„პრაქტიკოს, სპეცმასწავლებლებს და მაძიებლის პროგრამაში ჩართულ ყველა მასწავლებელს შეუნარჩუნდეს კრედიტქულები“ - ​პედაგოგთა საკოორდინაციო ცენტრის წინადადება პარლამენტს

სექტემბრიდან როგორც პედაგოგთა, ასევე სკოლის ადმინისტრაციის ხელფასები გაიზრდება და ეს ზრდა, ყოველწლიურად გაგრძელდება, - ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა ტყიბულისა და თერჯოლის დამსახურებულ პედაგოგებთან და სკოლის წარჩინებულ მოსწავლეებთან შეხვდრისას განაცხადა.

მინისტრმა სახელმწიფოს მიერ საპენსიო ასაკის პედაგოგებისთვის შეთავაზებული ჯილდოს შესახებ ისაუბრა. მიხეილ ბატიაშვილმა მადლობა გადაუხადა საპენსიო ასაკის ყველა იმ პედაგოგს, რომლებმაც წლების განმავლობაში პროფესიონალიზმითა და დაუღალავი შრომით არაერთი წარმატებული თაობა გაზარდეს - დღეს კი სახელმწიფოს მიერ შეთავაზებული ჯილდოს მიღებით ღირსეულად ასრულებენ მრავალწლიან პედაგოგიურ საქმიანობას.

„განათლება მთავრობის ერთ-ერთი მთავარი პრიორიტეტია და ეს დადასტურებულია იმით, რომ ბიუჯეტის 25% განათლების სისტემის რეფორმირებაში დაიხარჯება. რესურსი მოხმარდება როგორც ინფრასტრუქტურის გაუმჯობესებასა და სკოლების მშენებლობას, ასევე პედაგოგებისთვის ხელფასების გაზრდასა და თანამდეროვე სასწავლო გარემოს შექმნას. ამ პროცესში პედაგოგის როლი უმთავრესია. სწორედ ამიტომ, სექტემბრიდან როგორც პედაგოგთა, ასევე სკოლის ადმინისტრაციის ხელფასები გაიზრდება და ეს ზრდა, ყოველწლიურად გაგრძელდება“, - განაცხადა მიხეილ ბატიაშვილმა.