 წელს, კონკურსის წესით, სკოლების სამეურვეო საბჭოების მიერ შერჩეული და მინისტრის ბრძანებით დამტკიცებული დირექტორების უმრავლესობას უფლებამოსილების ექვსწლიანი ვადა 2020 სექტემბრიდან ეტაპობრივად ამოეწურა. 2021 წლის 1 აგვისტოს მდგომარეობით, უფლებამოსილების ვადა 1003 დირექტორს გაუვიდა. ვადის ამოწურვის შემდეგ, განათლებისა და მეცნიერების სამინისტრომ, მათი უმრავლესობა (891 დირექტორი) მოვალეობის შემსრულებლად დანიშნა, ნაწილი (112 დირექტორი) კი არა.

როგორც ცნობილია, საქართველოს ტერიტორიაზე არსებული სკოლების მოქმედ დირექტორებს ხელშეკრულების ვადა 2020 წლის ოქტომბერში ამოეწურათ, მას შემდეგ მათ ადგილზე დირექტორის მოვალეობის შემსულებლები დაინიშნენ. 

2021 წლის 9 აგვისტოს საქართველოს საკანონმდებლო მაცნეში განათლებისა და მეცნიერების მინისტრ მიხეილ ჩხენკელის ბრძანება გამოქვეყნდა. ის შეეხება საჯარო სკოლის დირექტორის შესარჩევი კონკურსის წესის ცვლილებებს.

აღნიშნულ დოკუმენტში არაფერია ნათქვამი 2020 წლის გაზაფხულიდან უვადოდ გადაწეული კონკურსის ჩატარების დროის შესახებ, თუმცა რადგან ნორმატიულ აქტში ცვლილებები განხორციელდა, სავარაუდოა, რომ უწყება დირექტორების კონკურსისთვის უკვე ემზადება.
მოცემული ცვლილებების საფუძველზე პედაგოგთა პროფესიული ზრდის ცენტრი გთავაზობთ დირექტორთა სერტიფიცირების პროგრამას, რომელიც მოიცავს ყველა საჭირო ტრენინგ-მოდულს, რაც აღნიშნული გამოცდის ჩასაბარებლად არის საჭირო.

ტრენინგის ხანგრძლივობაა 30 საათი (2 თვე).

მასში შედის სამი ნაწილი:

  • ზოგადი უნარები
  • პროფესიული უნარები
  • საკანონმდებლო ბაზა
სემინარები ჩატარდება კვირაში 2-ჯერ, თითო სემინარის ხანგრძლივობაა 2 საათი.

ტრენინგის მიმდინარეობისას მოგაწვდით შესაბამის თეორიულ მასალას და ტესტურ დავალებებს.

სრული კურსის ღირებულებაა 300 ლარი.

რეგისტრაცია სრულდება 26 სექტემბერს 23:00 საათზე.

ტრენინგი დაიწყება 27 სექტემბერს 17:00 საათზე.

რეგისტრაციისთვის ეწვიეთ ბმულს:


დამატებითი ინფორმაციისთვის დარეკეთ: 592 477 277 ან 591 504 325

R.

შეიძლება დაინტერესდეთ

„ამას სამინისტრო მკაცრად გააკონტროლებს...“ - ირინა აბულაძე სკოლის დირექტორებს

„ამას სამინისტრო მკაცრად გააკონტროლებს...“ - ირინა აბულაძე სკოლის დირექტორებს

საქართველოს განათლების, მეცნიერების, კულტურისა და სპორტის მინისტრის მოადგილემ ირინე აბულაძემ და ინკლუზიური განვითარების სამმართველოს უფროსმა ეკა დგებუაძემ საჯარო სკოლის დირექტორებსა და რესურსცენტრების ხელმძღვანელებს ის პროექტები გააცნეს, რომლებიც სკოლებში ინკლუზიური განათლების მიმართულებით მიმდინარეობს და იგეგმება. შეხვედრაზე ასევე ის გამოწვევები განიხილეს, რომლებიც სასწავლო პროცესში სპეციალური საგანმანათლებლო საჭიროების მქონე მოსწავლეების ეფექტიან ინტეგრაციას უშლის ხელს.

ირინა აბულაძემ შეხვედრაზე ხაზი გაუსვა, რომ სამინისტროსთვის ინკლუზიური განათლება ერთ-ერთ უმთავრეს პრიორიტეტს წარმოადგენს. შესაბამისად, სკოლების დირექტორებსა და რესურსცენტრების ხელმძღვანელების ვალდებულებაა, განსაკუთრებული ყურადღებით მოეკიდონ სსსმ მოსწავლეებს , რასაც სამინისტრო მკაცრად გააკონტროლებს.

შეხვედრაზე საუბარი შეეხო სისტემაში დანერგილ სერვისებსა და დამატებითი სერვისების იდენტიფიცირებას.

საქართველოს განათლების, მეცნიერების, კულტურისა და სპორტის სამინისტრომ 2019 წელს ინკლუზიური განათლების მიმართულებით, არაერთი მნიშვნელოვანი პროექტი განახორციელა. კერძოდ, მას შემდეგ რაც სპეც.მასწავლებლებს მასწავლებლის სტატუსი მიენიჭათ, მათი ხელფასი 205 ლარით გაიზარდა, ხოლო 2019 წლის 1 ოქტომბრიდან, საშუალოდ 20%-ის ფარგლებში ხელფასები გაეზარდათ საჯარო სკოლის ინკლუზიური განათლების მხარდამჭერ სპეციალისტებს.

საქართველოს განათლების, მეცნიერების, კულტურისა და სპორტის სამინისტრომ 2019 წელს ინკლუზიური განათლების მიმართულებით, არაერთი მნიშვნელოვანი პროექტი განახორციელა:

2019-2020 სასწავლო წელს პირველად, მინისტრის ბრძანებით, სპეციალური საგანმანათლებლო საჭიროების მქონე ბავშვების ინტერესებიდან გამომდინარე, საქართველოს განათლების, მეცნიერების, კულტურისა და სპორტის სამინისტროს მიერ, 2019-2020 სასწავლო წლისათვის, პირველკლასელთა რეგისტრაციაში ცვლილებები შევიდა. კერძოდ, რეგისტრაციის პირველ ეტაპზე უპირატესობა სწორედ ამ კატეგორიის ბავშვებს მიენიჭა. შემუშავდა და დაინერგა ინკლუზიური განათლების საინფორმაციო სისტემა და პროექტი - InclusiveEdu; ჩატარდა 500 -მე საჯარო სკოლის ინდივიდუალური მონიტორინგი; მიმდინარეობს სპეციალური მასწავლებლის პროფესიული განვითარების სქემაზე აქტიური მუშაობა; განახლდა სკოლის ფსიქოლოგის, სპეციალური მასწავლებლისა და ინდივიდუალური ასისტენტის სტანდარტი; 2 წლიდან 6 წლის ჩათვლით, შემუშავდა ბავშვის ინტელექტის შეფასების ტესტი; დაინერგა ალტერნატიული და სენსორული კურიკულუმი. განხორციელდა პირველიდან-მეექვსე კლასის ჩათვლით ახალი სახელმძღვანელოების ანალიზი და არ არსებული ახალი ქართული ჟესტების შექმნა. მნიშვნელოვანია, რომ ახალი სკოლის მოდელში განხორციელდება ინკლუზიური განათლების ინტეგრაცია.

2020 წლისთვის, სამინისტრო ამ მიმართულებით მუშაობას აქტიურად აგრძელებს და დაგეგმილია ისეთი პროექტების განხორციელება, როგორიცაა სკოლებში ინკლუზიური და სპეციალური განათლების ხარისხის განვითარება, სენსორული დარღვევის (სმენა, მხედველობა) მოსწავლეებისთვის განათლების ხელმისაწვდომობის გაზრდა, FM და ინდუქციული სისტემის დანერგვა სმენადაქვეითებული მოსწავლეებისთვის, ჟესტური ენის განვითარება, მცირემხედველი მოსწავლეების შესაბამისი ტექნიკით აღჭურვა; მოსწავლეების სტუდენტების ბრაილის და ხმოვანი სახელმძღვანელოებით უზრუნველყოფა, სსსმ მოსწავლეებისთვის არსებული დამატებითი მომსახურებების განვითარება და გამრავალფეროვნება, მასწავლებლების კვალიფიკაციის ამაღლება, სპეციალური მასწავლებლის მომზადების საუნივერსიტეტო პროგრამაზე მუშაობა, სპეციალური მასწავლებლები სერტიფიცირება, ადრეული და სკოლამდელი ინკლუზიური განათლების სისტემის გამართვა და დანერგვა, პროფესიული და უმაღლესი განათლების საფეხურზე სსსმ სტუდენტების განათლების ხელმისაწვდომობის და ხარისხის გაზრდა, განათლების მიღმა დარჩენილი პირებისთვის განათლების უფლების უზრუნველყოფა, განათლების სისტემაში სოციალური პოლიტიკის შემუშავება და დანერგვა, მიმდინარეობს მოსწავლის ინდივიდუალურ საჭიროებაზე მორგებული ახალი დაფინანსების მოდელზე მუშაობა, რომელიც 2020 წლიდან ამოქმედდება.

წაიკითხეთ სრულად