Baby Bag

„სჯობს პრევენციით დავიწყოთ, ვიდრე მაშინ გავიკეთოთ ბოტოქსის პროცედურა, როდესაც უკვე ძალიან ცუდ მდგომარეობაშია სახის კანი,“- დერმატო-კოსმეტოლოგი დალი გვიჩია

„სჯობს პრევენციით დავიწყოთ, ვიდრე მაშინ გავიკეთოთ ბოტოქსის პროცედურა, როდესაც უკვე ძალიან ცუდ მდგომარეობაშია სახის კანი,“- დერმატო-კოსმეტოლოგი დალი გვიჩია

დერმატო-კოსმეტოლოგმა დალი გვიჩიამ ბოტოქსის პროცედურების დანიშნულებისა და ეფექტიანობის შესახებ ისაუბრა:

„ბოტოქსი ეს არის ბოტულინოტოქსინი, რომელიც ადუნებს ნერვკუნთოვან გადაცემას, ასწორებს მიმიკურ ნაოჭებს. ბოტოქსის მოქმედების ვადა საშუალოდ 5-6 თვეა. ის ნელ-ნელა გაიწოვება, ერთბაშად გაწოვა არ ხდება. ბოტოქსის პრეპარატი სერთიფიცირებული პრეპარატია და არის სრულად უსაფრთხო. ის სრულად გაიწოვება ორგანიზმიდან.“

დალი გვიჩიას თქმით, ბოტოქსს 18 წლამდე ადამიანებს არ უკეთებენ:

„ბოტოქსთან დაკავშირებით ასაკობრივი შეზღუდვა არ გვაქვს, მაგრამ, რა თქმა უნდა, ​18 წლამდე ამ პროცედურას არ ვატარებთ. გვყავს 20-22 წლის პაციენტები, თუმცა ეს ძალიან იშვიათობაა. ძირითადად 27 წელს გადაცილებული პაციენტები გვყავს. სჯობს პრევენციით დავიწყოთ, ვიდრე მაშინ, როდესაც უკვე ძალიან ცუდ მდგომარეობაშია სახის კანი. შემდეგ ბოტოქსის გარდა ბევრი პროცედურა სჭირდება პაციენტს. თუ პაციენტი მოდის 40-50 წელს გადაცილებული, ბოტოქსის ერთეულების რაოდენობა არის ძალიან დიდი.“

„ჩვენ გვჭირდება მიმიკური ნაოჭების გასწორება. სწორედ ამიტომ ჩვენ ვადუნებთ კუნთს. ეს არ ნიშნავს იმას, რომ ეს ცუდად მოქმედებს ორგანიზმსა და კანზე. ზოგიერთი ეჩვევა ნაოჭების გარეშე სახის კანს და ოდნავ რომ ამსუბუქებს ბოტოქსი მოქმედებას, მაშინვე მოდიან. აჯობებს, რომ გავაჩეროთ პაციენტი. დაველოდოთ კიდევ ერთი-ორი თვე და მერე გავუკეთოთ ბოტოქსი. ეს ვიზუალურადაც უკეთესი იქნება და კანის სიჯანსაღისთვისაც,“- აღნიშნულ საკითხზე დალი გვიჩიამ ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“


არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ზამთარში აუცილებელია კანის დატენიანება, რადგან სიცივე და სუსხი იწვევს კანის გამოშრობას“ -...
რა პროცედურებს გულისხმობს კოსმეტოლოგია, ​რა ასაკიდან უნდა მივმართოთ კოსმეტოლოგს, წელიწადში რამდენჯერ არის რეკომენდებული სახის გაწმენდა ? - ​Moms.ge-ს ამ და სხვა კითხვებს კლინი...

შეიძლება დაინტერესდეთ

„ქალისთვის ძვირფასი საჩუქრის ჩუქება მამაკაცს აძლევს უფრო თავდაჯერებულობას და გავლენის განცდას, თუმცა ეს არ ეხება სიყვარულს,“ - ფსიქოლოგი ზურა მხეიძე

ფსიქოლოგმა ზურა მხეიძემ საჩუქრის ჩუქების წესის შესახებ ისაუბრა და ის მიზნები და მოტივები დაასახელა, რომელიც ადამიანებს საჩუქრის ჩუქებისას ამოძრავებთ:

„საჩუქრის მიზანი ხომ ის არის, რომ ადამიანი გაახარო. მისი სიხარული შენთვის სიამოვნებაა. ეს უფრო გრძნობითია. არის საჩუქარი, რომელიც უნდა აჩუქო. დაგიძახეს დაბადების დღეზე. გახარება კი არ გინდა, თავს თვლი ვალდებულად, რომ აჩუქო. ასე ვერ მიხვალ. მამაკაცების შემთხვევაში, რომ არ იციან რა გაჩუქონ, მოაქვთ სასმელი.

კაცები ცოტა სხვანაირად აკეთებენ საჩუქარს. საიუველირო შენაძენებს ის აკეთებს ძირითადად ქალისთვის. მისთვის მნიშვნელოვანია გაჩვენოს, რა ფასიანი მოგიტანა. ის ნაკლებად ერკვევა ესთეტიკაში და იმაში, ეს რამდენად ლამაზია. ქალისთვის ძვირფასი საჩუქრის ჩუქება მამაკაცს აძლევს უფრო თავდაჯერებულობას და გავლენის განცდას, თუმცა ეს არ ეხება სიყვარულს. იქ უფრო დამოკიდებულებითი ფორმაა. საჩუქარმა უნდა აჩვენოს რა დამოკიდებულებაა. შეიძლება ერთი ქაღალდის ნაგლეჯი თქვენთვის გაცილებით ძვირფასი იყოს მთელი ცხოვრების განმავლობაში, ვიდრე რაღაც ძალიან ძვირიანი საჩუქარი.

საჩუქარს უფრო ზუსტად და სწორად აკეთებთ, როდესაც ადამიანს იცნობთ. ინტუიცია უნდა მქონდეს, უნდა მივყვე იმ ადამიანზე ინფორმაციას, ვისაც საჩუქარს ვჩუქნი. შეიძლება ადამიანმა იფიქროს, რომ საჩუქარი, რომელსაც გჩუქნით იყოს პრაქტიკულიც და მოგიტანოთ მტვერსასრუტი. ის ამოდის თავისი დამოკიდებულებიდან, ეკონომიურობიდან. შეიძლება დაბადების დღეზე ყველი ამოგიტანოს შოკოლადის ნაცვლად. საჩუქარს მოჰყვება კონტექსტი. პარფიუმერიის მაღაზიაში ვეძებ სუნამოს ქალისთვის. კონსულტანტი მეკითხება, რა ასაკისაა. მე ვეუბნები, რომ 40-ის. ის მპასუხობს, რომ ამ ასაკისთვის არაჩვეულებრივი მოვლის საშუალებები აქვთ. აქ კონტექსტი მიჰყვება შლეიფად, რომ მე ასაკზე დავფიქრდი. ახლა მოიგონეს სასაჩუქრე ბარათი. ჩაწერ თანხას და ჩუქნი, თვითონ იყიდოს, მაგრამ ადამიანს ურჩევნია დაინახოს, რომ შენ იფიქრე. თუნდაც შეცდომით იფიქრე.

საჩუქრის მიმღებებიც განსხვავებულები არიან. ზოგიერთი წავა მაღაზიაში და თავს მოიკლავს, სანამ არ გაიგებს, რა გადაიხადეთ. მისთვის თქვენს დამოკიდებულებას განსაზღვრავს ის, თუ რა გადაიხადე საჩუქარში. ასეთებიც არიან,“ - მოცემულ საკითხზე ზურა მხეიძემ ტელეკომპანია „მთავარი არხის“ გადაცემაში „შენი დილა“ ისაუბრა.

წყარო:​ „შენი დილა“


წაიკითხეთ სრულად