შეფასებისა და გამოცდების ეროვნული ცენტრის ინფორმაციით, მასწავლებელთა გამოცდის აპელაციის შედეგები მიმდინარე კვირაში გამოქვეყნდება. მათივე ცნობით, ამ ეტაპზე სააპელაციო განაცხადების განხილვის პროცესი მიმდინარეობს.
მასწავლებლობის მსურველებმა კომპეტენციის დასადატურებლად გამოცდაზე 60%-ზე მეტი უნდა დააგროვონ, ხოლო პრაქტიკოსი პედაგოგებისთვის კრედიტების დაგროვების სისტემა მოქმედებს.
როგორც მასწავლებლის სახლში განგვიმარტეს, პრაქტიკოსი მასწავლებლებისათვის საგნობრივი და პროფესიული კომპეტენციების დასადასტურებელი ტესტის ქულები სქემით გათვალისწინებული პროცენტების მიხედვით იგივეა, რაც 2018 წელს იყო.
პრაქტიკოსი მასწავლებლები გამოცდაზე მიღებული ქულების შესაბამისად აგროვებენ 1, 4, 7 და 10 კრედიტქულას.
1 კრედიტის მოსაპოვებლად საჭიროა ქულათა 31%-დან 41%-მდე მიღება;
4 კრედიტის მოსაპოვებლად საჭიროა ქულათა 41%-დან 51%-მდე მიღება;
7 კრედიტის მოსაპოვებლად საჭიროა ქულათა 51%-დან 61%-მდე მიღება;
10 კრედიტის მოსაპოვებლად საჭიროა ქულათა 61%-დან და მეტის მიღება.
პროცენტების გადანაწილება ქულებში საგნების მიხედვით იხილეთ ქვემოთ მოცემულ ცხრილში:
