Baby Bag

​საქართველოს განათლებისა და მეცნიერების მინისტრმა მასწავლებელთა პროფესიული განვითარების კუთხით მორიგი გადაწყვეტილება მიიღო

​საქართველოს განათლებისა და მეცნიერების მინისტრმა მასწავლებელთა პროფესიული განვითარების კუთხით მორიგი გადაწყვეტილება მიიღო

საქართველოს განათლებისა და მეცნიერების მინისტრმა გიორგი ამილახვარმა მასწავლებელთა პროფესიული განვითარების კუთხით მორიგი გადაწყვეტილება მიიღო.


გიორგი ამილახვარი: „საქართველოს განათლებისა და მეცნიერების მინისტრის თანამდებობაზე დანიშვნისთანავე დავიწყე პერმანენტული შეხვედრები მასწავლებლების ჯგუფებთან, რომელთაც მრავალწლიანი პრაქტიკული გამოცდილების საფუძველზე აქვთ მოსაზრებები და რეკომენდაციები სკოლებში სასწავლო პროცესის ხარისხის გაუმჯობესებისა და მასწავლებელთა პროფესიული განვითარების მიმართულებით. მასწავლებლების მოსმენისა და მათი მოსაზრებების გაანალიზების შემდეგ დაუყოვნებლივ მივიღეთ გადაწყვეტილება, გახანგრძლივებულიყო მასწავლებელთა პორტფოლიოში დოკუმენტაციის ატვირთვის ვადები და პორტფოლიოს ატვირთვის პროცესში შემსუბუქებულიყო მტკიცებულებების ნუსხა. მასწავლებელთა პორტფოლიოების შეფასების ჯგუფი გამხდარიყო მეტად ინკლუზიური პროცესის გამჭვირვალობის, შეფასების ობიექტურობის მაღალი ხარისხისა და საზოგადოების მაღალი სანდოობის უზრუნველსაყოფად.

მასწავლებლებთან შეხვედრებზე გამოიკვეთა ერთ-ერთი მნიშვნელოვანი საკითხი, რომელიც მასწავლებელთათვის სქემით გათვალისწინებული სტატუსის მინიჭების გზებს შეეხება.

საქმიანობის დაწყების მომენტში, ერთი მხრივ, დამხვდა წლების განმავლობაში მოქმედი მასწავლებლის პროფესიული განვითარებისა და კარიერული წინსვლის სქემა, რომელიც მასწავლებლის კომპეტენციის ამაღლებისა და პროფესიული განვითარების ხელშეწყობის დადგენილ გზებს მოიცავს გამოცდის ჩაბარებისა და პრაქტიკული საქმიანობის შეფასების სახით, ხოლო მეორე მხრივ, პარალელურ რეჟიმში მოქმედი კომისია, რომელიც მასწავლებლებს, გამოცდის ჩაბარების გარეშე, სტატუსის მინიჭების შესაძლებლობას აძლევს.

ჩვენთვის მნიშვნელოვანია გაანალიზდეს ამ წლების გამოცდილება, მთლიანობაში დავინახოთ, რა გამოწვევები არსებობს მასწავლებელთა კარიერული წინსვლისა და პროფესიული ზრდის მიმართულებით; დავინახოთ სრული ციკლი, რაც ახლა მიმდინარეობს სისტემაში გამოცდებისა და პორტფოლიოების წარმოების თვალსაზრისით, შემდგომში სწორი გადაწყვეტილების მისაღებად. ჩვენთვის მნიშვნელოვანია, რომ თანაბარ მდგომარეობაში იყვნენ მასწავლებლები კარიერული განვითარების პროცესში.

ზემოთქმულის გათვალისწინებით, მივიღეთ გადაწყვეტილება, ამ ეტაპზე, დროებით შეჩერდეს სპეციალური კომისიის საქმიანობა, რომელიც მასწავლებლებს გამოცდის ჩაბარების გარეშე, კომისიური წესით სტატუსის მინიჭების შესაძლებლობას აძლევს.

გავაგრძელებ მასწავლებლებთან შეხვედრებს მთელი საქართველოს მასშტაბით, რაც მოგვცემს საშუალებას მივიღოთ სწორი, სამართლიანი და მასწავლებელთა ინტერესზე მორგებული სამომავლო გადაწყვეტილებები.“

შეიძლება დაინტერესდეთ

მასწავლებელთა ტრენინგებზე რეგისტრაცია მიმდინარეობს

მასწავლებელთა ტრენინგებზე რეგისტრაცია მიმდინარეობს

მასწავლებელთა ტრენინგებზე რეგისტრაცია მიმდინარეობს, ინფორმაციას UG-PriEd დაწყებითი განათლების პროექტი ავრცელებს.

დაინტერესებულ პირებს შემდეგ ტრენინგებზე შეუძლიათ რეგისტრაციის გავლა:

წიგნიერების მიმართულება

1. ტრენინგი "წიგნიერების განვითარება" 🔄 განახლებული
თარიღი: 16-17 ივლისი, 2019
ვისთვის არის კურსი: (1) დაწყებითი საფეხურის ქართულის მასწავლებლებისთვის და (2) სხვადასხვა საგნის (გარემოს, ისტორიის....) მასწავლებლებისთვის
ხანგრძლივობა: 2 დღე
ღირებულება: 90 ლარი
სარეგისტრაციო ფორმა: https://forms.gle/kk3CaYUDhozfZi1d8

2. ტრენინგი "კითხვისა და წერის სწავლება დიფერენცირებული და პროექტული მეთოდით" 🔄 განახლებული
თარიღი: 20-21 ივლისი, 2019
ვისთვის არის კურსი: დაწყებითი საფეხურის ქართულის მასწავლებლებისთვის
ხანგრძლივობა: 2 დღე
ღირებულება: 90 ლარი
სარეგისტრაციო ფორმა:
https://forms.gle/AHzs6impNRziPffHA

3.2. ტრენინგი "დიფერენცირებული და პროექტული მეთოდით სწავლება დაწყებით საფეხურზე" 🔄 განახლებული
ვისთვის არის კურსი: სხვადასხვა საგნის (გარემოს, ისტორიის....) მასწავლებლებისთვის
ხანგრძლივობა: 2 დღე
ღირებულება: 90 ლარი
სარეგისტრაციო ფორმა:
https://forms.gle/AFN5SJfSYZdANHAj6

4. ტრენინგი "კითხვის სწავლება წინასაანბანო და საანბანო პერიოდში" 🔵 სიახლე
ვისთვის არის კურსი: დაწყებითი კლასების მასწავლებლებისთვის (1 კლასი)
თარიღი: 24-25 ივლისი, 2019
ხანგრძლივობა: 2 დღე
ღირებულება: 80 ლარი
სარეგისტრაციო ფორმა:
https://forms.gle/mnK73MeHTFBJLYSG8

ჩვენი პროგრამების ეფექტურობა განპირობებულია იმითი, რომ ცენტრი სისტემატიურად ანახლებს შინაარსს მომხმარებლის მოთხოვნის შესაბამისად და სთავაზობს მათ კონკრეტულ საჭიროებაზე მორგებულ პროდუქტს.

წაიკითხეთ სრულად