Baby Bag

„დარწმუნებული ვარ, მისი პატარები დაუფასებენ ამ დიდ შრომას“ - მშობლის საჯარო მადლობა მასწავლებელს

„დარწმუნებული ვარ, მისი პატარები დაუფასებენ ამ დიდ შრომას“ - მშობლის საჯარო მადლობა მასწავლებელს

პანდემიის პერიოდში მასწავლებელთა შრომა კიდევ უფრო ფასადუდებელი გახდა. სწორედ ამასთან დაკავშირებით მოგვწერა მშობელმა ინდირა ზოიძემ და თავისი შვილის, გიორგი წითელაძის მასწავლებელს საჯაროდ გადაუხადა მადლობა:

„ბათუმის N4 საჯარო სკოლის 1-ლი კლასის მასწავლებელს, მაია ასამბაძეს უდიდეს მადლობას ვუხდი იმ უდიდესი შრომისთვის, რაც მან გასწია ჩვენი პატარებისთვის. მაია მასწავლებელი დღე და ღამე თავდაუზოგავად მუშაობდა, რომ ონლაინ რეჟიმში ესწავლებინა ჩვენი პატარებისთვის. დარწმუნებული ვარ, მისი პატარები დაუფასებენ ამ დიდ შრომას. მადლობა განათლების სამინისტროს, რომ ასეთ დროს, საგანგებო მდგომარეობაშიც კი ზრუნავს ჩვენი შვილებისათვის. მინდა, ეს სამადლობელო სრულიად საქართველომ ნახოს. მინდა, ყველამ გაიგოს, არიან თავდაუზოგავი მასწავლებლები, რომლებიც ისე ზრუნავენ ჩვენს პატარებზე, როგორც თავიანთ შვილებზე. მადლობა ყურადღებისთვის და წარმატებებს გისურვებთ ყველას.“

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო წყარო“.

შეიძლება დაინტერესდეთ

იმუნიზაციის ცენტრებში განათლების სისტემის თანამშრომლებისთვის დამატებით ამცრელი კაბინეტები ამოქმედდა

იმუნიზაციის ცენტრებში განათლების სისტემის თანამშრომლებისთვის დამატებით ამცრელი კაბინეტები ამოქმედდა

სასწავლო წლის დაწყებამდე მასწავლებლები და აკადემიური პერსონალი მასობრივი ვაქცინაციის პროცესში აქტიურად ერთვებიან. დღეიდან საქართველოს მასშტაბით მოქმედ იმუნიზაციის ყველა ცენტრში დამატებით ამოქმედდა ამცრელი კაბინეტი, სადაც საჯარო და კერძო სკოლების მასწავლებლები, პროფესიული მასწავლებლები, პროფესორ-მასწავლებლები, მეცნიერები, ადმინისტრაციული პერსონალი და სამინისტროს დაქვემდებარებაში მყოფი სსიპ-ების თანამშრომლები წინასწარი რეგისტრაციის გარეშე შეძლებენ სასურველი ვაქცინით აცრას. მსურველები არჩევანს გააკეთებენ ფაიზერის, სინოფარმისა და სინოვაკის ვაქცინებს შორის.

მასწავლებელთა იმუნიზაციის პროცესს სახელმწიფო სამედიცინო უნივერსიტეტში დღეს განათლებისა და მეცნიერების მინისტრის პირველი მოადგილე ეკატერინე დგებუაძე და ჯანდაცვის მინისტრის მოადგილე თამარ გაბუნია დაესწრნენ.

ეკატერინე დგებუაძე: „მადლობა მინდა გადავუხადო ჯანდაცვის სამინისტროს, რომლის მხარდაჭერით სპეციალურად მასწავლებლებისთვის და განათლების სისტემაში დასაქმებული ნებისმიერი თანამშრომლისთვის იმუნიზაციის ყველა ცენტრში ამოქმედდა ამცრელი კაბინეტები. მათ შესაძლებლობა აქვთ, მოვიდნენ ამ სივრცეებში და რეგისტრაციის გარეშე გაიკეთონ სასურველი ვაქცინა. ეს არის უაღრესად მნიშვნელოვანი პროცესი, რათა მოვემზადოთ ახალი სასწავლო წლისთვის“.

თამარ გაბუნია: „საგანმანათლებლო სისტემის პერსონალის ვაქცინაცია მიმდინარეობს სპეციალურად გამოყოფილ სივრცეებში. განათლებისა და მეცნიერების სამინისტრო დაუკავშირდება საგანმანათლებლო დაწესებულებებს, იმუშავებს მათთან ერთად, რათა ჩვენ გვქონდეს ინფორმაცია ასაცრელი პირების რაოდენობის შეახებ, მზად დავხვდებით იმგვარად, რომ არ დასჭირდეთ წინასწარი რეგისტრაცია და მათთვის მოსახერხებელ დროს ჩაიტარონ ვაქცინაცია სასურველი ვაქცინით“.

განათლების სფეროს წარმომადგენელთა იმუნიზაციის პროცესი ქვეყნის მასშტაბით აქტიურად მიმდინარეობს. ამ დროისათვის ვაქცინირებულია მასწავლებელთა 20%-ზე მეტი. სახელმწიფომ ასევე დაუშვა 16 წელს გადაცილებულ პირთა ვაქცინაციაც, მხოლოდ მშობლის ნებართვით.

შეგახსენებთ, ვაქცინაცია ნებაყოფლობითია და მხოლოდ სახელმწიფოს მიერ დადგენილ ასაკობრივ ჯგუფებზე ვრცელდება. 


წაიკითხეთ სრულად