Baby Bag

„ჩვენი ბავშვები საერთაშორისო შკალაზე რადიკალურად ჩამორჩებიან სხვა ქვეყნების დონეს,“ - ორგანიზაცია „ბავშვი, ოჯახი, საზოგადოების“ დამფუძნებელი გუნა ბიბილეიშვილი

„ჩვენი ბავშვები საერთაშორისო შკალაზე რადიკალურად ჩამორჩებიან სხვა ქვეყნების დონეს,“ - ორგანიზაცია „ბავშვი, ოჯახი, საზოგადოების“ დამფუძნებელი გუნა ბიბილეიშვილი

ორგანიზაცია „ბავშვი, ოჯახი, საზოგადოების“ დამფუძნებელმა გუნა ბიბილეიშვილმა ტელეკომპანია „იმედის“ გადაცემაში „იმედის დილა“ ზოგადსაგანმანათლებლო საფეხურზე არსებული გამოწვევების შესახებ ისაუბრა:

„სინამდვილეში დღევანდელი გამოწვევა, რასაც ითხოვს ზოგადსაგანმანათლებლო საფეხური,არის ის, რომ ჩვენ ვხედავთ, რომ ჩვენი ბავშვები საერთაშორისო შკალაზე რადიკალურად ჩამორჩებიან სხვა ქვეყნების დონეს. სწორედ აქ უნდა ვეძებოთ, რომ ​ადრეული სკოლამდელი განათლება არის იმის საფუძველი, რომ შემდგომ ბავშვი იყოს წარმატებული. რადიკალურად ვერ ვიტყოდი, რომ პრობლემებია, მაგრამ ეს ასაკი და საფეხური არის დასახვეწი.“

გუნა ბიბილეიშვილის თქმით, მიუხედავად იმისა, რომ სკოლამდელი აღზრდის საფეხურის განვითარებისთვის თანხები იხარჯება, პრობლემები მაინც არსებობს:

„გარკვეული მეთოდები და ტრანზიციის პროცესი, რა უნდა გააკეთოს ბაღმა იმისთვის, რომ სკოლაში ბავშვი იყოს წარმატებული, ეს ნამდვილად საფიქრალია, მიუხედავად იმისა, რომ გაეროს ბავშვთა ფონდი აქტიურად არის ჩართული სკოლამდელი აღზრდის მომსახურების დახვეწის პროცესში და არსებობს გაწერილი სტანდარტი. ჯანდაცვის სამინისტროც ასევე აფინანსებს ​ადრეული განვითარების პროგრამას. მიუხედავად იმისა, რომ თანხები საკმაოდ იხარჯება, სექტორებს შორის კოორდინაცია თითქმის არ არის.“

„როდესაც ჩვენი გუნდის წევრები მიდიან პროცესის ხელშესაწყობად, იქ არამხოლოდ ბაღის მასწავლებლები, ბაღის გამგეც კი დაბნეულია და არ იცის ამ პროგრამის შესახებ. ამიტომ მნიშველოვანია, რომ თანხები, რაც იხარჯება, იყოს კარგად კოორდინირებული და საერთაშორისო გამოცდილებაზე დაყრდნობილი,“ - აღნიშნა გუნა ბიბილეიშვილმა.

წყარო:​ „იმედის დილა“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

​რა როლს თამაშობს ემოციური ინტელექტი ბავშვის განვითარებაში?
​რა როლს თამაშობს ემოციური ინტელექტი ბავშვის განვითარებაში და როგორ ჩამოვუყალიბოთ? - ამ თემაზე ​MomsEdu.ge-ს ესაუბრა ფსიქოლოგი, ტრენერი/სპიკერი, ქცევითი თერაპევტი, ნინი ბრეგვაძე. - ზოგადად, რა არ...

შეიძლება დაინტერესდეთ

5 გზა ბავშვის აზროვნების უნარის გასავითარებლად

5 გზა ბავშვის აზროვნების უნარის გასავითარებლად

ბავშვის აზროვნების უნარის განვითარებაზე ზრუნვა პირველივე წლიდანვე უნდა დაიწყოთ. მნიშვნელოვანია, რომ პატარას დამოუკიდებლობისკენ სწრაფვაში ხელი შეუწყოთ და მისი მისწრაფებები წაახალისოთ. თქვენი შვილის აზროვნების უნარის განვითარებაზე თუ ზრუნავთ, ჩვენ მიერ შემოთავაზებულ მარტივ აქტივობებს ყურადღებით გაეცანით. მათი გამოყენებით ​ბავშვს დამოუკიდებლად მოქმედებასა და აზროვნების უნარის გაუმჯობესებაში დაეხმარებით.

1. მოამზადეთ ბავშვი ხოხვისა და სიარულისთვის

ბავშვი იატაკზე ხოხვის, ჯდომისა და სიარულისთვის მზადებას მუცელზე წოლით იწყებს. თქვენი პატარა ხალიჩაზე ყოველდღიურად დააწვინეთ მუცლით. შესაძლოა, თავდაპირველად, მას ეს არ მოეწონოს, რის გამოც​ ყველაფერი ფრთხილად უნდა გააკეთოთ. ბავშვი თავდაპირველად მუცელზე დაიწვინეთ, თავად კი ხალიჩაზე ზურგით დაწექით. როდესაც ბავშვი ხალიჩაზე მუცლით წოლას თავადაც შეძლებს, მას ახლოს სათამაშოები დაულაგეთ. ბავშვმა უნდა სცადოს სათამაშოების ახლოს მოზიდვა. თავდაპირველად ბავშვი ხალიჩაზე 2-5 წუთით უნდა დატოვოთ. დროთა განმავლობაში კი ეს დრო 20 წუთამდე შეგიძლიათ გაზარდოთ.

2. ბავშვს წიგნები წაუკითხეთ

კითხვა ბავშვს ახალ სიტყვებს აცნობს და ის მშობლიურ ენას უკეთ ეცნობა. როდესაც მშობელი მას წიგნს უკითხავს, ბავშვი კითხვის პროცესში აქტიურად ერთვება. კითხვისას მაქსიმალური მონდომება გამოიჩინეთ. გაახმოვანეთ ნაწარმოების პერსონაჟები და საგნები. თითოეული პერსონაჟის გახმოვანებისთვის სხვადასხვა ხმის ტემბრი და მიმიკა გამოიყენეთ. ბავშვს წიგნში გამოსახულ ფიგურებსა და საგნებზე ხელით მიუთითეთ. პატარებს ძალიან უყვართ ხმოვანი წიგნები, რომლებიც ფერადი ნახატებით ძალიან მდიდარია. მსგავსი წიგნები განსაკუთრებით მოსწონთ 6-12 თვის ასაკის პატარებს.

3. თქვენს შვილს ხშირად ესაუბრეთ

რაც უფრო მეტ სიტყვას მოისმენს ბავშვი ადრეული ასაკიდან, მით მეტად გაუადვილდება მას საუბრის დაწყება და აზრის გამართულად გადმოცემა. ​თქვენი მოსმენა ბავშვს საუბრის რიტმის შესწავლაშიც ეხმარება, ის სწავლობს როგორ დასვას კითხვები, როგორ ჩამოაყალიბოს წინადადება. მართალია, თანამედროვე ბავშვებს თანატოლებთან და უფროსებთან კომუნიკაციის დეფიციტი აქვთ, თუმცა ეს დანაკლისი თქვენ უნდა შეავსოთ. შეგიძლიათ ბავშვთან ერთად ენობრივი თამაშები ითამაშოთ.

4. იყავით თქვენი შვილის გულშემატკივარი

ხელი ჩასჭიდეთ თქვენს შვილს, გაუღიმეთ, გაამხნევეთ, როდესაც სიახლესთან ზიარებას ცდილობს. ეს ბავშვს მეტ სითამამეს შესძენს, ის სწავლისა და ახალი აღმოჩენებისადმი მეტად გახსნილი გახდება. მშობელთან მიჯაჭვულობა ბავშვს მეტ გამბედაობას სძენს, რათა დამოუკიდებელი ნაბიჯების გადადგმა სცადოს.

5. თამაშს განსაკუთრებული მნიშვნელობა მიანიჭეთ

თამაში ბავშვს გარემოს შესწავლაში ეხმარება. ის მიზეზ-შედეგობრივი კავშირების აღმოჩენას იწყებს.​ თქვენი შვილი წაახალისეთ, რომ მან წარმოსახვითი თამაშები შეიყვაროს. ბავშვს სათამაშო ჭიქა მიაწოდეთ და დააკვირდით, დაიწყებს თუ არა ჭიქიდან წყლის დალევას. ახალი აღმოჩენები და მნიშვნელოვანი უნარების ათვისება ბავშვის ტვინს განვითარებაში ძალიან ეხმარება.

მომზადებულია​ parents.com -ის მიხედვით

თარგმნა ია ნაროუშვილმა

წაიკითხეთ სრულად