მასწავლებლის მიერ ელექტრონულ სისტემაში პროფესიულ საქაღალდეში დოკუმენტების განთავსების ვადა 24 ივნისს იწურება, - ინფორმაციას მასწავლებლის სახლი სოციალურ ქსელში ავრცელებს.
იხილეთ ვიდეო - მასწავლებლის მიერ eschool-ის სისტემაში დოკუმენტის ატვირთვის ინსტრუქცია
საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა მასწავლებელთა მეექვსე ეროვნულ კონფერენციაზე პედაგოგებს მათი დიდი დამსახურებისთვის მადლობა გადაუხადა და წარმატებები უსურვა.
„თქვენ, მასწავლებლები, ყველაზე მნიშვნელოვანი და დასაფასებელი ადამიანები ხართ მთელ საგანმანათლებლო სისტემაში და მინდა, მადლობა გადაგიხადოთ იმისათვის, რომ უანგაროდ ემსახურებით ყველაზე მნიშვნელოვანს - ჩვენს ბავშვებს და მათ მომავალს.
დაანონსებული რეფორმის ფარგლებში, ჩვენ გავაკეთებთ ყველაფერს, რომ სასკოლო ცხოვრება უფრო საინტერესო, კიდევ უფრო ეფექტური გახდეს და თქვენი პროფესია უფრო მეტად იყოს დაფასებული,“ - განაცხადა მინისტრმა და სამინისტროს სახელით, მასწავლებელს სოფელ ჩიბათიდან, ლადო აფხაზავას, მასწავლებლის გლობალური ჯილდოს 50 საუკეთესო მასწავლებელთა შორის ყოფნა მიულოცა, რაც მინისტრის თქმით, ძალიან საამაყოა.
წაიკითხეთ სრულად
