Baby Bag

​რა საკვები არ უნდა მიირთვას მეძუძურმა ქალმა საახალწლო სუფრიდან?

​რა საკვები არ უნდა მიირთვას მეძუძურმა ქალმა საახალწლო სუფრიდან?

რა საკვები არ უნდა მიირთვას მეძუძურმა ქალმა საახალწლო სუფრიდან? - აღნიშნულ თემაზე პედიატრი თამარ ობგაიძე ​საუბრობს. გთავაზობთ მის ნათქვამს სიტყვა-სიტყვით.

„დარწმუნებული ვარ, ბევრს გგონიათ, რომ მეძუძურ ქალს მკაცრი დიეტა სჭირდება. ყოველ შემთხვევაში, ბებიები, მეზობლები, ნაცნობები, ყველა, ვისაც არ ეზარება, აუცილებლად მოგიწოდებენ, არ მიირთვა ბევრი რამ, პატარას რომ არ გამოაყაროს, მუცელი არ ეტკინოს, გაზებმა არ შეაწუხოს. ჰოდა, შენც მორიდებით მიუჯდები საახალწლო სუფრას და ნერწყვისყლაპვით შეჰყურებ სხვებს. დროც შეიცვალა და შეხედულებებიც. არა, სულაც არ მოგიწევს სუფრის განაპირას ჯდომა, ოღონდ მცირე შეზღუდვების გამოკლებით. 

მაშ, ასე, თუ პატარა ძუძუზე გყავს, გირჩევ, არ მიიღო:

სუნელებიანი საკვები;
უმი ხახვი;
ნივრისშემცევლი საკვები.

რატომ?

იმიტომ, რომ ამ პროდუქტების გემო აუცილებლად გადავა რძეში და პატარას საყვარელი საკვების სუნს ვერ იცნობს, ამიტომ მან შესაძლოა, უარი გითხრას კვებაზე.

არ დაივიწყო, შეზღუდო:

მაგარი ჩაი;
მაგარი ყავა;
კოლები.

მიზეზი მარტივია - ამ პროდუქტებში კოფეინია, რამაც შესაძლოა, თქვენი პაწაწინას აგზნება და უძილობა გამოიწვიოს.
კატეგორიულად უარი თქვი ალკოჰოლიან სასმელებსა და სიგარეტზე! ეს პროდუქტები გადადის რძეში და ბავშვის ნევროლოგიურ მოშლილობებს იწვევს.

მეძუძური ქალის კვება აუცილებლად მრავალფეროვანი უნდა იყოს. მიირთვი საყვარელი კერძები, თავდაპირველად მცირე ულუფებით. თუკი რომელიმე პროდუქტზე ბავშვს გამონაყარი განუვითარდება ან ძლიერი ჭირვეულობა დაეწყება, აღნიშნული პროდუქტი აღარ მიიღო.
სულ ესაა!“ - წერს პედიატრი თამარ ობგაიძე.

შეიძლება დაინტერესდეთ

„რაც არ უნდა ვაქცინირებულები ვიყოთ, თუ გვეყოლა ბევრი ინფიცირებული, ჩვენდა სამწუხაროდ, გვეყოლება ბევრი დაავადებული და გარდაცვლილიც,“ - ლევან რატიანი

„რაც არ უნდა ვაქცინირებულები ვიყოთ, თუ გვეყოლა ბევრი ინფიცირებული, ჩვენდა სამწუხაროდ, გვეყოლება ბევრი დაავადებული და გარდაცვლილიც,“ - ლევან რატიანი

პირველი საუნივერსიტეტო კლინიკის დირექტორმა ლევან რატიანმა საქართველოში კორონავირუსის შემთხვევების ზრდის შესახებ ისაუბრა და აღნიშნა, რომ გადარჩენისთვის გონივრული გადაწყვეტილებების მიღება გვჭირდება:

„თავშეყრის ადგილებში ვირუსი ძალიან ვრცელდება. რაც არ უნდა ვაქცინირებულები ვიყოთ, რაც არ უნდა სამკურნალო-საწამლო საშუალებები გვქონდეს, თუ გვეყოლა ბევრი ინფიცირებული, ჩვენდა სამწუხაროდ, გვეყოლება ბევრი დაავადებული და გარდაცვლილიც. მართალია, სულ ამას ვიძახდით, რომ გადავრჩებით და დღესაც ამ განწყობაზე ვარ, რომ აუცილებლად გადავრჩებით, ამისთვის ​გონივრული გადაწყვეტილებები უნდა მივიღოთ.“

​ლევან რატიანის თქმით, ყველანი ერთმანეთს უნდა გავუფრთხილდეთ:

„პირველი რაც არის, ერთმანეთს უნდა გავუფრთხილდეთ. ჩვენ ყველას, საბედნიეროდ, გვიყვარს ერთმანეთი, მაგრამ სამწუხაროდ, ვარღვევთ ამ სიყვარულის კანონს. ერთმანეთის გაფრთხილება რას გულისხმობს?! მიმღებ განყოფილებაში უამრავი პაციენტია, რომელიც სკამზე ზის, იმიტომ, რომ ბოლო რამოდენიმე კვირაა საერთოდ ადგილი არ გვაქვს კლინიკაში. ხანდახან გული მისკდება ხოლმე, როდესაც სკამზე ჩამომსხდარ პაციენტებს ვხედავ, რომლებიც ცუდ მდგომარეობაში არიან, უჭირთ სუნთქვა.“

„ეს გამოიწვია ჩვენმა ქმედებამ, დაუდევრობამ, ერთმანეთის გაუფრთხილებლობამ. წარმოგიდგენიათ, რომ დღეში 500 ზარი შემოდის და ამ 500-დან 90%-ს ეუბნები, რომ ადგილი არ გაქვს. ადამიანს, რომელსაც საშველის პოვნა უნდა შენთან, ვერ ეხმარები. სულ ამის მეშინოდა. იმედია, ახლა მაინც მოვეგებით გონს. 74 გარდაცვლილი გვყავს დღეს. ეს არ არის პატარა ციფრი. ეს ყველაფერი გამოიწვია ჩვენმა უკონტროლო, ქაოტურმა მოძრაობამ ქვეყანაში,“ - აღნიშნულ საკითხზე ლევან რატიანმა ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“

წაიკითხეთ სრულად