Baby Bag

პრაქტიკოს მასწავლებელთა და მასწავლებლობის მსურველთა რეგისტრაცია შემოდგომაზე ორგანიზებული კომპეტენციის დადასტურებისათვის

პრაქტიკოს მასწავლებელთა და მასწავლებლობის მსურველთა რეგისტრაცია შემოდგომაზე ორგანიზებული კომპეტენციის დადასტურებისათვის
შეფასებისა და გამოცდების ეროვნული ცენტრის ინფორმაციით, საგნის გამოცდის, ასევე საგნობრივი და პროფესიული კომპეტენციების დადასტურების ტესტირებისათვის პრაქტიკოს მასწავლებელთა და მასწავლებლობის მსურველთა რეგისტრაცია 10 სექტემბრის 10:00 საათიდან დაიწყება და 17 სექტემბრის 18:00 საათზე დასრულდება. რეგისტრაცია მიმდინარეობს მხოლოდ ელექტრონულად ვებგვერდზე: www.naec.ge და online.naec.ge.

ტესტირებაში მონაწილეობის მიღების უფლება აქვთ:

• მასწავლებლის პროფესიული განვითარებისა და კარიერული წინსვლის სქემაში განაწილებულ პრაქტიკოს მასწავლებელს;
• ბაკალავრს, მაგისტრს და/ან მათთან გათანაბრებული აკადემიური ხარისხის მქონე პირს, რომელსაც მიღებული აქვს ეროვნული სასწავლო გეგმის შესაბამისი საგნის/საფეხურის ჯგუფის აკადემიური ხარისხი, ან სწავლობს აღნიშნული საბაკალავრო/ სამაგისტრო პროგრამის დამამთავრებელ კურსზე; ან აქვს სამხედრო/სასპორტო პროფესიული განათლება;
• მასწავლებლობის მსურველს, რომელსაც დიპლომის საფუძველზე აქვს მასწავლებლობის უფლება, ან სწავლობს აღნიშნული საგანმანათლებლო პროგრამის დამამთავრებელ კურსზე.
თუ პირი არ ფლობს რომელიმე ზემოაღნიშნულ კვალიფიკაციას, იგი საგნის გამოცდაზე მიღებულ შედეგს ვერ გამოიყენებს მასწავლებლის საქმიანობის მიზნებისათვის.
პრაქტიკოს მასწავლებელს უფლება აქვს დარეგისტრირდეს ელექტრონულად როგორც საგნობრივ (შეუძლია აირჩიოს მხოლოდ ერთი საგანი), ასევე პროფესიული კომპეტენციის დამადასტურებელ გამოცდაზე, პედაგოგობის მსურველ პირს კი მხოლოდ საგნის გამოცდის ჩაბარება შეეძლება.
ტესტირება მათემატიკაში, საზოგადოებრივ მეცნიერებებში, საბუნებისმეტყველო მეცნიერებებში, ესთეტიკური აღზრდის საგნებში, სპორტსა და ინფორმაციულ და საკომუნიკაციო ტექნოლოგიებში ტარდება რუსულ, სომხურ ან აზერბაიჯანულ ენებზე მხოლოდ იმ აპლიკანტებისათვის, რომლებიც ასწავლიან ან სურთ ასწავლონ შესაბამის არაქართულენოვან სკოლებში/სექტორებში.

კომპეტენციის დადასტურება და გამოცდის ჩაბარება შესაძლებელია შემდეგ საგნებში:
  • ქართული ენა და ლიტერატურა (დაწყებითი საფეხური);
  • მათემატიკა (დაწყებითი საფეხური);
  • ბუნებისმეტყველება (დაწყებითი საფეხური);
  • ქართული ენა და ლიტერატურა, მათემატიკა და ბუნებისმეტყველება (I – IV კლასები);
  • ქართული ენა და ლიტერატურა (საბაზო ან/და საშუალო საფეხური );
  • ქართული, როგორც მეორე ენა (დაწყებითი, საბაზო ან/და საშუალო საფეხური);
  • მათემატიკა (საბაზო ან/და საშუალო საფეხური);
  • საზოგადოებრივი მეცნიერებები (საბაზო ან/და საშუალო საფეხური):
ისტორია, გეოგრაფია, სამოქალაქო განათლება;
  • საბუნებისმეტყველო მეცნიერებები (საბაზო ან/და საშუალო საფეხური): ფიზიკა, ქიმია, ბიოლოგია;
  • უცხოური ენები (დაწყებითი, საბაზო ან/და საშუალო საფეხური): ინგლისური, გერმანული, ფრანგული, რუსული;
  • ესთეტიკური აღზრდის საგნები: სახვითი და გამოყენებითი ხელოვნება, მუსიკა, სპორტი;
  • ინფორმაციული და საკომუნიკაციო ტექნოლოგიები;
  • პროფესიული უნარები.
ყველა პრაქტიკოსი მასწავლებლისათვის რეგისტრაცია უფასოა. მასწავლებლობის მსურველი პირისათვის კი რეგისტრაციის საფასური 50 ლარია. აპლიკანტს საგნის გამოცდაში მონაწილეობის საფასური სრულად უბრუნდება, თუ ის 17 სექტემბრის 18:00 საათამდე უარს განაცხადებს საგნის გამოცდაში მონაწილეობაზე (შესაბამისი განცხადებით მიმართავს შეფასებისა და გამოცდების ეროვნულ ცენტრს, ხოლო რაიონებში - საგანმანათლებლო რესურსცენტრებს).
გადახდის შესაძლო საშუალებები:
  • ცენტრის ვებგვერდიდან იხ.ბმული - საფასურს ემატება მომსახურების საკომისიო 0,5 ლარი;
  • „საქართველოს ბანკის“ სერვისცენტრებით - საფასურს ემატება მომსახურების საკომისიო 0,5 ლარი;
  • ვებგვერდზე epay.ge - საფასურს ემატება მომსახურების საკომისიო 1 ლარი;
  • „საქართველოს ბანკის“ თვითმომსახურების ტერმინალით - საფასურს ემატება მომსახურების საკომისიო 1 ლარი;
  • „საქართველოს ბანკის“ ინტერნეტბანკინგის საშუალებით - ibank.ge - საფასურს ემატება მომსახურების საკომისიო 1 ლარი;
  • OPPA.ge-ის თვითმომსახურების ტერმინალით - საფასურს ემატება მომსახურების საკომისიო 0,5 ლარი.
პრაქტიკოსი მასწავლებლის მიერ საგნობრივი და პროფესიული კომპეტენციის ყოველი შემდგომი დადასტურება აუქმებს პრაქტიკოსი მასწავლებლის მიერ იმავე საგანში საგნობრივი და პროფესიული კომპეტენციის დადასტურებისას მიღებულ შეფასებას და შესაბამის კრედიტქულებს.

შეიძლება დაინტერესდეთ

მაძიებელი მასწავლებლებისთვის ჩატარდება ტრენინგები, რომლებიც 10 კრედიტის მოპოვებაში დაგეხმარებათ

მაძიებელი მასწავლებლებისთვის ჩატარდება ტრენინგები, რომლებიც 10 კრედიტის მოპოვებაში დაგეხმარებათ
განახლდა ტრენინგები პრაქტიკოსი და მაძიებელი მასწავლებლებისთვის, ის 10 კრედიტს მოგაპოვებინებთ - კურსი შედგენილია 2021 წლის განახლებული საგამოცდო პროგრამის მიხედვით!

როგორც იცით, 2021 წლის პედაგოგთა სასერტიფიკაციო გამოცდაში ცვლილებები შევიდა. ეს ცვლილებები შეეხო როგორც გამოცდის დროის ხანგრძლივობას და ქულათა რაოდენობას, ასევე საკითხთა ჩამონათვალს. 

იქნება თუ არა შემოდგომით გამოცდა უცნობია, თუმცა შემოდგომის გამოცდები ხშირად ტარდება. ამიტომ სასურველია, თადარიგი ყველა მსურველმა დაიჭიროს. 

გთავაზობთ ტრენინგს, რომელიც მორგებულია 2021 წლის პროგრამასა და სტანდარტს.

პედაგოგთა სასერტიფიკაციო პროგრამა მოიცავს გამოცდის 10კრედიტზე ჩასაბარებლად საჭირო ყველა საკითხს. ინოვაციური სწავლების მეთოდი გაგიადვილებთ შესასწავლი მასალის აღქმა-გააზრებას!

ამ ტრენინგების დახმარებით 2021 წლის ზაფხულში ბევრმა აპლიკანტმა წარმატებიით ჩააბარა გამოცდა.

პროგრამას გაუძღვება თსუ-ს სერტიფიცირებული ტრენერი, მეცნიერი - სოფო ბიბილაშვილი (​https://www.facebook.com/sopobibilashvili)

ტრენინგი აღიარებულია საერთაშორისო უმაღლეს სტანდარტად! რეგისტრაცია შეულია ნებისმიერ დაწყებითი საფეხურის (I-IV და/ან I-VI) პედაგოგს

რეგისტრაცია მიმდინარეობს შემდეგ საგანზე:

  • დაწყებითი კომბინირებული სრული კურსი
ტრენინგები ჩატარდება კვირაში 3-ჯერ, თითო სემინარის ხანგრძლივობაა 2 საათი, ტრენინგები გაგრძელდება გამოცდებამდე.

კურსში შედის სამი საგანი: ქართული, მათემატიკა და ბუნებისმეტყველება, ასევე აკადემიური უნარები - ანალიტიკური წერა და ტექსტის გააზრება.

ტრენერი გაარჩევს როგორც თეორიულ საკითხებსა და დავალებებს, ასევე გასული წლის ტესტებსაც!

ტრენინგის ღირებულებაა 90 ლარი (ერთი თვის).

მსურველებმა რეგისტრაცია უნდა გაიარონ შემდეგ ბმულზე:
რეგისტრაცია სრულდება 7 სექტემბერს 18:00 საათზე, ტრენინგი დაიწყება 10 სექტემბერს და გაგრძელდება 2 თვე (სულ 48 საათი).

დამატებითი ინფორმაციისთვის დაგვიკავშირდით 592 477 277

R. 
წაიკითხეთ სრულად