წარმოგიდგენთ ფილმებს, რომლებიც ერთი მხრივ, აქედანვე შეგიქმნიან საზაფხულო განწყობას და მეორე მხრივ, მომავალი მოგზაურობის დაგეგმვაშიც დაგეხმარებიან.
ვუდი ალენის ამ შესანიშნავ ფილმში მსახიობების ნამდვილი ვარსკვლავთცვენაა. პენელოპა კრუსი, სკარლეტ იოჰანსონი, ხავიერ ბარდემი და რებეკა ჰოლი წარმოგვიდგენენ ბარსელონისეულ ისტორიას უხვი სასიყვარულო ელემენტებითა და ზაფხულის მწველი მზით. რეჟისორის თვალით დანახული ევროპული ვნებები ყველასთვის საყვარელ საზაფხულო ქალაქში - ბარსელონაში ვითარდება. ფილმმა მრავალი ნომინაცია, ხოლო პენელოპა კრუსს კი - ოსკარი მოუტანა.
სემი და სუზი პატარა კუნძულიდან გაქცევას გადაწყვეტენ. მათ ერთმანეთი უყვართ და იმ 88 ადამიანის წინააღმდეგ გაილაშქრებენ, რომლებიც კუნძულზე ცხოვრობენ. უეს ანდერსონის ეს ფილმი თავის ჟანრში ნამდვილი კლასიკაა, რომ არაფერი ვთქვათ მასში მონაწილე მსახიობების სიუხვეზე და ოსტატობაზე (ბილი მიურეი, ბრიუს უილისი, ედუარდ ნორტონი, ფრენსის მაკდორმანდი, ტილდა სუიტონი, ჯეისონ შვარცამანი).
როგორ წარმოგიდგენიათ რომელიმე ზაფხული ოთხი მეგობრის ამ საოცარი თავგადასავლის გარეშე? ამერიკული კლასიკური კომედია, რომელმაც დროს და თაობებს გაუძლო, სიყვარულის, მეგობრობის, გულშემატკივრობის, გულგრილობის, ინფლაციის, და-ძმური სიყვარულის და უბრალოდ, ბევრი მოულოდნელობების შესახებ მოგვითხრობს.
თქვენც ABBA-ს განუმეორებელი მელოდიები ჩაგესმით, არა? ახალგაზრდა სოფის კი მხოლოდ ის სურს, რომ საკურთხეველთან მამამ მიიყვანოს. მის სურვილს მხოლოდ დედა უშლის ხელს, რომელიც პრინციპულად არ ამბობს მამის სახელს. შედეგად, სოფი იმ სამ მამაკაცს ეპატიჟება ქორწილში, რომელთაგან ერთ-ერთი, სავარაუდოდ მამამისია. მზიანი და სიყვარულით სავსე მიუზიკლი ზაფხულის დღეებისთვის ზედგამოჭრილია.
ამერიკელი ჯესი ვენისკენ მიმავალ გზაზე ულამაზეს და მომხიბვლელ ფრანგ გოგონას ხვდება. სიყვარულითა და საოცარი სიურპრიზებით სავსე ღამე ახალგაზრდა წყვილს ნამდვილ გრძნობას განაცდევინებს. ამ ფილმის ნახვის შემდეგ არაა გამორიცხული, რომ თავადაც იგრძნოთ თავი შეყვარებულად.
გრისუოლდების ოჯახი ძიების პროცესშია. ისინი არდადეგების გატარებას ველი უელდის პარკში აპირებენ, გზად კი, რა თქმა უნდა, საინტერესო და მხიარული თავგადასავლები ელით.
ზაფხულის გეგმები უკანასკნელ მომენტში შეგეცვალათ? არ იდარდოთ, არც ჯესი ეიზენბერგის გმირია ამ ზაფხულს მოგზაურობისთვის „განწირული“. გრეტ მოტოლას ახალგაზრდული კომედია იმდენად კარგ და სასიამოვნო განწყობას შეგიქმნით, კრისტენ სტიუარტსაც კი აიტანთ როგორმე.
რაიან მერფის მელოდრამა ჯულია რობერტსისა და ხავიერ ბარდემის მონაწილეობით საკურორტო რომანზე მოგვითხრობს. ელიზაბეტი მტკივნეული დაშორების შემდეგ სამოგზაუროდ მიდის და საკუთარი თავის პოვნაში, ახალ სიყვარულსაც აღმოაჩენს.
