Baby Bag

„საკმაოდ მკაცრი მშობელი ვარ, თუმცა პატარას ცოტათი ვანებივრებ,“ - კახა კალაძე შვილებთან ურთიერთობის შესახებ საუბრობს

„საკმაოდ მკაცრი მშობელი ვარ, თუმცა პატარას ცოტათი ვანებივრებ,“ - კახა კალაძე შვილებთან ურთიერთობის შესახებ საუბრობს

თბილისის მერმა კახა კალაძემ ოჯახური ურთიერთობების შესახებ ისაუბრა და აღნიშნა, რომ მის მიერ მიღწეულ წარმატებებში უდიდესი როლი მშობლებს მიუძღვით:

„ყველაფერში განსაკუთრებული როლი ჰქონდათ ჩემს მშობლებს, დედას და მამას. მათი თანადგომა ჩემთვის ძალიან ძვირფასი იყო. იმ ამაგს, რაც ჩემს მშობლებს აქვთ ჩემზე, ვერასდროს ვერ გადავიხდი. ყოველთვის ვეცდები, რომ ეს ყველაფერი დავუბრუნო ჩემს შვილებს და ყველაფერი შევძლო, რაც ჩემმა მშობლებმა ჩემთვის გააკეთეს.“

კახა კალაძის თქმით, ის მკაცრი მშობელია, თუმცა უმცროს შვილს ანებივრებს:

„საკმაოდ მკაცრი მშობელი ვარ, თუმცა პატარას ცოტათი ვანებივრებ.​ განსხვავებული დამოკიდებულება მაქვს პატარასთან. შვილებთან ყოველთვის ვსაუბრობ საინტერესო თემებზე. მინდა, რომ წარმატებული ახალგაზრდები იყვნენ. პირველ რიგში, თავიანთი ცოდნით, განათლებით გამოადგნენ ქვეყანას, ოჯახს.“

„როგორი მეუღლე ვარ?! არ ვიცი, ეს, ალბათ, ჩემს მეუღლეს უნდა ჰკითხოთ, საკუთარ თავზე საუბარი გამიჭირდება,“- აღნიშნა კახა კალაძემ.

წყარო: ​ედ ჰოკი

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

,,გიჟდება მამაზე'' - როგორ ელოდებიან სამსახურიდან დაბრუნებულ კახა კალაძეს შვილები
​თბილისის მერს კახა კალაძეს ოთხი ბიჭი ჰყავს. დიზაინერი ანუკი არეშიძე ინსტაგრამზე ვიდეოს აქვეყნებს, სადაც ჩანს თუ როგორ ელოდებიან ბიჭები სამსახურიდან დაბრუნებულ მამას. განსაკუთრებით საყვ...

შეიძლება დაინტერესდეთ

რა ემართება ჩვენს ორგანიზმს ყვირილის დროს? – ბრაზის 5 დამაზიანებელი შედეგი

რა ემართება ჩვენს ორგანიზმს ყვირილის დროს? – ბრაზის 5 დამაზიანებელი შედეგი

ბრაზი ადამიანის ის მდგომარეობაა, რომელიც მას თვითგადარჩენაში ეხმარება, თუმცა რიგ შემთხვევებში ის უკონტროლო ხდება და ზიანს გვაყენებს. ბრაზი ადამიანში ხშირად უსიამოვნო ფიზიკურ სიმპტომებსაც იწვევს, რომელიც ორგანიზმზე ნეგატიურად ზემოქმედებს.

ყვირილის დროს გულისცემა და არტერიული წნევა მატულობს

ალბათ, შენიშნავდით, რომ ყოველთვის, როდესაც ხმას იმაღლებთ და ცხარე კამათში ერთვებით, თქვენი გულისცემა მატულობს. ამ დროს თქვენი არტერიული წნევაც იზრდება, ძარღვები გებერებათ და კანი გიწითლდებათ. ყვირილის შემდეგ უფრო სწრაფად და მძიმედ სუნთქავთ. ხშირად ყვირილის შემდეგ ადამიანებს კიდურები ჩვეულებრივთან შედარებით ცივი აქვთ.

ბრაზი იმუნურ სისტემაზე დატვირთვას აძლიერებს

კვლევებით დადგენილია, რომ უსიამოვნო დაპირისპირებისა და კამათის გახსენებაც კი ადამიანის იმუნურ დაცვას 6 საათით აქვეითებს. ეს განსაკუთრებით იმ ადამიანებს ეხებათ, რომლებიც ბუნებით მშვიდები არიან და ბრაზი მათთვის ჩვეული მდგომარეობა არ არის. ადამიანები, რომლებიც ხშირად ბრაზდებიან, ადვილად ხდებიან ავად და ხშირად ავადმყოფობენ, რადგან მათ სუსტი იმუნიტეტი აქვთ.

ბრაზი ჯანმრთელობის პრობლემებს იწვევს

გაბრაზება ჩვენს ორგანიზმში მეტაბოლურ პროცესებზე ახდენს გავლენას და მის ცვლილებებს იწვევს. ადამიანები, რომლებიც ხშირად ბრაზდებიან თავის ტკივილით, უძილობით, შფოთვითი აშლილობებით და საკვების მონელების პრობლემებით იტანჯებიან. ბრაზის მაღალი ხარისხის დროს კანის პრობლემებიც იჩენს თავს, მათ შორის, ეგზემაც. ბრაზიან ადამიანებს ინსულტისა და ინფარქტის განვითარების მაღალი რისკი აქვთ.

ხშირი ყვირილი და ბრაზი მეხსიერებაზე ნეგატიურად ზემოქმედებს

მეორე ადამიანთან მწვავე კონფლიქტი, ხმამაღლა ყვირილი და ნეგატიური ფრაზების გაცვლა ადამიანის მეხსიერებაზე ნეგატიურად ზემოქმედებს. მსგავსი კონფლიქტების შემდეგ ადამიანებს ყველაფერი კარგად არ ახსოვთ და დაპირისპირების გარკვეული ასპექტები მათი მეხსიერებიდან ქრება.

ყვირილი ქრონიკულ ტკივილს იწვევს

ყვირილი აზიანებს არამხოლოდ იმ ადამიანს, ვინც ყვირის, არამედ მასაც, ვისაც უყვირიან. თუ ბავშვებს მშობლები ხშირად უყვირიან, მათი ქცევითი პრობლემები უარესდება, მათი ტვინის განვითარება ფერხდება და იცვლება, გარდა ამისა, მათ ხშირად მთელი ცხოვრების მანძილზე ქრონიკული სახის ტკივილი აწუხებთ ზურგის, კისრის, თავის არეში.

ყვირილი ადამიანს მრავალმხრივ ზიანს აყენებს. გარდა ამისა, ყვირილით კამათში გამარჯვება შეუძლებელია. იმისთვის, რომ თქვენი სიმართლე და სამართლიანობა დაამტკიცოთ, პირველ რიგში, სიმშვიდე უნდა შეინარჩუნოთ და რაციონალურად იმოქმედოთ. აუცილებელია, რომ ყურადღებით მოუსმინოთ მეორე ადამიანსაც და თქვენს სიმართლეში მისი დარწმუნება დიალოგის გზით სცადოთ.

წყარო: ​Brightside.me

წაიკითხეთ სრულად