საჯარო სკოლებში სექტემბრიდან 5 000 ახალი მასწავლებელი დასაქმდება. მეტი გამჭვირვალობის უზრუნველსაყოფად, სკოლების თხოვნით, საკონკურსო კომისიაში მასწავლებელთა პროფესიული განვითარების ეროვნული ცენტრის თანამშრომლებიც იქნებიან.
დეტალები იხილეთ ,,იმედის" სიუჟეტში - საჯარო სკოლებში სექტემბრიდან 5 000 ახალი მასწავლებელი დასაქმდება
შეფასებისა და გამოცდების ეროვნული ცენტრის ინფორმაციით, პროფესიული უნარების გამოცდის შედეგები მომავალი კვირის განმავლობაში გამოქვეყნდება. მათივე ცნობით, ამ ეტაპზე ნაშრომების გასწორების პროცესი მიმდინარეობს.
რაც შეეხება სააპელაციო განაცხადების მიღებას, როგორც ცენტრში აცხადებენ, შედეგების გამოქვეყნების დასრულების შემდეგ დაიწყება.
შეგახსენებთ, რომ წელს მასწავლებლებსა და მასწავლებლობის მსურველებს კომპეტენციის დადასტურების საშუალება მეორედ მიეცათ. შემოდგომაზე ორგანიზებული ტესტირებისათვის 26 600-ზე მეტი აპლიკანტი იყო დარეგისტრირებული, მათგან - 15 000-ზე მეტი პრაქტიკოსი მასწავლებელი.
