Baby Bag

„მასწავლებელთა გამოცდას ცენტრი გეგმავს ნოემბერში...მოსამზადებელი სამუშაოები უკვე დაწყებულია“ - Naec პედაგოგთა პროფკავშირის განცხადებაზე

„მასწავლებელთა გამოცდას ცენტრი გეგმავს ნოემბერში...მოსამზადებელი სამუშაოები უკვე დაწყებულია“ - Naec პედაგოგთა პროფკავშირის განცხადებაზე

„მასწავლებელთა გამოცდას ცენტრი გეგმავს ნოემბერში, მოსამზადებელი სამუშაოები უკვე დაწყებულია,“ - ასე გამოეხმაურა შეფასებისა და გამოცდების ეროვნული ცენტრი ​საქართველოს პედაგოგთა და მეცნიერთა თავისუფალი პროფკავშირის პრეზიდენტის, მაია კობახიძის განცხადებას, რომ მასწავლებელთა გამოცდები შემოდგომაზე არ ჩატარდება და იგეგმება მისი გადატანა 2021 წლისთვის.

როგორც Naec-ის მიერ ​Momsedu.ge-სთვის მიწოდებულ განცხადებაშია აღნიშნული, ასეთი დაუსაბუთებული ბრალდების მოსმენა მოულოდნელია იმ ადამიანისგან, ვინც თავად უნდა იყოს მასწავლებლებისათვის ობიექტური და გადამოწმებული ინფორმაციის წყარო. 

გთავაზობთ შეფასებისა და გამოცდების ეროვნული ცენტრის განცხადებას:

„​საქართველოს პედაგოგთა და მეცნიერთა თავისუფალი პროფკავშირის პრეზიდენტი აცხადებს, თითქოს შეფასებისა და გამოცდების ეროვნული ცენტრის დირექტორმა ზაფხულში დაგეგმილი გამოცდების გადატანა მოითხოვა, რადგან ვერ ასწრებდა პრაქტიკოსი პედაგოგებისათვის გამოცდების ჩატარებას. ეს არ არის მართალი. ასეთი დაუსაბუთებული ბრალდების მოსმენა მოულოდნელია იმ ადამიანისგან, ვინც თავად უნდა იყოს მასწავლებლებისათვის ობიექტური და გადამოწმებული ინფორმაციის წყარო. შეფასებისა და გამოცდების ეროვნული ცენტრი ზაფხულში, რა თქმა უნდა, მზად იყო მასწავლებელთა გამოცდების ჩასატარებლად, როგორც მასწავლებლობის მსურველებისათვის, ასევე პრაქტიკოსი პედაგოგებისათვის. გადაწყვეტილება გამოცდის გადატანის შესახებ მიღებული იქნა მთავრობის დადგენილებით და მიზეზების შესახებ სამინისტრომ და მასწავლებლის პროფესიული განვითარების ცენტრმა არაერთხელ გააკეთეს კომენტარი. მაშინ პროფკავშირის პრეზიდენტს თავისი მკაფიო პოზიცია არ გამოუხატავს. ამ გამოცდას ცენტრი გეგმავს ნოემბერში, თუმცა, ცხადია, აუცილებლად იქნება გათვალისწინებული იმ დროისათვის არსებული ეპიდემიოლოგიური სიტუაცია, რადგანაც ნებისმიერი კეთილსინდისიერი ორგანიზაციისათვის, უპირველესი ადამიანების ჯანმრთელობა და უსაფრთხოებაა. შეფასებისა და გამოცდების ეროვნულმა ცენტრმა ზაფხულში ურთულეს პირობებში უსაფრთხოდ და მაღალ პროფესიულ დონეზე შეძლო გამოცდების ჩატარება 80 000 - მდე პირისთვის. ცენტრი ამჯერადაც მზად არის გამოცდის ჩასატარებლად და მოსამზადებელი სამუშაოები უკვე დაწყებულია,“ - აღნიშნულია შეფასებისა და გამოცდების ეროვნული ცენტრის განცხადებაში.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყა​რო“

„ცნობილი გახდა, რომ გამოცდები არ ჩატარდება შემოდგომაზე და იგეგმება მისი გადატანა 2021 წლის...
საქართველოს პედაგოგთა და მეცნიერთა თავისუფალი პროფკავშირის პრეზიდენტი, მაია კობახიძე მასწავლებელთა გამოცდებთან დაკავშირებით განცხადებას ავრცელებს. როგორც განცხადებაშია აღნიშნული, კულუარული ი...

შეიძლება დაინტერესდეთ

როდიდან იქნება შესაძლებელი საგამოცდო ბარათების ამობეჭდვა - მასწავლებელთა გამოცდები 2019

როდიდან იქნება შესაძლებელი საგამოცდო ბარათების ამობეჭდვა - მასწავლებელთა გამოცდები 2019

შემოდგომაზე ორგანიზებული მასწავლებელთა კომპეტენციის დადასტურებისთვის საგამოცდო ბარათების ამობეჭდვა მომავალი კვირის ბოლოდან იქნება შესაძლებელი, - ინფორმაციას შეფასებისა და გამოცდები ეროვნული ცენტრი ავრცელებს.

ცენტრის ცნობით, ბარათზე მითითებული იქნება მონაწილის პირადი ინფორმაცია, საგამოცდო ცენტრის მისამართი, გამოცდის დღე და საგამოცდო ცენტრში გამოცხადების დრო.

შეგახსენებთ, რომ მასწავლებლეთა გამოცდები 2 ნოემბერს დაიწყება და 8 ნოემბერს დასრულდება.

იხილეთ ასევე:

​შემოდგომაზე ორგანიზებული გამოცდის მაქსიმალური და მინიმალური გამსვლელი ქულები

​საგნობრივი და პროფესიული კომპეტენციების დასადასტურებელი ტესტის მაქსიმალური ქულის პროცენტული დაანგარიშება შეიცვალა

​კრიტერიუმები, რომლითაც შეფასდება შემოდგომის გამოცდაზე გამოყენებული ტესტები

​შემოდგომაზე ორგანიზებული საგნის/პროფესიული უნარების ტესტის მაქსიმალური ქულები და საგამოცდო დროის ხანგრძლივობა

წაიკითხეთ სრულად