Baby Bag

„აგვისტოში 74 წლის ვხდები და ვფიქრობ, დრო მოვიდა, პროფესია დავტოვო“ - მასწავლებლი, რომელიც 33 წელია მათემატიკას ასწავლის

„აგვისტოში 74 წლის ვხდები და ვფიქრობ, დრო მოვიდა, პროფესია დავტოვო“ - მასწავლებლი, რომელიც 33 წელია მათემატიკას ასწავლის

ციური გაგნიძე დუშეთის მუნიციპალიტეტის სოფელ მაღაროსკარში 33 წელია მათემატიკას ასწავლის, მან პროფესიიდან გასვლის გადაწყვეტილება მიიღო.

„ყველაფერს აქვს დასაწყისი და დასასრული ადამიანის ცხოვრებაში. აგვისტოში 74 წლის ვხდები და ვფიქრობ, დრო მოვიდა პროფესია დავტოვო.

მივესალმები სამინისტროს გადაწყვეტილებას საპენსიო ასაკის პედაგოგებისთვის ჯილდოს დაწესებასთან დაკავშირებით. ამით წახალისდება ახალგაზრდების ნაკადის შემოდინება სისტემაში, რაც თავისთავად ახალ ხედვებსა და მიდგომებს გულისხმობს.

ჩვენი სკოლიდან ოთხი პედაგოგი გადის სისტემიდან, ყველას ძალიან გაგვიხარდა, რომ ასე დაგვაფასეს. ჩვენთვის ყველაზე მნიშვნელოვანი ბავშვის პიროვნულად ჩამოყალიბება და ცოდნის მიცემაა, რაშიც მშობლებთან ერთად დიდ როლს ვთამაშობთ. შესაბამისად, სევდიანია ამ გარემოსა და კარგი კოლექტივის დატოვება, თუმცა ხშირად მოვინახულებ მათ.“

წყარო: განათლების, მეცნიერების, კულტურისა და სპორტის სამინისტრო

შეიძლება დაინტერესდეთ

სასურველია, მასწავლებლებისა და განათლების სფეროში დასაქმებულების ვაქცინაცია დროულად დაიწყოს

სასურველია, მასწავლებლებისა და განათლების სფეროში დასაქმებულების ვაქცინაცია დროულად დაიწყოს

სასურველია, მასწავლებლებისა და განათლების სფეროში დასაქმებულების ვაქცინაცია დროულად დაიწყოს, – ამის შესახებ პედიატრმა, თემურ მიქელაძემ საქართველოს ​პირველ არხს განუცხადა.

როგორც მან აღნიშნა, ვირუსის გავრცელების ძირითადი მიზეზი სკოლების და ბაღების გახსნაა.

მისივე თქმით, ჰიგიენური ნორმების დაცვაზე ბავშვებში კონტროლი უნდა გამკაცრდეს.

„მომართვიანობა გაზრდილია. ოქტომბერ-ნოემბერში დღეში რამდენიმე ათეული პაციენტი თუ იყო, თებერვლიდან მარტის შუა რიცხვებამდე პრაქტიკულად კვირები გადიოდა ისე, რომ საერთოდ არც ერთი შემთხვევა არ გვქონია. ბოლო ხუთი დღეა მე პირადად ყოველდღიურად ორ-სამ შემთხვევასთან მაქვს საქმე. გუშინ მაგალითად, იყო ოთხი ახალი პაციენტი, ძირითადად სკოლის მოსწავლეები. რა თქმა უნდა, ეს გამოიწვია სკოლების და ბაღების გახსნამ. მე თავიდანვე ნაადრევად მეჩვენა ბაღების გახსნა, სკოლები უნდა გახსნილიყო რეგულაციების დაცვით, თუმცა არა ბაღები. ჩემი აზრით, ჰიგიენური ნორმების დაცვაზე ბავშვებში კონტროლი მეტ-ნაკლებად უნდა გამკაცრდეს.

სასურველია ასევე, რომ მასწავლებლებმა და განათლების სფეროში დასაქმებულმა პირებმა დროულად დაიწყონ ვაქცინაცია.

ყველამ ვირწმუნეთ, რომ აღარ იქნებოდა მესამე ტალღა და ყველამ დავივიწყეთ ელემენტარული ჰიგიენური ნორმები. თუ იხსნება სხვადასხვა დაწესებულება: რესტორნები, სადღესასწაულო ცენტრები, გასართობი სივრცეები, იქ ყველამ უნდა დაიცვას ჰიგიენური ნორმები, რაც საკმაოდ ძნელია. მოვდუნდით და ამან გამოიწვია, რომ დღეს პრაქტიკულად ქვეყანაში მესამე ტალღა გვაქვს. შემთხვევების რაოდენობა უცებ 1000-მდე ავარდა და თუ წესებს არ დავიცავთ, ისევ 5 000 გახდება“, – განაცხადა თემურ მიქელაძემ.

მისივე თქმით, დაავადების გავრცელების ერთადერთი პრევენციული საშუალება ვაქცინაციაა.

„ერთადერთი პრევენციული საშუალება არის ვაქცინაცია. ვისაც აქვს შესაძლებლობა, ყველა უნდა დარეგისტრირდეს და აიცრას. არც ერთ ქვეყანაში არ ირჩევენ ვაქცინას, იკეთებენ იმ ვაქცინას, რასაც სახელმწიფო სთავაზობს. ყველა ვაქცინას აქვს მაღალი დაცვის პროცენტი და ყველა იცავს დაავადების მძიმედ განვითარებისა და ფატალური შედეგისგან.

პანდემიის დასამარცხებლად სულ ცოტა 11 ათასი ადამიანი ყოველდღე უნდა ავცრათ და არა ისე, რომ 25 დღეში აიცრას ეს რაოდენობა. ქვეყანამ ცოტა რომ ამოისუნთქოს, ყოველ დღე სულ ცოტა 3 000 ადამიანი უნდა იცრებოდეს“, – განაცხადა თემურ მიქელაძემ.

წყარო: ​1TV.GE

წაიკითხეთ სრულად