Baby Bag

პრაქტიკოსი მასწავლებლების გამოცდები შემოდგომაზე ჩატარდება, მაძიებელი მასწავლებლების და სისტემაში შესვლის მსურველების კი - ზაფხულში​

პრაქტიკოსი მასწავლებლების გამოცდები შემოდგომაზე ჩატარდება, მაძიებელი მასწავლებლების და სისტემაში შესვლის მსურველების კი - ზაფხულში​

განათლების სამინისტროს ინფორმაციით, იმ პრაქტიკოს მასწავლებლებს, რომლებიც 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე, გამოცდა გადაუვადდათ და საშუალება მიეცათ 2020 წლის შემოდგომაზე ჩააბარონ შესაბამისი საგანი ან/და პროფესიული უნარები. 

რაც შეეხება მასწავლებლის სტატუსის მოპოვების მსურველებს, სამინისტრომ შესაძლებლობა მისცა 2020 წლის 30 აპრილის ჩათვლით დარეგისტრირებულ მაძიებელ მასწავლებლებსა და სისტემაში შემოსვლის მსურველებს ჩააბარონ გამოცდა 2020 წლის ზაფხულში, რომელიც 22 ივლისიდან - 30 ივლისის ჩათვლით ჩატარდება.

საგამოცდო ცენტრები შემდეგ ქალაქებში გაიხსნება: ბათუმი, ფოთი, ზუგდიდი, ოზურგეთი, ქუთაისი, ახალციხე, გორი, თბილისი, რუსთავი, თელავი. ყველა საგამოცდო ცენტრში იქნება გახსნილი სამედიცინო პუნქტი, რომელიც აღჭურვილია პირველადი დახმარებისათვის საჭირო მედიკამენტებით.  

განათლების სამინისტროს ინფორმაციით, 2020 წელს საგამოცდო პროცესში 12 000-მდე მასწავლებლობის მსურველი ჩაერთვება.

სქემაში შესულ სხვა ცვლილებებს გაეცანით ამ ბმულზე მასწავლებელ​თა პროფესიული განვითარებისა და კარიერული წინსვლის სქემაში ცვლილებები შევიდა

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწა​ვლებლების სანდო წყარო“.

შეიძლება დაინტერესდეთ

გამოცდის წერის ხრიკების ტრენინგზე რეგისტაცია 25 ივნისს 23:00 საათზე სრულდება

გამოცდის წერის ხრიკების ტრენინგზე რეგისტაცია 25 ივნისს 23:00 საათზე სრულდება

პედაგოგთა პროფესიული ზრდის ცენტრი მასწავლებლებს საკონსულტაციო ტრენინგებს სთავაზობს. 

როგორც ცენტრში აღნიშნავენ, საკონსულტაციო ტრენინგის ფარგლებში ტრენერი განიხილავს იმ ,,ხრიკებს", რომლებიც მასწავებლებს გამოცდის წარმატებით დაწერაში დაეხმარებათ:

,,გამოცდაში შესული სავარჯიშოების უმრავლესობა ამ ,,ხრიკების" მეშვეობით მარტივად იხსნება, ეს მეთოდები არ საჭიროებენ საგნის მაღალ დონეზე ცოდნას,'' - დასძინა ტრენერმა სოფო ბიბილაშვილმა. 

საკონსულტაციო ტრენინგების ხანგრძლივობაა 3 დღე - თითო სემინარი 2,5 საათი.

სემინარები ჩატარდება ონლაინ რეჟიმში.

ტრენინგზე რეგისტრაცია სრულდება 25 ივნისს 23:00 საათზე.

სესიები დაიწყება 28 ივნისს.

კონსულტაციის მსველელობისას პედაგოგთა პროფესიული ზრდის ცენტრი მოგაწოდებთ სრულ სამეცადინო მასალას.

ტრენინგი განკუთვნილია დაწყებითი კომბინირებული (I-IV) საფეხურისთვის, ასევე I-VI კლასის ქართულის მათემატიკისა და ბუნებისმეტყველების პედაგოგებისთვის, 

სრული კურსის ღირებულებაა 100 ლარი. 

რეგისტრაცია გაიარეთ ბმულზე - https://docs.google.com/forms/d/e/1FAIpQLSda3mW-Ss...


R.

წაიკითხეთ სრულად