Baby Bag

რამდენი ლარით იზრდება უფროსი, წამყვანი და მენტორი მასწავლებლების ხელფასები 2019-2020 სასწავლო წელს

რამდენი ლარით იზრდება უფროსი, წამყვანი და მენტორი მასწავლებლების ხელფასები 2019-2020 სასწავლო წელს

ოქტომბრის თვიდან პედაგოგებს ხელფასები გაეზრდებათ და ეს პროცესი ყოველწლიური იქნება, - ამის შესახებ  განათლების, მეცნირების, კულტურისა და სპორტის მინისტრმა მიხეილ ბატიაშვილმა პედაგოგებთან შეხვედრაზე განაცხადა.

„2019 წლის ოქტომბრის დასაწყისში ყველა პედაგოგს, რომელსაც აქვს სტატუსი და მინიმუმ 15 საგაკვეთილო საათი, ანაზღაურება გაეზრდება 150 ლარით.  უფროსი მასწავლებელი, სტატუსის გარდა, მიიღებს საათობრივ დანამატთან ერთად 1011 ლარს, წამყვანი მასწავლებელი - 1435 ლარს, მენტორი მასწავლებელი - 1745 ლარს. მეტი საგაკვეთილო საათის შემთხვევაში, რა თქმა უნდა, ანაზღაურება კიდევ უფრო მეტი იქნება. პედაგოგებს, რომლებსაც 15 საგაკვეთილო საათზე ნაკლები აქვთ, საშუალოდ 100 ლარით გაეზრდებათ ანაზღაურება.  ანუ ფაქტობრივად, ყველა პედაგოგს, რომელსაც სტატუსი აქვს მინიჭებული, ხელფასის ზრდა შეეხება. პედაგოგების ანაზღაურების ზრდის ტენდენცია გაგრძელდება ყოველწლიურად. ხელფასების მატება მოხდება ყოველ შემოდგომაზე,“ - აღნიშნა მიხეილ ბატიაშვილმა.

მინისტრის თქმით, პედაგოგების გარდა, ხელფასები ეზრდებათ სკოლის დირექტორებს, ტექპერსონალსა და  რესურსცენტრების თანამშრომლებს:

„პედაგოგების გარდა, ხელფასები ეზრდებათ სკოლის დირექტორებს, ადმინისტრაციის წარმომადგენლებს, ტექნიკურ მუშაკებს, საშუალოდ 20%-ით, ამ შემოდგომიდან. ეს ზრდა ყოველ შემოდგომაზე გაგრძელდება. პირველი სექტემბრიდან რესურსცენტრების ხელმძღვანელებს, თანამშრომლებს, ყველას ეზრდება ხელფასი მინიმუმ 150 ლარით“, - განაცხადა მიხეილ ბატიაშვილმა.

დღევანდელ შეხვედრაზე მასწავლებლების ხელფასების გაზრდაზე ისაუბრა პრემიერ-მინისტრმა მამუკა ბახტაძემაც.

„მასწავლებელთა სახელფასო ზრდის ისტორიაში, სწორედ ახლა ხორციელდება უპრეცედენტო და თანმიმდევრული პოლიტიკის პირველი ეტაპი, რომლის საფუძველზეც 2019 წლის ოქტომბერში, როგორც მე თქვენ შეგპირდით, ყველა მასწავლებელს, რომელსაც აქვს სტატუსი, ანაზღაურება გაეზრდება. პედაგოგების გარდა, ხელფასები ეზრდებათ რესურსცენტრების თანამშრომლებს და სკოლების ადმინისტრაციის წარმომადგენლებს, მათ შორის ტექნიკურ პერსონალს, სკოლის ექიმებს, ინკლუზიური განათლების მხარდამჭერ სპეციალისტებს, მანდატურის სამსახურის მიერ გადამზადებულ სკოლის უსაფრთხოებაზე პასუხისმგებელ პირებსაც. ხაზგასმით მინდა აღვნიშნო, რომ ხელფასების ზრდა ყოველწლიური იქნება და 2022 წელს უფროსი მასწავლებლის ხელფასი მიაღწევს 1700 ლარს; წამყვანი პედაგოგის - 2150 ლარს და მენტორი პედაგოგის - 2450 ლარს“, - განაცხადა პრემიერ-მინისტრმა.


შეიძლება დაინტერესდეთ

„ვიდრე 1 კვირაში საკუთარი კულინარიული შედეგების გაზიარებას ამაყად დაიწყებთ... იქნებ სკოლებშიც გვეცადა თუნდაც 1 სენდვიჩისა და ჭიქა რძის შეთავაზება ბავშვებისთვის“

„ვიდრე 1 კვირაში საკუთარი კულინარიული შედეგების გაზიარებას ამაყად დაიწყებთ... იქნებ სკოლებშიც გვეცადა თუნდაც 1 სენდვიჩისა და ჭიქა რძის შეთავაზება ბავშვებისთვის“
„ვიდრე 1 კვირაში საკუთარი კულინარიული შედეგების გაზიარებას ამაყად დაიწყებთ მეგობრების ლაიქების მოლოდინში, სიღარიბისთვის განწირული ბავშვები გაიხსენეთ, რომლებიც მშივრები იღვიძებენ და იძინებენ...
უფასო საბავშო ბაღები თავისი თუნდაც მწირი მენიუთი ბევრი ბავშვისთვის ფიზიკური გადარჩენის და განვითარების ერთადერთი გზა აღმოჩნდა. იქნებ სკოლებშიც გვეცადა თუნდაც 1 სენდვიჩისა და ჭიქა რძის შეთავაზება ბავშვებისთვის. ბევრი კვლევა აჩვენებს, რომ აკადემიურ ჩამორჩენილობას სიღარიბე შეიძლება განაპირობებდეს. ღარიბ ოჯახში გაზრდილ ბავშვს ნაკლები შანსი აქვს სოციალური მობილობის. თუ ამ მიმართულებით გარღვევა არ მოხდა, ვიტრიალებთ მოჯადოვებულ წრეზე.“

აღნიშნულის შესახებ მასწავლებელთა პროფესიული განვითარების ეროვნული ცენტრის დირექტორის მოადგილემ, მანანა რატიანმა სოციალურ ქსელში ​დაწერა.

წაიკითხეთ სრულად