Baby Bag

პედაგოგიური პრაქტიკის კვლევის ნიმუში

პედაგოგიური პრაქტიკის კვლევის ნიმუში

გთავაზობთ პედაგოგიური პრაქტიკის კვლევის ნიმუშს. კვლევა ჩატარდა ქედის მუნიციპალიტეტის სოფელ დანდალოს საჯარო სკოლის ქიმია-ბიოლოგიის მასწავლებლის, მაგული დიასამიძის მერ მე-8, მე-9, მე-10, მე-11 კლასებში. Moms.ge-ს კვლევის ანგარიში სწორედ მან მიაწოდა.

საკვლევი საკითხი იყო მოსწავლეთა მოტივაციის ამაღლების გზების კვლევა საბუნებისმეტყველო საგნების გაკვეთილებზე. კვლევის მიზანი გახლდათ, საბუნებისმეტყველო გაკვეთილზე მოსწავლეთა ჩართულობის გაუმჯობესების გზების ძიება და მოსწავლეთა ცოდნის დონის ამაღლება.

იხილეთ კვლევა ბმულზე - ​მოსწავლეთა მოტივაციის ამაღლების გზების კვლევა საბუნებისმეტყველო საგნების გაკვეთილებზე 

იხილეთ კვლევის სხვა ნიმუშები:

1.  ​პედაგოგიური პრაქტიკის კვლევის ნიმუში

2. როგორ უნდა განხორციელდეს პედაგოგიური პრაქტიკის კვლევა - მაგალითი

შეიძლება დაინტერესდეთ

მთელი ქვეყნის მასშტაბით დაწყებითი საფეხურის პედაგოგები და სკოლის წარმომადგენლები გადამზადდებიან - სკოლებში ახალი სახელმძღვანელო შედის

მთელი ქვეყნის მასშტაბით დაწყებითი საფეხურის პედაგოგები და სკოლის წარმომადგენლები გადამზადდებიან - სკოლებში ახალი სახელმძღვანელო შედის

საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრმა გარემოს დაცვისა და აგრარული განათლების შესახებ პროგრამის პრეზენტაცია გამართა.

შეხვედრაზე პროგრამის პრეზენტაციასთან ერთად მის ფარგლებში შექმნილი სახელმძღვანელოს „გარემოს დაცვითი და აგრარული განათლება სკოლაში“ წარდგენა მოხდა.

მინისტრის მოადგილემ საზოგადოებას სიტყვით მიმართა და სკოლებში გარემოსდაცვითი და აგრარული განათლების ხელმისაწვდომობის მნიშვნელობაზე ისაუბრა.

თამარ ქიტიაშვილი: „მოხარული ვარ, რომ მაქვს შესაძლებლობა, გარემოსდაცვითი განათლების საერთაშორისო დღე აღვნიშნო იმ ადამიანებთან ერთად, რომლებიც ჩვენს ქვეყანაში ამ მიმართულების განვითარებასა და ხელშეწყობაზე ზრუნავენ.

მნიშვნელოვანია, რომ სკოლის მოსწავლეებმა მიიღონ განათლება და გამოიმუშაონ უნარ-ჩვევები როგორც გარემოს დაცვის, ასევე, აგრარული დარგის მიმართულებით. ვფიქრობ, დაწყებით საფეხურზე, როდესაც ბავშვების ცნობიერება ჩამოყალიბების პროცესშია, ამ საკითხების საგნობრივ ჭრილში ინტეგრირება და მრავალფეროვანი აქტივობებით მოსწავლეებში სწორი შეხედულებებისა და ქცევების ფორმირება კიდევ ერთი წინ გადადგმული ნაბიჯია, რაც გვაახლოებს ჩვენს საერთო მიზანთან – გვყავდეს განათლებული, სწორი ღირებულებების მქონე ახალგაზრდობა, რომლისთვისაც თანაბრად მნიშვნელოვანი იქნება გარემოს დაცვა, სოციალური კეთილდღეობა თუ ეკონომიკური განვითარება. დარწმუნებული ვარ, მომავალ თაობას ექნება გაცილებით მაღალი სოციალური პასუხისმგებლობა, რასაც საფუძველს სკოლებში სწორედ ასეთი პროგრამების დანერგვა ჩაუყრის.“

სახელმძღვანელო საქართველოს განათლების, მეცნიერების, კულტურისა და სპორტის სამინისტროსა და საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის თანამშრომლობით შემუშავდა. იგი დამხმარე სახელმძღვანელოა დაწყებითი საფეხურის პედაგოგებისთვის და გარემოსდაცვითი და აგრარული განათლების ხელშეწყობასა და ზოგადსაგანმანათლებლო სივრცეში ინტეგრირებას ითვალისწინებს.

სახელმძღვანელო გარემოს დაცვისა და აგრარული მიმართულებით შემდეგ თემებს აერთიანებს:

  • მდგრადი განვითარების კონცეფცია;
  • ბიომრავალფეროვნების დაცვა;
  • წყლის რესურსების დაცვა და მდგრადი მართვა;
  • ნარჩენების მართვა;
  • კლიმატის ცვლილება და ბუნებრივი კატასტროფების საფრთხეების შემცირება;
  • ატმოსფერული ჰაერის ხარისხი;
  • მიწის მართვა და გაუდაბნოებასთან ბრძოლა;
  • სოფლის მეურნეობა – სურსათის უვნებლობა და ხარისხი.


​სახელმძღვანელოს წარდგენის შემდეგ იწყება მნიშვნელოვანი პროცესი, რომელიც მთელი ქვეყნის მასშტაბით დაწყებითი საფეხურის პედაგოგებისა და სკოლის წარმომადგენლების გადამზადებას გულისხმობს.

წაიკითხეთ სრულად