Baby Bag

10 საუკეთესო საახალწლო საჩუქარი მასწავლებლებისთვის

10 საუკეთესო საახალწლო საჩუქარი მასწავლებლებისთვის
საახალწლო პერიოდი საკმაოდ დატვირთული და დამღლელია. ადამიანებს ძალიან ბევრი აქტივობის დაგეგმვა და ორგანიზება უწევთ. ისინი გულმოდგინედ არჩევენ საჩუქრებს ახლობლებისა და მეგობრებისთვის. მშობლები ცდილობენ შვილების პედაგოგები საინტერესო და ორიგინალური საახალწლო საჩუქრებით გაანებივრონ. მასწავლებლის ღვაწლი და შრომა ხშირად სათანადოდ ვერ ფასდება. დღესასწაულზე თქვენ საშუალება გეძლევათ თქვენი შვილების აღმზრდელებს ბავშვებზე ყოველდღიური ზრუნვისთვის მადლობა გადაუხადოთ. თუმცა მასწავლებლისთვის საჩუქრის სწორად შერჩევა არც ისე მარტივია.
კვლევებით დგინდება, რომ მასწავლებლებს არაორდინალური საჩუქრების მიღება ხიბლავთ. მათ ძალიან უყვართ ხელნაკეთი ნივთები, რომლებშიც ადამიანები მთელ გულსა და ძალისხმევას დებენ. აუცილებელი სულაც არ არის, რომ მასწავლებლისთვის მომზადებული საჩუქარი ძალიან ძვირადღირებული იყოს. პედაგოგებს უხარიათ, თუ მათთვის საჩუქარს მოსწავლე თავისი ხელით ამზადებს. მასწავლებლების ნაწილს არ უყვარს, როდესაც საჩუქრად საკვებს იღებს. ადამიანებს განსხვავებული გემოვნება აქვთ, ზოგიერთი მათგანი ჯანსაღად იკვებება, ზოგიერთი დიეტაზეა, ზოგს კი სწრაფი კვების პროდუქტები იზიდავს. შესაბამისად, საკვების ჩუქებისას, შესაძლოა, შეცდომა დაუშვათ და მასწავლებელს ისეთი პროდუქტი აჩუქოთ, რომელიც მას არ უყვარს ან არ სჭირდება.
მასწავლებელთა უდიდეს ნაწილს უყვარს პრაქტიკული დანიშნულების საგნების საჩუქრად მიღება. მათ ისეთი ნივთები ახარებთ, რომლებსაც საგაკვეთილო პროცესში წარმატებით გამოიყენებენ. მსგავსი საჩუქრის შეძენაზე მთელმა კლასმა ერთობლივად უნდა იზრუნოს, რადგან მათ უკეთ იციან, რა სახის ნივთი ესაჭიროება ამა თუ იმ მასწავლებელს საკლასო ოთახში.

​ჩვენს სტატიაში იმ საჩუქრების ნუსხას შემოგთავაზებთ, რომელთა მიღება ნებისმიერი პედაგოგისთვის სასიხარულო იქნება. თუმცა, მასწავლებლისთვის ყველაზე დიდი ძღვენი მშობლის მიერ ნათქვამი კომპლიმენტია. თუ პედაგოგის გახარება და გაბედნიერება გსურთ, მას აუცილებლად გადაუხადეთ მადლობა ყველაფრისთვის, რასაც ის თქვენი შვილისთვის აკეთებს. ამაზე უკეთეს საჩუქარს მასწავლებლისთვის ვერ შეარჩევთ.
• მრავალენოვანი ლექსიკონი
მასწავლებლებს, რომლებსაც მოგზაურობა იზიდავთ, ლექსიკონის საჩუქრად მიღება ძალიან გაუხარდებათ. არსებობს სპეციალური ელექტრონული ლექსიკონები და მოწყობილობები, რომლებიც ნებისმიერ ქვეყანაში მოგზაურობისას ძალიან გამოსადეგია. მსგავსი ლექსიკონების დახმარებით მოგზაურებს კომუნიკაცია უადვილდებათ.
• მექანიკური ტაიმერი
კარგი ტაიმერი ნებისმიერ მასწავლებელს სჭირდება. საგაკვეთილო პროცესში დროის სწორად გადანაწილება და მენეჯმენტი ძალიან მნიშვნელოვანია. გაკვეთილის ცალკეულ ეტაპებად დაყოფისთვის დროის ათვლა აუცილებლად გჭირდებათ. საჩუქრად ისეთი ტაიმერი შეარჩიეთ, რომელსაც უკანა მხარეს მაგნიტი აქვს მიმაგრებული, რათა მასწავლებლისთვის მისი გამოყენება და ტარება კომფორტული იყოს. გარდა ამისა, უმჯობესია, თუ ტაიმერს შემაწუხებელი ან ძალიან მაღალი ხმა არ ექნება, რათა საგაკვეთილო პროცესი არ ჩაშალოს.
• ხელნაკეთი საახალწლო ორნამენტები
ხელნაკეთი საახალწლო ორნამენტების დამზადება თქვენს შვილთან ერთად თავადაც შეგიძლიათ. ინტერნეტში უამრავი ვიდეომასალაა, რომელიც საუკეთესო არჩევანის გაკეთებაში დაგეხმარებათ და ორნამენტების დამზადებასაც გასწავლით.
• ყავის აპარატი
მასწავლებლებს სემესტრის ბოლოს ერთი ჭიქა ღვინის მირთმევის სურვილი ნამდვილად აქვთ, თუმცა ყოველდღიურად ისინი უპირატესობას ყავას ანიჭებენ. ენერგიის მოსამატებლად და დაღლილობასთან გასამკლავებლად პედაგოგები კოფეინს აქტიურად ეტანებიან. თუ იცით, რომ თქვენი შვილის მასწავლებელს ყავა ძალიან უყვარს, სხვა მშობლებიც აიყოლიეთ და მისთვის მცირე ზომის ყავის აპარატი შეიძინეთ. თუ საჩუქრის ჩუქებას დამოუკიდებლად გეგმავთ, შეგიძლიათ, უპირატესობა სხვადასხვა სახეობის ყავით სავსე კალათს მიანიჭოთ. საყვარელ მასწავლებელს ნებისმიერ შემთხვევაში ძალიან გააბედნიერებთ.
• თერმოსი ჩაის მოყვარულებისთვის
საჩუქრის გარეშე არც ჩაის მოყვარული მასწავლებელი უნდა დარჩეს. თუ თქვენს ფავორიტ პედაგოგს ჩაი უყვარს, მისთვის ხარისხიანი თერმოსი შეიძინეთ, რომელიც სასმელს ტემპერატურას ხანგრძლივად უნარჩუნებს. აღნიშნული საჩუქარი ყავის მოყვარულ მასწავლებლებსაც ძალიან გაახარებთ.
• ბლოკნოტი
მასწავლებლები საკანცელარიო ნივთებს საჩუქრის სახით ხშირად იღებენ. პედაგოგები ყოველდღიურად გეგმავენ გაკვეთილებს, აკეთებენ ჩანაწერებს, ინიშნავენ სხვადასხვა მნიშვნელოვან თარიღებსა და მოვლენებს. მასწავლებლისთვის გამორჩეული დიზაინის ბლოკნოტის ჩუქება ძალიან კარგი გადაწყვეტილებაა. ეცადეთ, ისეთი ბლოკნოტი შეარჩიოთ, რომელშიც ძალიან ბევრი განყოფილებაა, რათა პედაგოგმა მისთვის სასურველი ინფორმაციის შენახვა და ჩანიშვნა მარტივად შეძლოს.
• მცირე ზომის დინამიკები
მასწავლებლებს დინამიკის საჩუქრად მიღება ძალიან ახარებთ. საგაკვეთილო პროცესში დინამიკის გამოყენებას პედაგოგები ხშირად ვერ ახერხებენ, რადგან მძიმე წონიანი ნივთის ტარება უჭირთ. თანამედროვე, მინიატურული დინამიკები აღნიშნულ პრობლემას მარტივად აგვარებს. Bluetooth-ის დახმარებით მსგავსი ტიპის დინამიკი ნებისმიერი ტიპის ხმოვან შეტყობინებას კლასში მარტივად ავრცელებს, რაც მთავარია, მას მაღალი ჟღერადობა აქვს.
• ორიგინალურად მოხატული წინდები
საჩუქრის ხელმისაწვდომ ფასში შეძენა თუ გსურთ, შეგიძლიათ მასწავლებელს ორიგინალური დიზაინით გაფორმებული წინდები აჩუქოთ. ეცადეთ, საჩუქარმა თქვენი საყვარელი პედაგოგი პოზიტიურ და მხიარულ განწყობაზე დააყენოს.
• სხეულისა და კანის მოვლის საშუალებები
სხეულისა და კანის მოვლის საშუალებების შეძენისას თანხების დაზოგვა არ ღირს. თუ მასწავლებელს მსგავსი ტიპის საჩუქარს ჩუქნით, ხარისხს ძალიან დიდი მნიშვნელობა აქვს, იაფფასიანი პროდუქტი ხშირ შემთხვევაში კანს სერიოზულად აზიანებს ან ალერგიულ რეაქციებს იწვევს. ეცადეთ, ნატურალური ინგრედიენტებისგან დამზადებული თავის მოვლის საშუალებები შეიძინოთ.
• არომატული მარილი

ძვირფასი საჩუქრის საყიდლად თანხა თუ არ გყოფნით, საყვარელი პედაგოგი მარტივი და ჯანსაღი ძღვენით გაანებივრეთ. სხვადასხვა მცენარეული არომატით გამდიდრებული მარილი სახალისო და ამავე დროს სასიამოვნო საჩუქარია. რაც მთავარია, ის ალერგიულ რეაქციებს არ იწვევს და აბსოლუტურად ჯანსაღია.

მომზადებულია ​parents.com-ის მიხედვით

თარგმნა ია ნაროუშვილმა

შეიძლება დაინტერესდეთ

რას მოხ­მარ­დე­ბა ინ­კ­ლუ­ზი­უ­რი გა­ნათ­ლე­ბის მი­მა­რ­თუ­ლე­ბით გაზ­რ­დი­ლი თან­ხე­ბი და აისა­ხე­ბა თუ არა მას­წავ­ლე­ბელ­თა სა­ხელ­ფა­სო და­ნა­მა­ტებ­ზე?

რას მოხ­მარ­დე­ბა ინ­კ­ლუ­ზი­უ­რი გა­ნათ­ლე­ბის მი­მა­რ­თუ­ლე­ბით გაზ­რ­დი­ლი თან­ხე­ბი და აისა­ხე­ბა თუ არა მას­წავ­ლე­ბელ­თა სა­ხელ­ფა­სო და­ნა­მა­ტებ­ზე?

რას მოხ­მარ­დე­ბა ინ­კ­ლუ­ზი­უ­რი გა­ნათ­ლე­ბის მი­მა­რ­თუ­ლე­ბით გაზ­რ­დი­ლი თან­ხე­ბი და აისა­ხე­ბა თუ არა მას­წავ­ლე­ბელ­თა სა­ხელ­ფა­სო და­ნა­მა­ტებ­ზე? - ,,ახალი განათლების'' აღნიშნულ კითხვას განათლების მინისტრის მოადგილე ეკატერინე დგებუაძემ უპასუხა.

,,მას­წავ­ლე­ბ­ლის­თ­ვის კლას­ში ყვე­ლა მოს­წავ­ლე თა­ნა­ბა­რია, არა აქვს მნიშ­ვ­ნე­ლო­ბა, სსს მქო­ნეა თუ ტი­პუ­რი გან­ვი­თა­რე­ბის, მას­წავ­ლე­ბე­ლი ვალ­დე­ბუ­ლია, თა­ნაბ­რად/ერ­თ­ნა­ი­რად იმუ­შა­ოს გაკ­ვე­თილ­ზე მყოფ ყვე­ლა მოს­წავ­ლეს­თან. აქ­ვე ვიტყ­ვით იმა­საც, რომ სპე­ცი­ა­ლუ­რი მას­წავ­ლებ­ლე­ბი გახ­დ­ნენ მას­წავ­ლებ­ლე­ბი და მათ არა აქვთ გან­ს­ხ­ვა­ვე­ბუ­ლი სტა­ტუ­სი. ამი­ტომ, ახ­ლა, რე­ა­ლუ­რად შეგ­ვიძ­ლია ვთქვათ, რომ სის­ტე­მა­ში რამ­დე­ნი­მე ტი­პის მას­წავ­ლე­ბე­ლი გვყავს: მას­წავ­ლე­ბე­ლი, რო­მე­ლიც სა­განს ას­წავ­ლის, მოწ­ვე­უ­ლი მას­წავ­ლე­ბე­ლი… და სპე­ცი­ა­ლუ­რი მას­წავ­ლე­ბე­ლი. რაც შე­ე­ხე­ბა მათ სა­ხელ­ფა­სო პო­ლი­ტი­კას, აქაც თა­ნა­ბა­რი პი­რო­ბე­ბია და სპე­ცი­ა­ლუ­რი მას­წავ­ლებ­ლის ხელ­ფა­სიც იმ­დე­ნი­ვეა, რაც პრაქ­ტი­კო­სის. თუმ­ცა, ძა­ლი­ან კარ­გი სი­ახ­ლე იყო ის, რომ წელს, პირ­ვე­ლად ჩვე­ნი გა­ნათ­ლე­ბის ის­ტო­რი­ა­ში, სპე­ცი­ა­ლუ­რი მას­წავ­ლებ­ლის გა­მოც­და ჩა­ტარ­და. ამ მი­მარ­თუ­ლე­ბით, სა­სი­ხა­რუ­ლოა, რომ შე­დე­გე­ბის მი­ხედ­ვით, გა­მოც­და­ზე რე­გის­ტ­რი­რე­ბუ­ლი მას­წავ­ლებ­ლე­ბის 50%-ზე მეტ­მა სპე­ცი­ა­ლურ­მა მას­წავ­ლე­ბელ­მა ბა­რი­ე­რის გა­და­ლახ­ვა შეძ­ლო, რაც იმას ნიშ­ნავს, რომ მათ სტა­ტუ­სი აიმაღ­ლეს. შე­სა­ბა­მი­სად, უკ­ვე გვყავს უფ­რო­სი სპე­ცი­ა­ლუ­რი მას­წავ­ლებ­ლე­ბი. მა­თი ხელ­ფა­სი უფ­რო­სის სტა­ტუ­სის მქო­ნე მას­წავ­ლებ­ლე­ბის ხელ­ფა­სის თა­ნა­ბა­რი იქ­ნე­ბა და ძა­ლი­ან მნიშ­ვ­ნე­ლო­ვა­ნია, რომ სპე­ცი­ა­ლუ­რი მას­წავ­ლებ­ლე­ბიც გაჰ­ყ­ვე­ბი­ან მას­წავ­ლებ­ლის პრო­ფე­სი­უ­ლი გან­ვი­თა­რე­ბის გზას.

რაც შე­ე­ხე­ბა კითხ­ვას, თუ რას მოხ­მარ­დე­ბა და­მა­ტე­ბი­თი და­ფი­ნან­სე­ბა, გეტყ­ვით, რომ ეს ფუ­ლი, ფაქ­ტობ­რი­ვად, ხმარ­დე­ბა სპე­ცი­ა­ლუ­რი სა­გან­მა­ნათ­ლებ­ლო სა­ჭი­რო­ე­ბის მქო­ნე მოს­წავ­ლე­ე­ბის­თ­ვის სრულ­ყო­ფი­ლი გა­რე­მოს შექ­მ­ნას, დამ­ხ­მა­რე რე­სურ­სებს, დამ­ხ­მა­რე სპე­ცი­ა­ლის­ტებს, რე­ა­ლუ­რად, ეს არის მა­თი მხარ­დამ­ჭე­რი თან­ხა. ყვე­ლა სკო­ლა­ში გა­ვაგ­ზავ­ნეთ შეტყო­ბი­ნე­ბა/ინ­ფორ­მა­ცია იმის შე­სა­ხებ, რომ რე­სურ­სო­თა­ხის მოწყო­ბა ყვე­ლას­თ­ვის სა­ვალ­დე­ბუ­ლოა, ისი­ნი დე­ტა­ლუ­რად არი­ან ინ­ფორ­მი­რე­ბუ­ლი რო­გორ უნ­და იყოს რე­სურ­სო­თა­ხი აღ­ჭურ­ვი­ლი, რა არის ამის­თ­ვის მი­ნი­მა­ლუ­რი სა­ჭი­რო­ე­ბა. და­მა­ტე­ბი­თი და­ფი­ნან­სე­ბა, ასე­ვე, გუ­ლის­ხ­მობს, სა­ჭი­რო­ე­ბის შემ­თხ­ვე­ვა­ში, დამ­ხ­მა­რე სპე­ცი­ა­ლის­ტე­ბის აყ­ვა­ნას და რე­სურ­სო­თა­ხის აღ­ჭურ­ვას სა­გან­მა­ნათ­ლებ­ლო და გან­მა­ვი­თა­რე­ბე­ლი რე­სურ­სებით. ასე­ვე, და­მა­ტე­ბი­თი და­ფი­ნან­სე­ბი­დან, შე­იძ­ლე­ბა, სკო­ლამ გარ­კ­ვე­უ­ლი თან­ხა სპე­ცი­ა­ლუ­რი მას­წავ­ლებ­ლის ხელ­ფა­სის­თ­ვი­საც გა­მო­ი­ყე­ნოს, თუ­კი მი­სი ხელ­ფა­სის ასა­ნაზღა­უ­რებ­ლად თან­ხა აკ­ლ­დე­ბა,'' - აღნიშნა ეკატერინე დგებუაძემ. 

ინტერვიუ იხილეთ სრულად - ,,ახალი​ განათლება''

წაიკითხეთ სრულად