6 წლის წინ

მასწავლებლები

„მასწავლებლების გამოცდებთან დაკავშირებით, განსაკუთრებული სიახლეები არ არის, თუმცა პირველ გამოცდაზე წარუმატებლობის შემთხვევაში, მასწავლებლებს ექნებათ შესაძლებლობა, 2019 წლის ბოლომდე გამოცდაზე მეორედ გავიდნენ,“ - ამის შესახებ გამოცდების ეროვნული ცენტრის ხელმძღვანელმა სოფო გორგოძემ განაცხადა.

მისივე თქმით, 1, 4 და 7 კრედიტის აღება წელსაც იქნება შესაძლებელი:

„დღეს დაიწყო მასწავლებლების გამოცდებზე რეგისტრაცია, რომელიც გაგრძელდება 24 მაისის 18:00 საათამდე. პროცედურა საკმაოდ გამარტივებულია და მხოლოდ რამდენიმეწუთიანი. რეგისტრაცია ხდება მხოლოდ შეფასებისა და გამოცდების ეროვნულ ცენტრში. მანამდე იყო ორმაგი რეგისტრაცია, ერთი მასწავლებელთა პროფესიული განვითარების ცენტრში და ერთიც - ჩვენს ცენტრში. შესაბამისად, ძალიან მალე შეუძლიათ მასწავლებლებს დარეგისტრირება. სიახლე ის არის, რომ აქამდე მასწავლებლებს ამ გამოცდაზე გასვლის შესაძლებლობა მხოლოდ ერთხელ ჰქონდათ, ახლა პირველ გამოცდაზე გასვლისა და წარუმატებლობის შემთხვევაში, მასწავლებლებს ექნებათ შანსი, მეორედ გავიდნენ გამოცდაზე 2019 წლის ბოლომდე. თავად გამოცდებთან დაკავშირებით, განსაკუთრებული ცვლილებები და სიახლეები არ არის, ტესტების იგივე ფორმატი და დიზაინია, როგორიც წინა წლებში იყო. ცვლილებები ბარიერის თვალსაზრისითაც არ არის. მინიმალური კომპეტენციის დადასტურებაზეა საუბარი და 1, 4 და 7 კრედიტი, როგორც წინა წელს იყო, წელსაც შეუძლიათ, შესაბამისი ქულების რაოდენობით ამ რაოდენობის კრედიტები მოაგროვონ. განსაკუთრებულად არ იცვლება არც შინაარსობრივი მხარე, პროგრამები ჩვენს გვერდზე დევს“, - აღნიშნა გორგოძემ.

პირველი მარტის 10:00 საათიდან 31 მარტის 18:00 საათამდე მიმდინარეობს რეგისტრაცია მასწავლებელთა საგნის გამოცდის, საგნობრივი და პროფესიული კომპეტენციების დასადასტურებლად, აგრეთვე, უფროსი სპეციალური მასწავლებლის გამოცდისათვის.

რეგისტრაცია მიმდინარეობს მხოლოდ ელექტრონულად შეფასებისა და გამოცდების ეროვნული ცენტრის ვებგვერდზე online.naec.ge.

რეგისტრაცია

რეგისტრაციის ვიდეოინსტრუქცია

დამხმარე კრებულები

საგნის გამოცდაში, საგნობრივი და პროფესიული კომპეტენციის დადასტურების ტესტირებაში მონაწილეობის მიღების უფლება აქვთ:

მასწავლებლის პროფესიული განვითარებისა და კარიერული წინსვლის სქემაში განაწილებულ პრაქტიკოს მასწავლებელს;
ბაკალავრს, მაგისტრს და/ან მათთან გათანაბრებული აკადემიური ხარისხის მქონე პირს. ასევე პირს, რომელიც სწავლობს აღნიშნული საბაკალავრო/სამაგისტრო პროგრამის დამამთავრებელ კურსზე; ან აქვს სამხედრო/სასპორტო პროფესიული განათლება;
მასწავლებლობის მსურველს, რომელსაც დიპლომის საფუძველზე აქვს მასწავლებლობის უფლება, ან სწავლობს აღნიშნული საგანმანათლებლო პროგრამის დამამთავრებელ კურსზე.

თუ პირი არ ფლობს რომელიმე ზემოაღნიშნულ კვალიფიკაციას, იგი საგნის გამოცდაზე მიღებულ შედეგს ვერ გამოიყენებს მასწავლებლის საქმიანობის მიზნებისათვის.

უფროსი სპეციალური მასწავლებლის გამოცდაში მონაწილეობის უფლება აქვს როგორც მასწავლებლის პროფესიული განვითარებისა და კარიერული წინსვლის სქემაში განაწილებულ პრაქტიკოს სპეციალურ მასწავლებელს, ისე სპეციალური მასწავლებლობის მსურველ პირს.

პრაქტიკოს მასწავლებელს უფლება აქვს დარეგისტრირდეს ელექტრონულად როგორც საგნობრივ (შეუძლია აირჩიოს მხოლოდ ერთი საგანი), ასევე პროფესიული კომპეტენციის დამადასტურებელ გამოცდაზე;
პედაგოგობის მსურველ პირს მხოლოდ საგნის გამოცდის ჩაბარება შეეძლება;
უფროსი სპეციალური მასწავლებლის გამოცდაზე დარეგისტრირებულ პირს ასევე შეუძლია ჩააბაროს პროფესიული უნარებისა და, სურვილის შემთხვევაში, ნებისმიერი საგნის გამოცდა.

გაითვალისწინეთ, რომ იმ პრაქტიკოს მასწავლებლებს, რომლებიც 2020 წლის 30 აპრილის ჩათვლით დარეგისტრირდნენ საგნობრივი ან/და პროფესიული კომპეტენციების დადასტურების ტესტირებაზე, უფლება აქვთ, გავიდნენ 2021-2022 სასწავლო წლის დაწყებამდე ორგანიზებულ საგნობრივი ან/და პროფესიული კომპეტენციების დადასტურების ტესტირებაზე. ამდენად მათ ხელახლა რეგისტრაციის გავლა არ მოუწევთ. იმ შემთხვევაში თუ სურვილი აქვთ შეცვალონ მონაცემები, სისტემაში შესასვლელად უნდა ჩაწერონ პირადი ნომერი და ხუთნიშნა კოდი. კოდის დავიწყების შემთხვევაში დააჭირონ ბმულს: „თუ თქვენ არ გახსოვთ თქვენი პაროლი...“ და ახალი კოდი მათ რეგისტრაციის დროს მითითებულ ტელეფონის ნომერზე გაეგზავნებათ.

ტესტირება მათემატიკაში, საზოგადოებრივ მეცნიერებებში, საბუნებისმეტყველო მეცნიერებებში, ესთეტიკური აღზრდის საგნებში, სპორტსა და ინფორმაციულ და საკომუნიკაციო ტექნოლოგიებში ტარდება რუსულ, სომხურ და აზერბაიჯანულ ენებზე მხოლოდ იმ აპლიკანტებისათვის, რომლებიც ასწავლიან ან სურთ ასწავლონ შესაბამის არაქართულენოვან სკოლებში/სექტორებში.

კომპეტენციის დადასტურება და გამოცდის ჩაბარება შესაძლებელია შემდეგ საგნებში:

ქართული ენა და ლიტერატურა (დაწყებითი საფეხური);
მათემატიკა (დაწყებითი საფეხური);
ბუნებისმეტყველება (დაწყებითი საფეხური);
ქართული ენა და ლიტერატურა, მათემატიკა და ბუნებისმეტყველება (I – IV კლასები);
ქართული ენა და ლიტერატურა (საბაზო ან/და საშუალო საფეხური );
ქართული, როგორც მეორე ენა (დაწყებითი, საბაზო ან/და საშუალო საფეხური);
მათემატიკა (საბაზო ან/და საშუალო საფეხური);
საზოგადოებრივი მეცნიერებები (საბაზო ან/და საშუალო საფეხური): ისტორია, გეოგრაფია, სამოქალაქო განათლება;
საბუნებისმეტყველო მეცნიერებები (საბაზო ან/და საშუალო საფეხური): ფიზიკა, ქიმია, ბიოლოგია;
უცხოური ენები (დაწყებითი, საბაზო ან/და საშუალო საფეხური): ინგლისური, გერმანული, ფრანგული, რუსული;
ესთეტიკური აღზრდის საგნები: სახვითი და გამოყენებითი ხელოვნება, მუსიკა, სპორტი;
ინფორმაციული და საკომუნიკაციო ტექნოლოგიები;
პროფესიული უნარები;
უფროსი სპეციალური მასწავლებლის გამოცდა.

ყველა პრაქტიკოსი მასწავლებლისათვის რეგისტრაცია უფასოა. მასწავლებლობის მსურველთათვის კი რეგისტრაციის საფასური 50 ლარია.

გადახდის შესაძლო საშუალებები და საბანკო მომსახურების საკომისიო:

1. „საქართველოს ბანკის“ თვითმომსახურების ტერმინალით - საფასურს ემატება მომსახურების საკომისიო 1 ლარი;

2. „საქართველოს ბანკის“ სერვის ცენტრები - საფასურს ემატება მომსახურების საკომისიო 0,5 ლარი;

3. ვებგვერდზე epay.ge - საფასურს ემატება მომსახურების საკომისიო 1 ლარი;

4. „საქართველოს ბანკის“ ინტერნეტ ბანკინგის საშუალებით - ibank.ge - საფასურს ემატება მომსახურების საკომისიო 1 ლარი;

5. OPPA.ge-ის თვითმომსახურების ტერმინალით - საფასურს ემატება მომსახურების საკომისიო 0,5 ლარი (თანხა აისახება მომდევნო დღეს).

თუ დარეგისტრირებულმა პირმა რეგისტრაციის გაუქმების თაობაზე ცენტრს განცხადებით 31 მარტის 18:00 საათამდე მომართავს, მას თანხა უკან დაუბრუნდება. რეგიონებში განცხადება მიიღება საგანმანათლებლო რესურსცენტრებში, ასევე ელექტრონულად ფოსტაზე: [email protected] (ელექტრონულად განაცხადის გამოგზავნის დეტალური ინსტრუქცია იხილეთ ბმულზე).

გამოსაცდელებმა, რომლებსაც ესაჭიროებათ სპეციფიკური საგამოცდო გარემოს შექმნა, რეგისტრაციის დროს უნდა მონიშნონ - „სპეციალური პირობები“ და შეფასებისა და გამოცდების ეროვნულ ცენტრში 15 აპრილის 18:00 საათამდე უნდა წარმოადგინონ შესაბამისი ჯანმრთელობის ცნობა (ფორმა N100).

წაიკითხეთ სრულად

შეიძლება დაინტერესდეთ