Baby Bag

მშობლებისა და მოსწავლეების მადლობის წერილი ბათუმის N4 სკოლის მასწავლებელს

მშობლებისა და მოსწავლეების მადლობის წერილი ბათუმის N4 სკოლის მასწავლებელს
ბათუმის N4 სკოლის მშობელთა კომიტეტის თავჯდომარე ზეინაბ ნაკაშიძე მე-4 (დ) კლასის მშობლებისა და  შვილების სახელით მადლობას უხდის კლასის დამრიგებელს, ქართული ენისა და ლიტერატურის მასწავლებელს, გულო ბასილაძეს დისტანციური სწავლა-სწავლების პროცესში აქტიური და განსაკუთრებული ჩართულობისათვის. მადლობის წერილი ​Momsedu.ge-ს თავად ზეინაბ ნაკაშიძემ მიაწოდა:

,,ქალაქ ბათუმის მე-4 საჯარო სკოლის მე-4 (დ) კლასის მშობლები, ჩვენს შვილებთან ერთად უღრმეს და გულითად მადლობას ვუხდით ჩვენი კლასის დამრიგებელს, ქართული ენისა და ლიტერატურის მასწავლებელს გულო ბასილაძეს, დისტანციური სწავლა-სწავლების პროცესში აქტიური და განსაკუთრებული ჩართულობისათვის. არსებული მდგომარეობის მიუხედავად ქალბატონი გულო იმ დღიდანვე, როგორც კი გამოცხადდა ონლაინსწავლება, დაგვიკავშირდა თითოეულ მშობელს და გვაცნობა, რომ ყველა მოსწავლე დაარეგისტრირა და მზა კოდები მოგვაწოდა. ასევე ყველა გაკვეთილს ესწრება, რათა დააფიქსიროს მოსწავლეთა ჩართულობა სხვა საგნებშიც. ჩვენი კლასის თითქმის ყველა მოსწავლე აქტიურადაა ჩართული ონლაინსწავლებაში და შედეგიც კარგი გვაქვს, რადან ბავშვებისთვის ეს ყველაფერი მოსაწყენი არაა. ამას განაპირობებს ის, რომ გულო მასწავლებელი მოსწავლეებს აწვდის მის მიერვე შექმნილ ონლაინრესურსებს და სხვადასხვა სახლისო დავალებებს, რითაც უფრო მეტად დააინტერესა ჩვენი შვილები. ასევე შექმნა ,,კითხვის საათი“, რათა შაბათი-კვირაც მაქსიმალურად საგანმანათლებლო ყოფილიყო. მოსწავლეებმაც არ დააყოვნეს, მასწავლებლის შრომა დააფასეს. მხატვრულად ამზადებენ სხვადასხვა მწერლების მოთხრობებს და ტვირთავენ ვიდეოებს, რომლებსაც უამრავი მნახველი ჰყავს. ასევე, მოსწავლეების დიდმა სურვილმა და მოწოდებამ, რომ ისინი შემოქმედებითები არიან, განაპირობა ისიც ,რომ დაიწყეს გამოწვევა,,ლექსის მხატვრულად კითხვაში“, რომელშიც ყველა მოსწავლეა ჩართული. აქტიურად ვატარებთ ონლაინ კლასსაათსაც. ჩვენი შვილები ხალისით უყურებენ ტელესკოლის გაკვეთილებს ყველა საგანში და ამზადებენ დავალებებს, რომელსაც შემდეგ მასწავლებელი უმოწმებს მათ. ამ კუთხით მშობლებიც დავინტერესდით და შვილებთან ერთად ვაქტიურობთ. გულო მასწავლებელს არასდროს ავიწყდება მისი მოსწავლეების წახალისება და მოსწავლეები დისტანციურად დააჯილდოვა სერთიფიკატებით, რამაც ჩვენს შვილებს უფრო მეტი მოტივაცია გაუღვივა სწავლისადმი.ესაა უდიდესი შრომა ჩვენი მასწავლებლისა, რომელიც დასაფასებელია ყველასგან. გარდა ამისა, უღრმეს მადლობას ვუხდით მათემატიკის მასწავლებელს ქალბატონ მაგული ქურიძეს, რომლიც დაუღალავად შრომობს რათა ჩვენს შვილებს გადაალახინოს ყველა დაბრკოლება, რაც შეიძლება ახლდეს დისტანციურ სწავლებას და ყველა საგნის მასწავლებელს, რომლებიც ასევე აქტიურად არიან ჩართული დისტანციურ სწავლებაში და თითოეული მოსწავლის შრომას აფასებენ. ქალაქ ბათუმის N4 საჯარო სკოლის მე-4(დ)კლასის მშობლები და მოსწავლეები,'' - აღნიშნულია მადლობის წერილში.

შეიძლება დაინტერესდეთ

რა შემთხვევაში მოიხსნება აპლიკანტი გამოცდიდან გაფრთხილების გარეშე? - იხილეთ გამოცდაზე მოქცევის წესები

რა შემთხვევაში მოიხსნება აპლიკანტი გამოცდიდან გაფრთხილების გარეშე? - იხილეთ გამოცდაზე მოქცევის წესები
შეფასებისა და გამოცდების ეროვნული ცენტრი გამოცდაზე მოქცევის წესებს აქვეყნებს, რომელსაც ​MomsEdu.ge უცვლელად გთავაზობთ.

გამოცდაზე მოქცევის წესები ყველა გამოსაცდელის უფლებებისა და ინტერესების დაცვას ემსახურება. ამ წესებით უზრუნველყოფილია სექტორში სამუშაო პირობების შექმნა და პროცესის სამართლიანად და ობიექტურად წარმართვა - აღნიშნულია ნაეკის ინფორმაციაში.

გამოცდების მონაწილეებმა თან უნდა იქონიონ:

პირადობის/ბინადრობის დამადასტურებელი დოკუმენტი ან პასპორტი და საგამოცდო ბარათი, სურვილის შემთხვევაში კი დამატებითი სამედიცინო პირბადე; წყალი პლასტმასის ბოთლით; საწერი კალამი - გელიანი (ე. წ. ტუშის), შავი ფერის, 0,5-0,7 მმ. ბურთულიანი წვერით.

  • ტესტზე მუშაობის დაწყება შეიძლება მხოლოდ მას შემდეგ, რაც მეთვალყურე ან კურატორი მოგცემთ მითითებას და დაიწყება საგამოცდო დროის ათვლა;
  • პასუხების ფურცელს დაკვირვებით გადახედეთ კურატორთან ან მეთვალყურესთან ერთად, რათა დარწმუნდეთ, რომ ის დაუზიანებელია, რის შემდეგაც სექტორის უწყისში მოაწერთ ხელს დაუზიანებელი პასუხების ფურცლის მიღების თაობაზე (ხარვეზიანი პასუხების ფურცელი შეიცვლება);
  • პასუხების ფურცელზე დაკრული შტრიხკოდის ნომერი თავად გადაიტანეთ სექტორის უწყისის შესაბამის გრაფაში;
  • თუ დროზე ადრე დაასრულებთ ტესტზე მუშაობას და პასუხების ფურცლის შევსებას, ხელის აწევით ანიშნეთ მეთვალყურეს ან კურატორს, რომლებსაც დადგენილი წესით ჩააბარებთ შავი სამუშაოსათვის განკუთვნილ ფურცელსა და პასუხების ფურცელს, რასაც დაადასტურებთ უწყისში ხელმოწერით და მხოლოდ ამის შემდეგ დატოვებთ საგამოცდო სექტორს;
  • გაითვალისწინეთ, რომ მაგიდაზე არ უნდა დააწყოთ არც ერთი ნივთი, გარდა იმ ნივთებისა, რომლებიც გამოცდის დაწყებამდე დაგირიგდათ. წყალი პლასტმასის ბოთლით შეგიძლიათ დადგათ იატაკზე;
  • დრო არავის დაემატება (გარდა იმ პირებისა, რომლებსაც სამედიცინო ცნობით დადასტურებული ფუნქციონალური დარღვევები აქვთ);
  • ტესტირების დროს ვალდებული ხართ, დაიცვათ ახალი კორონავირუსის გავრცელების პრევენციასთან დაკავშირებული წესები: ატაროთ პირბადე, შეინარჩუნოთ სოციალური დისტანცია, მითითების შემთხვევაში - დაიმუშაოთ ხელები სადეზინფექციო ხსნარით.
გამოსაცდელი გაფრთხილებას მიიღებს შემდეგ შემთხვევებში:
  • კურატორის ან მეთვალყურისათვის ტესტის შინაარსთან დაკავშირებული კითხვების დასმა;
  • საგამოცდო პროცესის დროს საუბარი, ერთმანეთთან გადალაპარაკება ან რაიმე ფორმით ერთმანეთის დახმარების მცდელობა;
  • მეთვალყურის ან კურატორის მითითებამდე ტესტზე მუშაობის დაწყება;
  • საგამოცდო დროის ამოწურვის შემდეგ ტესტზე მუშაობის გაგრძელება;
  • სამუშაო ადგილის უნებართვოდ დატოვება;
  • პასუხების ფურცლის შესავსებად ცენტრის ან ცენტრის მიერ ნებადართული კალმის გარდა სხვა კალმის გამოყენება;
  • პასუხების ფურცელზე მაიდენტიფიცირებელი ნიშნის (სახელი, ნომერი, მისამართი და სხვ.) ან რაიმე სახის ისეთი გრაფიკული გამოსახულების (ფიგურა, წარწერა და ა.შ.) დატანა, რომელიც დაკავშირებული არ არის ტესტურ დავალებასთან.
ერთი გაფრთხილების შემდეგ იმავე ან ნებისმიერი სხვა დარღვევის განმეორების შემთხვევაში გამოსაცდელი მოიხსნება გამოცდიდან.

გამოცდიდან გაფრთხილების გარეშე მოიხსნება პირი:
  • ლექსიკონის, მობილური ტელეფონის, კალკულატორის ან სხვა ელექტრონული ხელსაწყოს (მათ შორის საათის) გამოცდაზე შეტანისა და მათი თუნდაც გამორთულ მდგომარეობაში აღმოჩენის შემთხვევაში;
  • დამხმარე მასალის გამოყენების ან აღმოჩენის შემთხვევაში;
  • წესრიგის უხეში დარღვევის, აგრეთვე, საგამოცდო პროცესში მონაწილე პირის შეურაცხყოფის ან ამის მსგავს შემთხვევაში;
  • ალკოჰოლის, ნარკოტიკული ან ფსიქოტროპული ნივთიერებების ზემოქმედების ქვეშ ყოფნის შემთხვევაში.
ახალი კორონავირუსის გავრცელების პრევენციასთან დაკავშირებული წესების დარღვევის შემთხვევაში მოგეცემათ შენიშვნა და მიგეთითებათ წესების დაცვის აუცილებლობაზე. აღნიშნული მითითების შეუსრულებლობის შემთხვევაში მოიხსნებით გამოცდიდან

  • გამოსაცდელი უნდა დაემორჩილოს გამოცდის კურატორის, მეთვალყურის ან სხვა პასუხისმგებელი პირის გადაწყვეტილებას, მათ შორის, გამოცდიდან მოხსნის შესახებ.
  • დადგენილი პროცედურის დარღვევის შემთხვევაში, უფლება გაქვთ იმავე დღის 21:00 საათამდე წარმოადგინოთ საპრეტენზიო განაცხადი საგამოცდო ცენტრის შენობაში.
წაიკითხეთ სრულად