Baby Bag

წელს სკოლებში ვაკანსიები გამოჩნდა (ამ ეტაპისთვის 500), რაც აქამდე იშვიათობა იყო

წელს სკოლებში ვაკანსიები გამოჩნდა (ამ ეტაპისთვის 500), რაც აქამდე იშვიათობა იყო

„წელს სკოლებში ვაკანსიები გამოჩნდა (ამ ეტაპისთვის 500), რაც აქამდე იშვიათობა იყო,“ - აღნიშნულის შესახებ პოსტს ფეისბუქ გვერდზე მასწავლებლის სახლის დირექტორის მოადგილე მანანა რატიანი აქვეყნებს. 

გთავაზობთ მის პოსტს სიტყვა-სიტყვით:

„პენსიონერი მასწავლებლებისთვის ფულადი ჯილდოს შეთავაზებით წელს სკოლებში ვაკანსიები გამოჩნდა (ამ ეტაპისთვის 500), რაც აქამდე იშვიათობა იყო. ხვალ დღის ბოლომდე საჯარო სკოლების ყველა ვაკანსია იქნება საიტზე განთავსებული. ასე რომ მასწავლებლობის მსურველებო, დარეგისტრირდით ამავე საიტზე, დროულად მოიძიეთ საჭირო დოკუმენტაცია კონკურსებში მონაწილეობის მისაღებად, ვადები შეზღუდულია.
ყველას წარმატება!“

ვაკანსიების სანახავად იხილეთ ბმული -​ ვაკანსიები.

შეიძლება დაინტერესდეთ

საქართველოს განათლებისა და მეცნიერების სამინისტროს განცხადება 119-ე სკოლაში მიმდინარე მოვლენებთან დაკავშირებით

საქართველოს განათლებისა და მეცნიერების სამინისტროს განცხადება 119-ე სკოლაში მიმდინარე მოვლენებთან დაკავშირებით

საქართველოს განათლებისა და მეცნიერების სამინისტრო ეხმიანება 119-ე სკოლის გარშემო მიმდინარე მოვლენებს და კატეგორიულად უარყოფს გავრცელებულ ინფორმაციას იმის შესახებ, რომ თითქოს 119-ე სკოლის დირექტორის მოადგილე თეა ბრეგვაძე თანამდებობიდან პოლიტიკური ნიშნით გათავისუფლდა. ეს ინფორმაცია არის ტყუილი. პირველ რიგში, განვმარტავთ, რომ თეა ბრეგვაძე არასდროს ყოფილა 119-ე სკოლის დირექტორი, ის გახლდათ ამ სკოლის დირექტორის მოადგილე და დროებით ასრულებდა დირექტორის მოვალეობას.

მოგახსენებთ, რომ ქალაქ თბილისის N119 საჯარო სკოლის დირექტორს, პაატა რაზმაძეს, 2020 წლის 8 სექტემბერს ამოეწურა სამეურვეო საბჭოსთან დადებული შრომითი ხელშეკრულების 6-წლიანი ვადა, რის შემდეგ დირექტორის მოვალეობის შესრულება გააგრძელა დირექტორის მოადგილემ, თეა ბრეგვაძემ, როგორც დირექტორის არყოფნის, ან დირექტორის მიერ თავისი უფლებამოსილების განხორციელების შეუძლებლობის შემთხვევაში მართვის საინფორმაციო სისტემაში რეგისტრირებულმა პირმა.

სამინისტროს მიერ, მიმდინარე წლის 27 ოქტომბერს ქალაქ თბილისის 119-ე საჯარო სკოლის დირექტორის მოვალეობის შემსრულებლად დაინიშნა თამარ თაბუაშვილი. ზოგადი განათლების შესახებ კანონის თანახმად, დირექტორის არჩევა ან დირექტორის/დირექტორის მოვალეობის შემსრულებლის დანიშვნა იწვევს დირექტორის მოადგილის/მოადგილეების უფლებამოსილების ვადამდე შეწყვეტას, რაზეც ინფორმირებული იყო ქალბატონი თეა ბრეგვაძე.

ამდენად, ქალბატონი თეა ბრეგვაძის მიერ, პოლიტიკური ნიშნით სპეკულაცია მოადგილის თანამდებობიდან გათავისუფლების საკითხის შესახებ, სრულიად უსაფუძვლოა. ასევე კატეგორიულად მიუღებელია განათლების სისტემაში მომუშავე ადამიანის მხრიდან სკოლაში სასწავლო პროცესის მიმდინარეობისთვის ხელისშეშლა და მოსწავლეთა და მასწავლებელთა პოლიტიკურ იარაღად გამოყენება.

წაიკითხეთ სრულად