2018-2019 წლის ათასწლეულის ინოვაციის კონკურსი გამოცხადდა. კონკურსში მონაწილეობის მიღება შეუძლია ყველა მოსწავლეს, ვინც 2000 წლის 2 აპრილიდან - 2006 წლის 1 აპრილის ჩათვლით არის დაბადებული.
გამარჯვებული გუნდი 2019 წლის გაზაფხულ-ზაფხულის პერიოდში NASA-ში გაემგზავრება.
თუ გაინტერესებთ ინოვაციები და ახალი ტექნოლოგიები გაეცანით დეტალურად კონკურსის პირობებს.
საგანმანათლებლო დაწესებულების მანდატურის სამსახურის ინფორმაციით, მიმდინარე წელს, პირველი იანვრიდან 11 ნოემბრამდე პერიოდში, ქვეყნის მასშტაბით მოქმედ საჯარო სკოლებში 1365 აკრძალული ნივთი იქნა ამოღებული.
მათივე ცნობით, აღნიშნულ ნივთებს შორის ერთი ცეცხლსასროლი იარაღი და სამი ელექტროშოკია. ამოღებულ იქნა ნარკოტიკის მოხმარებისთვის საჭირო 13 ნივთი. ყველაზე მეტი, 891 ნივთი, რომელიც აღნიშნულ პერიოდში იქნა ამოღებული, თამბაქოს ნაწარმი, სანთებელა და ასანთია. შემდეგ მოდის ბანქო ან სხვა აზარტული საშუალება – 207 ერთეული. მოსწავლეებს შორის პოპულარული, აკრძალული ნივთების სამეულში შედის ცივი იარაღი (დანა) – 77 ერთეული. აღნიშნულ პერიოდში ასევე ამოიღეს ელექტროსიგარეტი – 60 ერთეული. სკოლებიდან ამოღებული, დანარჩენი ნივთების ჩამონათვალი ასეთია: ბლაგვი საგანი – ექვსი, ასაფეთქებელი ან მომწამვლელი ნივთიერება – ოთხი, საახალწლო ასაფეთქებელი (პიტარდა) – 10, პნევმატური, სასიგნალო (სტარტოვკა) ან აირის საშუალება – ხუთი, ბასრი იარაღი 14, კასტეტი – 48, ალკოჰოლის ნაწარმი 26.
წყარო: 1tv.ge
წაიკითხეთ სრულად
