„მასწავლებლის კომპეტენციის დასადასტურებლად დარეგისტრირებული აპლიკანტებიდან 10-11 ივლისს, სამივე სესიაზე, 81%-ზე მეტი გამოცხადდა. პროცესი მშვიდ ვითარებაში მიმდინარეობს. იყო დაგვიანების 9 შემთხვევა. სესიებიდან 3 აპლიკანტი მოიხსნა. ორ შემთხვევაში მოხსნის მიზეზი დამხმარე მასალის გამოყენების მცდელობა გახდა, მესამე შემთხვევაში - არაფხიზელი მდგომარეობა“, - აღნიშნავენ შეფასებისა და გამოცდების ეროვნულ ცენტრში.
მასწავლებლის კომპეტენციის დადასტურების გამოცდები 10 ივლისს დაიწყო და 21 ივლისს დასრულდება.
23 აპრილი წიგნისა და საავტორო უფლებების მსოფლიო დღეა. აღნიშნულ თარიღთან დაკავშირებით, საქართველოს პრემიერ-მინისტრი, მამუკა ბახტაძე და საქართველოს განათლების, მეცნიერების, კულტურისა და სპორტის მინისტრი, მიხეილ ბატიაშვილი წეროვანის მე-3 საჯარო სკოლას სტუმრობდნენ, სადაც სკოლის ბიბლიოთეკას საჩუქრად შემეცნებითი და კლასგარეშე საკითხავი მხატვრული ლიტერატურა გადასცეს.
„ნებისმიერი ბავშვისთვის წიგნი, წიგნთან ყოველდღიური ურთიერთობა ალბათ, ყოველთვის მნიშვნელოვანია. წიგნის საერთაშორისო დღესთან დაკავშირებით, პრემიერ-მინისტრთან ერთად წეროვანის სკოლის ბიბლიოთეკას საჩუქრად გადავეცით ქართული წიგნები. ამასთანავე, პრემიერ-მინისტრის მიერ გაჟღერდა ინიციატივა, რომ წეროვანში კიდევ ერთი, ახალი თანამედროვე სკოლის მშენებლობა დაიწყება. განათლების რეფორმის ფარგლებში, ინფრასტრუქტურული პროექტების მიმართულებით, საქართველოს მასშტაბით, წელს ძალიან ბევრი სკოლის მშენებლობაა დაგეგმილი. მომავალ წელს ეს რაოდენობა კიდევ უფრო გაიზრდება” - განაცხადა მიხეილ ბატიაშვილმა.
