Baby Bag

ეს დიეტა დღეში ერთ კილოს დაგაკლებინებთ - ტელეწამყვანი ნინო ბარათაშვილი

ეს დიეტა დღეში ერთ კილოს დაგაკლებინებთ - ტელეწამყვანი ნინო ბარათაშვილი

ტელეწამყვანმა ნინო ბარათაშვილმა ვარსკვლავური დიეტა გაგვაცნო, რომელიც ერთ დღეში ერთი კილოს დაკლებაში დაგეხმარებათ:

„ეს არის ვარკვლავური დიეტა, რომელიც დღეში ერთ კილოს გაკლებინებთ. ამ დიეტის დაცვა ორ დღეზე მეტხანს არ არის რეკომენდებული. რაში მდგომარეობს დიეტის მთელი არსი? ვიღებთ ლიტრ-ნახევარ რძეს. რძე უნდა იყოს აუცილებლად 2,5%-მდე. ამ დიეტის მთელი საიდუმლო ეს არის. ვიღებთ ასევე მწვანე ჩაის. ერთ ჭიქა რძეზე ერთი შეფუთვა მწვანე ჩაი არის საჭირო. თქვენ შეგიძლიათ თავისუფლად გამოიყენოთ სამი-ოთხი ჩაის კოვზი ფოთლოვანი მწვანე ჩაი.“

ნინო ბარათაშვილის თქმით, რძე ბოლომდე არ უნდა ადუღდეს:

„რძე უნდა შეათბოთ, უნდა მიიყვანოთ წამოდუღებამდე, მაგრამ არავითარ შემთხვევაში არ უნდა აადუღოთ. დღის მანძილზე აუცილებლად უნდა მიიღოთ ლიტრ-ნახევარი რძე მწვანე ჩაისთან ერთად. თუ არ გინდათ, რომ წამოადუღოთ რძე და უფრო გრილ ვერსიას ანიჭებთ უპირატესობას, შეათბეთ ეს რძე, წამოდუღებამდე მიიყვანეთ, შემდეგ 20 წუთი გააგრილეთ. საჭმელს არავითარ შემთხვევაში არ ვჭამთ, მაგრამ აუცილებელი პირობაა, რომ დალიოთ ორი ლიტრი წყალი.“

„ერთი დღე ხართ მარტო ამ რძეზე და ორ ლიტრ წყალზე. ეს არის შოკი ორგანიზმისთვის. რძე არის მეტაბოლიზმისთვის აუცილებელი პროდუქტი, მას ემატება მწვანე ჩაი, რომელიც ცხიმებს წვავს და სითხეს გამოდევნის ორგანიზმიდან,“ - აღნიშნულ საკითხზე ნინო ბარათაშვილმა ტელეკომპანია „იმედის“ გადაცემაში „დღის შოუ“ ისაუბრა.

წყარო: ​ „დღის შოუ“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ეს დიეტა ძალიან გამოცდილია, ის დაახლოებით 1921 წელს შემოიღეს,“ - ენდოკრინოლოგი თამარ ზერე...
​ენდოკრინოლოგმა თამარ ზერეკიძემ კეტო დიეტის დადებითი და უარყოფითი მხარეების შესახებ ისაუბრა:„კეტო დიეტა არის დიეტა, როდესაც ცხიმები არის წამყვანი რაციონში. 55-60% დღის რაციონი მოდის ცხიმოვან საკვებზე,...

შეიძლება დაინტერესდეთ

5 საბავშვო სნექი მოგზაურობისას

5 საბავშვო სნექი მოგზაურობისას

ბევრი ბავშვისთვის ზაფხული ყველაზე საყვარელი სეზონია. არდადეგები, დასვენება, თბილი ამინდები და ბევრი თავგადასავალი - მიზეზი უამრავია, რის გამოც ბავშვები ზაფხულს სულმოუთქმელად ელოდებიან. ცხელ დღეებში აუცილებელია იმაზე ფიქრი, რომ ბავშვების კვების რაციონი ჯანსაღი და საკვები ნივთიერებებით მდიდარი პროდუქტებით იყოს დაკომპლექტებული. ამ შემთხვევაში, მრავალფეროვანი ხემსი იდეალური ვარიანტია აქტიური ბავშვებისთვის - მეტი ენერგიისა და მეტი ვიტამინის მისაღებად.

თუ დასასვენებლად მთელი ოჯახით შორეულ მანძილზე მიემგზავრებით, ისეთი ჯანსაღი სნექის რეცეპტებს გაგიზიარებთ, რომლებსაც თქვენი შვილები სიამოვნებით დააგემოვნებენ, დამღლელი გზა კი შედარებით სასიამოვნო გახდება.

1. თხილეულისა და ჩირეულის მიქსი

ამ სასუსნავის თითოეული ინგრედიენტი სრულიად ჯანსაღი პროდუქტია. უნიკალური შემადგენლობის ფ​სტა იმ საჭირო საკვებ ნივთიერებებს შეიცავს, რომლებიც ბავშვების ზრდისა და განვითარებისთვისაა საჭირო. ქეში​უ მდიდარია მაგნიუმითა და კალციუმით - ეს ორი მნიშვნელოვანი მინერალი ხელს უწყობს ძლიერი და ჯანმრთელი ძვლების ჩამოყალიბებას.

ქეშიუსა და ფსტის მიქსს საოცარ სურნელსა და არომატს ანიჭებს სიჯანსაღით და დაბალკალორიულობით გამორჩეული ბან​ანის, ფორთო​ხლისა და მსხ​ლის ჩირეული.

სნექის მოსამზადებლად დაგჭირდებათ:

  • 1/2 ჭიქა ქეშიუ
  • 1/2 ჭიქა ფსტა
  • 1/4 ჭიქა ბანანის ჩირი
  • 1/4 ჭიქა ფორთოხლის ჩირი
  • 1/4 ჭიქა მსხლის ჩირი

მომზადების წესი:

ყველა ეს ინგრედიენტი - ქეშიუ, ფსტა, ბანანის, ფორთოხლისა და მსხლის ჩირი ერთმანეთში ისე აურიეთ, რომ ჩირეული და თხილეული თანაბრად გადანაწილდეს.

მიღებული მასა ჰერმეტულ კონტეინერში შეინახეთ. გაყავით პატარა პორციებად. ეს დაგეხმარებათ, მგზავრობის პერიოდში თქვენს შვილთან ერთად სასურველი რაოდენობის ხემსი მიირთვათ.

2. სნექი ნიგვზითა და ვაშლის ჩირით

ნიგო​ზს, მასში შემავალი ომეგა-3 ცხიმოვანი მჟავების გამო, ხშირად „ტვინის საკვებსაც“ უწოდებენ. ნიგოზი ხელს უწყობს ბავშვებში კოგნიტიური უნარების გაუმჯობესებასა და ნეიროდაცვას.

შვრიის ფანტ​ელი და ვაშლ​ის ჩირი კი იდეალურია საჭმლის მომნელებელი სისტემისთვის.

ინგრედიენტები:

  • 1 ჭიქა შვრიის ფანტელი
  • 1/2 ჭიქა დაჭრილი ნიგოზი
  • 1/4 ჭიქა დაჭრილი ვაშლის ჩირი
  • 1/3 ჭიქა თაფლი ან ნეკერჩხლის სიროფი

მომზადების წესი:

შვრიის ფანტელი, დაჭრილი ნიგოზი და ვაშლის ჩირი ერთმანეთში აურიეთ. მოასხით თაფლი ან ნეკერჩხლის სიროფი. მიღებული მასა უნდა იყოს წებოვანი.

საცხობ ფორმას დააფარეთ პერგამენტის ქაღალდი და მასა თანაბრად გადაიტანეთ. აცხვეთ შეოქროსფერებამდე, 15-20 წუთის განმავლობაში.

როცა გაცივდება, დაჭერით ზოლებად და ისე შეინახეთ ჰერმეტულ კონტეინერში.

3. ფსტისა და ბანანის ჩირის დესერტი

ფსტისა და ბანანის დესერტი მზადდება ნატურალური იოგურტისგან, ჩირისა და თხილეულისგან. სამივე მათგანი ბავშვის ზოგადი ჯანმრთელობისთვის ისეთ აუცილებელ საკვებ ნივთიერებებს და ვიტამინებს შეიცავს, როგორებიცაა: B12, B6, E, D, რკინა, სპილენძი, კალციუმი და სხვა.

ინგრედიენტები:

  • 2 ჭიქა იოგურტი
  • 1/2 ჭიქა დაჭრილი ბანანის ჩირი
  • 1/2 ჭიქა დაჭრილი ფსტა

მომზადების წესი:

გამჭვირვალე ჭიქის ძირში გადაიტანეთ თითო კოვზი იოგურტი. დაუმატეთ ფენებად დაჭრილი ბანანის ჩირი და მოაყარეთ დაქუცმაცებული ფსტა. გაიმეორეთ ეს ფენები მანამ, სანამ ჭიქა არ გაივსება. საბოლოო ფენად მოაყარეთ ფსტა.

შეინახეთ მაცივარში და მიირთვით იქამდე, სანამ მგზავრობის გრძელ გზას დაადგებით.

4. ფინიკისა და ნუშის ენერგიის ბურთები

უშაქრო და ნატურალური ბურთულები ბავშვებისთვის იდეალური საზაფხულო სნექია. გემოვნურ მახასიათებლებთან ერთად, თხილეულის ეს კომბინაცია ანტიოქსიდანტების, ჯანსაღი ცხიმებისა და ცილების შესანიშნავი წყაროა, რომელიც განსაკუთრებით სასარგებლოა ბავშვებისთვის.

ჩიას თესლი, უჯრედისის მაღალი შემცველობით, ეხმარება ბავშვებებს გემრიელად დანაყრებაში და ხელს უშლის საკვების დიდი ოდენობით მიღებას.

ამ სნექის მოსამზადებლად დაგჭირდებათ:

ინგრედიენტები:

  • 1 ჭიქა ფინიკი
  • 1/2 ჭიქა ნუში
  • 1/2 ჭიქა ნიგოზი
  • 1/4 ჭიქა ქიშმიში
  • 2 სუფრის კოვზი ჩიას თესლი

მომზადების წესი:

გააერთიანეთ სამზარეულოს კომბაინში შემდეგი ინგრედიენტები: ფინ​იკი, ნუ​ში, ნიგ​ოზი და ქიშ​მიში. ურიეთ იქამდე, სანამ ერთიან მასას არ მიიღებთ. დაუმატეთ ჩიას თესლი და გააგრძელეთ მორევა. თუ მიღებული მასა ზედმეტად მშრალი გამოვიდა, შეგიძლიათ დაამატოთ რამდენიმე ფინიკი, თაფლი ან დაასხათ ცოტა წყალი.

მიღებული მასა ამოიღეთ ხელით და მიეცით პატარა ბურთულების ფორმა. გადაიტანეთ გაშლილ თეფშზე და შედგით მაცივარში 30 წუთით.

ფორმირებული ენერგიის ბურთები შეინახეთ ჰერმეტულ კონტეინერში. ბურთულების მცირე ზომიდან გამომდინარე, იდეალური სნექია მგზავრობისას და პიკნიკის დროს.

5. ტკბილი და ჯანსაღი ჩიას პუდინგი

ჯანსაღი ინგრედიენტებით დამზადებული პუდინგი შეგიძლიათ სნექადაც მიირთვათ.

კონკრეტულად, ჩიას პუდინგი ჯანსაღი ხემსის იდეალური ვარიანტია, რომელიც მდიდარია უჯრედისით, ცილებითა და ჯანსაღი ცხიმებით. ეს კომბინაციაში ხელს უწყობს ბავშვებში უჯრედების ზრდას, მომნელებელი სისტემისა და ტვინის მუშაობის გაუმჯობესებას. თან, რაც ყველაზე მთავარია, გამოდის ძალიან გემრიელი და ნოყიერი.

ინგრედიენტები:

  • 3 სუფრის კოვზი ჩიას თესლი
  • 1 ჭიქა ქოქოსის ან ნუშის რძე (უშაქრო)
  • 1/4 ჭიქა დაჭრილი ფინიკი
  • 1/4 ჭიქა დაჭრილი ნუში
  • 1/2 ჩაის კოვზი დარიჩინი
  • 1/4 ჩაის კოვზი ვანილის ექსტრაქტი
  • მოსართავად: ახალი კენკრა ან თაფლი

მომზადების წესი:

ჯამში ჩიას თესლს დაასხით ნუშის ან ქოქოსის რძე, დარიჩინი და ვანილის ექსტრაქტი. კარგად ურიეთ და დააყოვნეთ მაცივარში მთელი ღამით. დილით მიღებულ მასას დაამატეთ დაჭრილი ფინიკი და ნუში. დაასერვირეთ თაფლით და ახალი კენკრით.

ჯანსაღი და გემრიელი პუდინგი მიირთვით თქვენს შვილებთან ერთად გამგზავრებამდე, რათა ენერგია ხანგრძლივად გაგყვეთ გზის განმავლობაში.

აღნიშნული უნიკალური პროდუქტების მომარაგება შესაძლებელია ონლაინ მაღაზიიდან „ჩე​მი მარაგი“, რომელიც მომხმარებელს 250-მდე დასახელების მარცვლეულს, ბურღულეულს, ჩირეულსა და თხილეულს სთავაზობს სხვადასხვა მომსახურებასთან ერთად. ასორტიმენტი მოიცავს სხვადასხვა კატეგორიის საუკეთესო ხარისხის პროდუქტებს ქვეყანაში უკონკურენტო ფასად. საუკეთესო ონლაინ შეძენის გამოცდილება იქმნება ხელით ნარჩევი პროდუქტების სახლის კარამდე მიტანის სერვისით, რომელიც მოიცავს ნებისმიერი მოცულობის შეკვეთის შესაძლებლობასა და მთელი ქვეყნის მასშტაბით უფასო მიწოდებას.

R.

წაიკითხეთ სრულად