„საკმაოდ მკაცრი მშობელი ვარ, თუმცა პატარას ცოტათი ვანებივრებ,“ - კახა კალაძე შვილებთან ურთიერთობის შესახებ საუბრობს

არის თუ არა ცოდვა ცალმხრივი სიყვარული და რით განსხვავდება უსაფუძვლო ეჭვიანობა საფუძვლიანი ეჭვიანობისგან - ამის შესახებ მამა საბა ჭიკაიძე ​საუბრობს.

,,ცალმხრივი სიყვარული ცოდვა არ არის. უბრალოდ, ასეთ დროს თვითონ ეს ადამიანია ცოდო, რადგან ვერ იღებს საპასუხოდ იმავეს თავისი სიყვარულის ობიექტისგან. შენ შეგიძლია, გიყვარდეს ნებისმიერი ადამიანი. ცალმხრივი სიყვარულიც კი აკეთილშობილებს ადამიანს შინაგანად. თუმცა, ნებისმიერი ადამიანისთვის, რომელსაც უყვარს, ყოველთვის სასურველია, რომ საპასუხო გრძნობასაც იღებდეს. 

რაც შეეხება ეჭვიანობას - ერთმანეთისგან კარგად უნდა გავმიჯნოთ საფუძვლიანი და უსაფუძვლო ეჭვიანობა. უსაფუძვლო ეჭვიანობა სიყვარული არ არის, ის გამომდინარეობს საკუთარი არასრულფასოვნების შეგრძნებიდან - როდესაც ადამიანი საკუთარ თავს არ მიიჩნევს საკმარისად ლამაზად, ნიჭიერად, საკუთარი მეუღლის შესაფერისად, ასეთ შემთხვევაში ეწყებათ ხოლმე უსაფუძვლო ეჭვიანობა. ხანდახან ხდება ხოლმე, რომ თავიდან ეს ასე არ არის, მაგრამ დროთა განმავლობაში უკვე იწყება უსაფუძვლო ეჭვიანობა. ანუ, რაღაც გარემოებების გამო, უქვეითდება ერთ-ერთს თვითშეფასება (სამწუხაროდ, ხშირად ამის მიზეზია, რომ თვითონ მეუღლე აყენებს სიტყვიერ შეურაცხყოფას და ა.შ), შესაბამისად, ეწყება ეჭვიანობების გამოვლინებები. ეს არის პათოლოგიები, რომლებსაც აუცილებლად სჭირდება მკურნალობა - საუკეთესო შემთხვევაში, ამ ადამიანმა უნდა მიმართოს მოძღვარს, მაგრამ თუკი მოძღვარი არ ჰყავს, მან აუცილებლად უნდა მიმართოს ფსიქოლოგს მაინც ან ვინმე ჭკვიან ადამიანს.

რაც შეეხება საფუძლიან ეჭვიანობას - როდესაც ეჭვიანობა საფუძვლიანია, ამას უკვე ეჭვიანობაც აღარ ჰქვია. ეჭვი როდის არის საფუძვლიანი? როდესაც ის დაგიდასტურდება. გონივრული ეჭვის შემთხვევაში, ადამიანმა უნდა გაარკვიოს - იქნებ, ცდება კიდეც. ასეთ დროს ადამიანმა კი არ უნდა დაიწყოს ურთიერთობის დანგრევა, არამედ, ძალიან დიდი სიფრთხილით, ნელ-ნელა უნდა დაიწყოს სიტუაციის გარკვევა. თუ დადასტურდა ფაქტი, მაშინ ის, რომ მეუღლემ მას უღალატა, არ ნიშნავს, რომ მანაც მსგავსი სამაგიერო უნდა გადაუხადოს ან შეუფერებლად მოიქცეს - ეს უკვე მის პირად ღირსებას შეურაცხყოფს და ღვთის წინაშე  არც ის იქნება მართალი", - აღნიშნავს მამა საბა ჭიაკიძე.