„მის საქართველო“ ნინი გოგიჩაიშვილი „მის მსოფლიოს“ მაყურებლებს საქართველოს აცნობს. კლიპი ძირითადად ძველი თბილისის ტერიტორიაზეა გადაღებული და მოდელი ჩვენი ქვეყნის შესახებ უყვება მსოფლიოს.
გარდა ამისა, „მის საქართველო“ საკუთარ თავზეც საუბრობს და აღნიშნავს, რომ ძალიან უყვარს ვარჯიში და წერა.
თელავის მუნიციპალიტეტის სოფელ ყარაჯალაში 10 თვის ბავშვს კორონავირუსი დაუდასტურდა. აღნიშნულის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების უფროსმა ნელი ხიზანიშვილმა განაცხადა.
მისი თქმით, მცირეწლოვანი ბავშვი თელავში, ბავშვთა კლინიკაში იმყოფებოდა, სადაც კორონავირუსისთვის დამახასიათებელი სიმპტომები აღენიშნებოდა, ამიტომ ექიმებმა ვირუსზე ტესტი ჩაუტარეს.
ამ დროისთვის სოფელში ეპიდემიოლიგები მუშაობენ. 11 ადამიანს ბიოლოგიური ნიმუში უკვე გაგზავნეს ლუგარის ლაბორატორიაში. პასუხები ცნობილი ხვალ დილით გახდება. მიმდინარეობს კონტაქტების მოძიება. რაც შეეხება წყაროს, მისი დადგენა ჯერჯერობით ვერ ხერხდება.
