2019 წლის მასწავლებელთა გამოცდების აპელაციის შედეგები ამ კვირის ბოლომდე გამოქვეყნდება, - ამის შესახებ Moms.ge-ს შეფასებისა და გამოცების ეროვნულ ცენტრში განუცხადეს.
შეგახსენებთ, რომ მასწავლებელთა სააპელაციო განაცხადების მიღება 19 აგვისტოს 10:00 საათიდან 21 აგვისტოს 18:00 საათამდე მხოლოდ ელექტრონულად ვებგვერდებზე online.naec.ge და www.naec.ge მიმდინარეობდა.
იხილეთ ასევე:
განათლების, მეცნიერების, კულტურისა და სპორტის მინისტრის მოადგილე ეკატერინე დგებუაძემ სამინისტროს 2021 წლის ბიუჯეტში მასწავლებლების სახელფასო დანამატის ზრდასთან დაკავშირებით განმარტება გააკეთა.
მისი თქმით, მომავალი წლის იანვრიდან სრული დატვირთვის (15 საათი) მქონე უფროს, წამყვან და მენტორ მასწავლებლებს სახელფასო დანამატი 100 ლარით გაეზრდებათ. ამასთან, სახელფასო დანამატი გაეზრდებათ მათაც, ვისაც არ აქვთ სრული დატვირთვა, პროპორციული დაანგარიშების წესის შესაბამისად.
„ეკონომიკური გამოწვევების მიუხედავად, არსებული პანდემიის პირობებში, საქართველოს განათლების, მეცნიერების, კულტურისა და სპორტის სამინისტროს მთავარი პრიორიტეტი ჩვენი მოქალაქეების კეთილდღეობაზე ზრუნვა და ხარისხიანი განათლების უზრუნველყოფაა. შესაბამისად, საქართველოს მთავრობის გადაწყვეტილება, რომელიც განათლებისა და მეცნიერების მთავარ პრიორიტეტად გამოცხადებასა და ბიუჯეტის ყოველწლიურ ზრდას გულისხმობს, ძალაში რჩება. 2021 წლის ბიუჯეტში უკვე გათვალისწინებულია, რომ მომავალი წლის იანვრიდან სრული დატვირთვის (15 საათი) მქონე უფროს, წამყვან და მენტორ მასწავლებლებს სახელფასო დანამატი 100 ლარით გაეზრდებათ. სახელფასო დანამატი გაეზრდებათ მათაც, ვისაც არ აქვთ სრული დატვირთვა, პროპორციული დაანგარიშების წესის შესაბამისად,“ - განაცხადა ეკატერინე დგებუაძემ.
წაიკითხეთ სრულად
