Baby Bag

„ძალიან ცელქია, სულ მაგიდაზე დგება, რომ იქიდან გვაკონტროლოს, თითს გვიქნევს უკვე,“- სოფო ნიჟარაძე ელის მარიაზე საუბრობს

„ძალიან ცელქია, სულ მაგიდაზე დგება, რომ იქიდან გვაკონტროლოს, თითს გვიქნევს უკვე,“- სოფო ნიჟარაძე ელის მარიაზე საუბრობს

მომღერალმა სოფო ნიჟარაძემ შვილის ელის მარიას შესახებ ისაუბრა და აღნიშნა, რომ ის მშვიდი ბავშვი იყო, თუმცა საქართველოში ჩამოსვლის შემდეგ გაცელქდა:

„იყო ძალიან წყნარი ბავშვი, მშვიდი, ძალიან ადვილი გასაზრდელი. რომ ჩამოვედით, საქართველომ გააგიჟა. ძალიან ცელქია უკვე, გაცელქდა, ჩხუბობს. განსაკუთრებით ეტყობა გადაღების შემდეგ თავი კომფორტულად იგრძნო სცენაზე, სულ მაგიდაზე დგება, რომ იქიდან გვაკონტროლოს, თითს გვიქნევს უკვე. ასე ვყავართ ყველა დაჩაგრულები. უფროსია ჩვენი, რაც არ უნდა გასაკვირი იყოს.“

„სწრაფად დადის, დაადებს თავს. ეზოში რომ ჩავიყვან, სანამ პარკში გავალთ ან სათამაშო მოედნამდე, მოჰკიდებს თავისი ბავშვის ეტლს ხელს და მიქრის. არც მელოდება, თავისით მიდის. სისწრაფე უყვარს, ჩქარა-ჩქარა უნდა ყველაფერი. კუბიკებით შენება ძალიან უყვარს. სხვადასხვანაირი ზომის კუბიკები გვაქვს, აშენებს, მერე დაანგრევს, ზევიდან დასვამს თოჯინებს. საღამოს სახლში არეული-დარეული, დაყრილია ყველაფერი, ყველგან მისი სათამაშოებია. სამი ენა ესმის. ახლა ეტყობა აირია. აერია, რა ენაზე დედას ამბობს, რა ენაზე ბურთს ამბობს, ეს ყველაფერი არეული აქვს. ქართული, ინგლისური და რუსული იცის. მხოლოდ ჩემთან იძინებს და იძინებდა. ერთი პერიოდი აქტიურად მოითხოვდა, რომ მემღერა. ყოველ საღამო 40 წუთი მჭირდებოდა, რომ დამეძინებინა. ერთხელაც მგონია, რომ დავაძინე. 45 წუთი იყო გასული, წყნარად იყო. თვალები დახუჭული ჰქონდა. უცებ წამოჯდა და ტაში დამიკრა,“- აღნიშნულ საკითხზე სოფო ნიჟარაძემ „მთავარი არხის“ გადაცემაში „ვანოს შოუ“ ისაუბრა.

წყარო:​ „ვანოს შოუ“

,,ჩემი ყველაზე საყვარელი გოგო და ყველაზე უმცროსი შვილი''
საქართველოს მესამე პრეზიდენტი სოციალურ ქსელში უმცროსი შვილის -  ელის მარიას შესახებ პოსტს აქვეყნებს:,,მოგესალმებით რუსთავის ციხიდან, ფიზიკურად დასუსტებული, მაგრამ მორალურად მხნე! სამშობლოს თავისუ...

შეიძლება დაინტერესდეთ

„ბოლო ათწლეულების განმავლობაში ვაქცინაციამ შეძლო სიცოცხლისთვის საშიში დაავადებების აღმოფხვრა ან მასიური შემცირება - შესაბამისად, მისი აუცილებლობა და ეფექტურობა უდავოა“

„ბოლო ათწლეულების განმავლობაში ვაქცინაციამ შეძლო სიცოცხლისთვის საშიში დაავადებების აღმოფხვრა ან მასიური შემცირება - შესაბამისად, მისი აუცილებლობა და ეფექტურობა უდავოა“

ვაქცინაცია ინფექციურ დაავადებებთან ბრძოლის ყველაზე ეფექტური, სანდო და უძველესი საშუალებაა, რომელიც ყოველწლიურად იცავს ბავშვს სიკვდილის და ჯანმრთელობის მდგომარეობის მძიმე დარღვევებისგან. ვაქცინაციის მნიშვნელობასა და შესაძლო გართულებებზე MomsEdu.ge - ს ესაუბრა პედიატრი თათია სხირტლაძე.

- ვაქცინაციის (გეგმიური აცრა) მნიშვნელობაზე რომ ვისაუბროთ.

ბავშვთა გეგმიური იმუნიზაცია ხორციელდება პროფილაქტიკური აცრების ეროვნული კალენდრის მიხედვით. დროულად ჩატარებული გეგმიური აცრები ვაქცინაციით მართვადი ინფექციების პროფილაქტიკის საუკეთესო საშუალებაა და ხელს უწყობს ბავშვის იმუნიტეტის ჩამოყალიბებას კონკრეტული დაავადების მიმართ. მიუხედავად იმისა, რომ ვაქცინაციების უმეტესობა არ იძლევა 100%-იან დაცვას ინფექციისგან, ხელს უშლის პათოგენების გამრავლებას და გავრცელებას, ამცირებს დაავადების ხანგრძლივობას და სერიოზული გართულებების განვითარებას.

საქართველოს სახელმწიფო უზრუნველყოფს - ტუბერკულოზის, დიფტერიის, ყივანახველის, ტეტანუსის, პოლიომიელიტის, ყბაყურის, წითელას, ჰემოფილუს ინფლუენსას, როტავირუსული, პნევმოკოკური ინფექციების და B ჰეპატიტის საწინააღმდეგო ვაქცინაციას. 

ბოლო ათწლეულების განმავლობაში ვაქცინაციამ შეძლო სიცოცხლისთვის საშიში დაავადებების აღმოფხვრა ან მასიური შემცირება, როგორებიცაა: ყვავილი, პოლიომიელიტი, დიფტერია. შესაბამისად, მისი აუცილებლობა და ეფექტურობა უდავოა.

- ვაქცინაციის ნაცვლად, ხომ არ სჯობს ბავშვობის „უწყინარი“ დაავადებები უბრალოდ გადაიტანოს?

- სამწუხაროდ, ბავშვთა ინფექციები, მაგალითად, წითელა, ყივანახველა, ყბაყურა ან წითურა, არც ისე უწყინარია და შეიძლება მიგვიყვანოს სიკვდილამდე ან გამოიწვიოს მუდმივი ინვალიდობა, როგორებიცაა: ტვინის დაზიანება, დამბლა, სიბრმავე და სიყრუე. ადრეულმა ვაქცინაციამ კი შეიძლება თავიდან აიცილოს ეს დაავადებები და შესაბამისად, შედეგებიც.

- რამდენი ხანი შეგვიძლია გადავავდოთ აცრა?

ვაქცინაციის ვადები დაგეგმილია იმის მიხედვით, რომ გართულებების რისკი იყოს მცირე. რაც უფრო ადრეულ ასაკში, ანუ დადგენილი კალენდრის მიხედვით ჩატარდება საჭირო აცრა, მცირდება ბავშვის დაავადების რისკი. თუ ბავშვმა გამოტოვა გეგმიური აცრა ან გასცდა იმ ასაკს, რომელიც საუკეთესო იყო აცრისთვის, არ ნიშნავს რომ აცრა უნდა გავაუქმოთ, მაინც უნდა მივმართოთ სამედიცინო პერსონალს და უნდა ჩატარდეს იმუნიზაცია, შესაბამისი იმუნიზაციის კალენდრით. თუმცა, არსებობს ვაქცინაციის დროებითი და მუდმივი უკუჩვენებები, რომელიც მკაცრადაა განსაზღვრული და აცრის წინ ყველა ბავშვი ფასდება ექიმის მიერ.

- რა გართულება შეიძლება მოჰყვეს აცრას და როგორ უნდა მოვიქცეთ ასეთ დროს?

თანამედროვე ვაქცინები უსაფრთხოა, თუმცა არსებობს იმუნიზაციის შემდგომი გვერდითი რეაქციების და გართულებების იშვიათი რისკი. ეს შეიძლება იყოს სიწითლე, შეშუპება და ტკივილი ინექციის ადგილზე, დაბალი ცხელება, გულისრევა, თავის ტკივილი, ჭირვეულობა, ზოგადი სისუსტე, მადის დაკარგვა, რომელიც ორგანიზმის ბუნებრივი რეაქციაა და ჩარევის გარეშე გაივლის 1-3 დღის განმავლობაში. ცოცხალი ვაქცინით, იმუნიზაციის შემდგომ, ერთიდან სამი კვირის განმავლობაში შეიძლება გამოჩნდეს დაავადებისთვის დამახასიათებელი მსუბუქი სიმპტომები, მაგალითად, მსუბუქი დიარეა როტავირუსის ვაქცინაციის შემდეგ და მსუბუქი გამონაყარი წითელას ვაქცინაციის შემდეგ.

სერიოზული არასასურველი მოვლენების განვითარების შემთხვევაში, როგორებიცაა: მაღალი ცხელება და ალერგიული რეაქცია, მშობელმა დაუყოვნებლივ უნდა მიმართოს ექიმს ან სასწრაფო გადაუდებელ დახმარებას. 

- ხშირად გვსმენია, რომ აცრის შემდეგ დაბანა არ შეიძლება. რამდენად შეესაბამება სიმართლეს?

- არსებული ვაქცინები კეთდება ბარძაყის ან მხრის კუნთში და დასველება არანაირ საფრთხეს არ წარმოადგენს.

ესაუბრა მარიამ ჩოქური

წაიკითხეთ სრულად