Baby Bag

საქართველოს მასშტაბით დისტანციურ სწავლებაზე გადავიდა 108 სკოლა და ცალკეული 687 კლასი - განათლების სამინისტრო

საქართველოს მასშტაბით დისტანციურ სწავლებაზე გადავიდა 108 სკოლა და ცალკეული 687 კლასი - განათლების სამინისტრო

განათლების სამინისტროს ინფორმაციით, საქართველოს მასშტაბით დისტანციურ სწავლებაზე გადავიდა 108 სკოლა და ცალკეული 687 კლასი. მათივე ცნობით, სასწავლო პროცესის საკლასო სივრცეში განახლებასთან ერთად, ვირუსის გავრცელების პრევენციის მიზნით, სკოლებში მონიტორინგი გამკაცრდა. 

„კვლავ აქტიურად მიმდინარეობს Covid-19-ზე მასწავლებელთა ტესტირება. სკოლის პერსონალს – მასწავლებლებს, მანდატურებს, ადმინისტრაციის წარმომადგენლებსა და ტექნიკურ პერსონალს ტესტირება როგორც PCR ტექნოლოგიის, ასევე, ანტიგენის სწრაფი ტესტის გამოყენებით ინტენსიურად უტარდება.

Covid-19-ის გამოვლენის შემთხვევაში, შიდა გავრცელების თავიდან ასაცილებლად, სკოლები მოქმედებენ ჯანდაცვის სფეროს წარმომადგენელთა რეკომენდაციის შესაბამისად და ცალკეული კლასი ან სკოლა მყისიერად გადადის დისტანციურ სწავლებაზე. 

რაც შეეხება ინფიცირების მაჩვენებელს, ბოლო კვირის მონაცემებით, ვირუსი დაუდასტურდა მასწავლებლების 0,9%-ს, ხოლო მოსწავლეების – 0,6%-ს.

კვლავ გრძელდება ვაქცინაციის პროცესი. ამ ეტაპისთვის აცრილია მასწავლებლებისა და სკოლის ადმინისტრაციული პერსონალის 69%.

განათლებისა და მეცნიერების სამინისტროსთვის განსაკუთრებულად მნიშვნელოვანია ბავშვების ჯანმრთელობა, სკოლებში უსაფრთხო გარემოს შექმნა. სამინისტრო კიდევ ერთხელ მოუწოდებს სრულიად სასკოლო საზოგადოებას, მაქსიმალურად დაიცვან ჯანდაცვის სფეროს რეკომენდაციები, აქტიურად ჩაერთონ ვაქცინაციის პროცესში.

ზოგადსაგანმანათლებლო დაწესებულებები სრულად არიან აღჭურვილი პანდემიის პრევენციისათვის საჭირო რესურსების მარაგით, მაქსიმალურად უზრუნველყოფენ ჯანდაცვის სფეროს რეკომენდაციების დაცვასა და უსაფრთხო გარემოს შექმნას,“ - აღნიშნულია სამინისტროს მიერ გავრცელებულ ინფორმაციაში.

„განათლების სამინისტრომ უპრეცედენტო დაშვება გააკეთა, რომ მოიკითხოთ, მსგავსი არცერთ ქვეყანა...
​განათლების მინისტრის მოადგილემ ეკატერინე დგებუაძემ სწავლის საკლასო ოთახებში განახლების შესახებ ისაუბრა და იმ პასუხისმგებლობას გაუსვა ხაზი, რომელიც სკოლის დაწყებასთან ერთად დაგვეკისრა:„პასუხისმგებლობა...

შეიძლება დაინტერესდეთ

მასწავლებლის შეფასების ჯგუფის წინადადების გასაჩივრებისთვის გათვალისწინებული საპრეზენტაციო განაცხადის ფორმა დამტკიცდა

მასწავლებლის შეფასების ჯგუფის წინადადების გასაჩივრებისთვის გათვალისწინებული საპრეზენტაციო განაცხადის ფორმა დამტკიცდა

​მასწავლებლის შიდა შეფასების შედეგებისა და მასწავლებლისათვის სქემით განსაზღვრული სტატუსის მინიჭებასთან დაკავშირებით მასწავლებლის შეფასების ჯგუფის წინადადების გასაჩივრებისთვის გათვალისწინებული საპრეზენტაციო განაცხადის ფორმა დამტკიცდა. ამასთან, განისაზღვრა საპრეზენტაციო განაცხადის წარდგენის ვადა. 

ბრძანების მიხედვით, საპრეტენზიო განაცხადის ცენტრში წარდგენის ვადა - პრაქტიკოს, უფროს და წამყვანის სტატუსის მქონე მასწავლებლებს 2019 წლის 18 დეკემბრიდან 2020 წლის 20 იანვარის ჩათვლით აქვთ.

იხილეთ გასაჩივრებისთვის განსაზღვრული საპრეზენტაციო განაცხადის ​ფორმა

წაიკითხეთ სრულად