Baby Bag

სახლში მაიონეზს სხვა რეცეპტით აღარ მოამზადებთ

სახლში მაიონეზს სხვა რეცეპტით აღარ მოამზადებთ
კვება

მაიონეზი გახლავთ კვერცხის გულის, ზეთის, მდოგვის და ლიმონის ან ძმრის კომბინაცია, რომელიც ემულსიის პროცესით მიიღება. მასში შემავალი ყველა კომპონენტი თუ ჯანსაღია, მაიონეზიც ჯანსაღია. თუმცა, მაღაზიაში ნაყიდ მაიონეზებს რიგი პრობლემები აქვთ და სწორედ ამიტომაა მიჩნეული არაჯანსაღად. ესენია:

რაფინირებული ზეთები (იქნება ეს მზესუმზირა, სოიო თუ ნებისმიერი სხვა რაფინირებული ზეთი. დეტალური ინფორმაცია ზეთებზე: https://rb.gy/peuot4)

დამატებული შაქრები და დამატკბობლები

ემულგატორები და სტაბილიზატორები რომელიც შენახვის ვადას უხანგრძლივებენ (დეტალური ინფორმაცია ემულგატორებზე: https://rb.gy/bbvgnq)

მარილის ნაცვლად MSG რომელიც ასევე ჯანმრთელობისთვის საფრთხის შემცველია (დეტალური ინფორმაცია MSG-ზე: https://rb.gy/7wzn0t)

როგორ მოვიქცეთ?

მაღაზიაში ყიდვისას, ეცადეთ ყურადღება მიაქციოთ შემადგენლობას და აარჩიოთ მაღალი ხარისხის, ჯანსაღი ზეთით დამზადებული მაიონეზი ან უკეთესი ალტერნატივაა მისი სახლში მომზადება.

აქვე გიზიარებთ მაიონეზის რეცეპტსაც

ინგრედიენტები:

  • 2 კვერცის გული (პასტერიზებული)
  • 2 ჩაის კოვზი ლიმონის წვენი
  • 1/4 ჩაის კოვზი მარილი
  • მწიკვი შავი წიწაკა
  • 1.5 ჩაის კოვზი მდოგვი
  • 200 მლლ ზეითუნის ან ავოკადოს არარაფინირებული ზეთი
    ​

    • მომზადების წესი:

    ყველა ინგრედიენტი, ზეთის გარდა კარგად შეურიეთ ერთმანეთს, შეგიძლიათ გამოიყენოთ ე.წ. მიქსერი ან შეურიოთ მექანიკური ხელის შემრევით. როცა ერთიან მასას მიიღებთ, ნელ-ნელა დაუმატეთ ზეთიც.

    წყარო:​ Epicalorie​

    #კვება #რეცეპტები

    შეიძლება დაინტერესდეთ

    რეცეპტები

    ,,შუს მხოლოდ ამ რეცეპტით ვაკეთებ და ის საუკეთესო გამოდის''

    ,,შუს მხოლოდ ამ რეცეპტით ვაკეთებ და ის საუკეთესო გამოდის''

    როგორ უნდა გააკეთოთ შუ, რომ თქვენც ზუსტად ასეთივე გამოგივიდეთ? - ​MomsEdu.ge​-ს ერთგული მკითხველი შუს რეცეპტს გთავაზობთ. 

    შუს კრემისთვის საჭიროა:

    • 3 კვერცხი (კვერცხის გული)
    • ლიმონის ცედრა
    • 1 ლ. რძე
    • 5 ს.კ კოვზი ფქვილი
    • 300 გრ. შაქარი
    • 15 გრ. ვანილი
    • 200 გრ. კარაქი

    ​

    ​შუს ცომისთვის საჭიროა:

    • 7 კვერცხი
    • 0.5 ლ წყალი
    • 200 გრ. კარაქი
    • 400 გრ. ფქვილი
    • ვანილი
    • მარილი

    მომზადების წესი:

    როგორ მზადდება კრემი:

    1 ლიტრ შემთბარ რძეში ჩავყაროთ 150 გრ შაქარი. ცალკე 3 კვერცხის გულს დავუმატოთ 150 გრ. შაქარი და მიქსერით მოვურევთ, დავუმატოთ 5 ს.კ ფქვილი, კარგად ავურიოთ და აღნიშული მასა ჩავამატოთ შემთბარ რძეში, გავაგრძელოთ მიქსერით მორევა, სანამ ეს კრემი გაცივდება. 200 გრამი კარაქი ლიმონის ცედრა და ვანილი უნდა ავთქვიფოთ მიქსერით და მიღებული მასა დავამატოთ კრემს, ვურიოთ 20 წუთის განმავლობაში.

    როგორ მზადდება ცომი:

    200 გრ. კარაქს, მარილს, წყალს და ვანილს დავგამთ დაბალ გაზზე და წამოვადუღებთ. წამოდუღების შემდეგ ვამატებთ 400 გრ. ფქვილს და ვურევთ მანამ სანამ მასა არ შეიკვრება, ერთგვაროვანი არ გახდება და ცომი კარგად არ გამოშრება. კარგად გაციებულ ცომს დავამატებთ 7 კვერცხს და ვურევთ მიქსერით მანამ, სანამ ცომი კარგად არ შეიკვრება და არ გახდება წებოვანი. მიღებულ მასას ვანაწილებთ ფქვილმოყრილ ტაფაზე და ვაცხობთ 180 გრადუსზე 25 წუთის განმავლობაში. 

    ბოლოს, შუს ამოვავსებთ გამზადებული კრემით. 

    გემრიელად მიირთვით და არ დაგავიწყდეთ!!!

    წაიკითხეთ სრულად
    გასათიშად დააჭირეთ ESC.