Baby Bag

როგორ ავირიდოთ თავიდან სტრიები და რომელი საშუალებაა ყველაზე ეფექტური?

როგორ ავირიდოთ თავიდან სტრიები და რომელი საშუალებაა ყველაზე ეფექტური?

სტრიები საკმაოდ გავრცელებული პრობლემაა, განსაკუთრებით ორსულებში. რა საშუალებები არსებობს მათი პრევენციისთვის და რით ვუშველოთ უკვე გაჩენილ სტრიებს? - ამ საკითხებზე MomsEdu.ge-ს ესაუბრა დერმატო-ვენეროლოგი ზაზა თელია.

- ბატონო ზაზა, როგორ ავირიდოთ თავიდან სტრიები, განსაკუთრებით ორსულებმა?

- რეალურად, ძალზე ეფექტური საშუალება არ არსებობს. გენეტიკური წინასწარგანწყობა თამაშობს დიდ როლს, თუმცა ერთადერთი, რაც შეიძლება გააკეთოს ადამიანმა არის, უფრო ხშირად და ინტენსიურად დაატენიანოს კანი. დატენიანების შემთხვევაში იზრდება მისი ელასტიურობა, შესაბამისად, შესაძლებელია ამით თავიდან ავირიდოთ. სხვა საშუალებები, როგორიც არის აფთიაქში შერჩეული პროდუქცია, სამწუხაროდ, მათზე სამეცნიერო მტკიცებულება არ არსებობს, რომ ახდენს პრევენციას. შესაბამისად, ერთადერთი რჩევა, რაც შეიძლება გათვალისწინებულ იქნას, არის ინტენსიური დატენიანება.

- რა ბუნებრივი საშუალებები შეიძლება გამოიყენოს ორსულმა პრევენციისთვის?

- როგორც უკვე ვთქვი, დამატენიანებლები, თუ ბუნებრივ საშუალებებში ეს იგულისხმება. მათგან ერთ-ერთი ყველაზე ეფექტურია თეთრი ვაზელინი, რომელიც იცავს კანს, როგორც დაზიანებისგან, ასევე მას ელასტიურობას ანიჭებს. ამით შესაძლებელია სტრიების განვითარების პრევენცია.

- სტრიების გაჩენის შემდეგ, რით შეიძლება მოვუაროთ?

- სამწუხაროდ, სტრიების არსებობის შემთხვევაში დღეისათვის მედიცინას არ გააჩნია საშუალება, რითაც შეიძლება გავაქროთ, ამიტომ უკვე გაჩენილ სტრიებს, რეალურად, ვერც ვერაფერს ვუშველით.

- რომელი ტიპის კანია უფრო მიდრეკილი სტრიების გაჩენისკენ?

- კანი, რომელსაც ნაკლები ელასტიურობა აქვს და რომელიც უფრო სიმშრალისკენ არის მიდრეკილი, მას უფრო მეტი რისკი აქვს იმისა, რომ სტრიები გაჩნდეს. ასევე, როგორც უკვე აღვნიშნე, გენეტიკური წინასწარგანწყობა თამაშობს დიდ როლს. სხვა მოდიფიცირებადი რისკ-ფაქტორები, რა თქმა უნდა, არის ისეთი, როგორიც არის წონის მომატება. ამ დროს უფრო მეტი ალბათობა და რისკია, რომ სტრიები გაჩნდეს.

ესაუბრა მარიამ ჩოქური

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედებ​ის ჯგუფი“)

შეიძლება დაინტერესდეთ

რა არის ექსპრესიული მეტყველების დარღვევა და როგორ ამოვიცნოთ ის ბავშვებში?

რა არის ექსპრესიული მეტყველების დარღვევა და როგორ ამოვიცნოთ ის ბავშვებში?

რა არის ექსპრესიული მეტყველების დარღვევა და როგორ ამოვიცნოთ ის ბავშვებში? - ამ საკითხებზე MomsEdu.ge-ს ესაუბრა ლოგოპედი ეკატერინე კვიტაიშვილი.

- ზოგადად, რა არის ექსპრესიული მეტყველება?

- მეტყველების ექსპრესიულობა არის უნარი ნათლად, დამაჯერებლად და ამავე დროს, რაც შეიძლება მოკლედ, გამოხატოს საკუთარი აზრები და გრძნობები, ინტონაციის დაუფლების უნარი, სიტყვების არჩევა, წინადადებების აგება, ფაქტების შერჩევა, მაგალითები.

- როგორ ამოვიცნოთ რომ ბავშვს ექსპრესიული მეტყველების დარღვევა აქვს? (რა ახასიათებს?)

- ექსპრესიული მეტყველების დარღვევა არის მეტყველების განვითარების სპეციფიკური დარღვევის ერთ-ერთი ფორმა, რომლის დროსაც ბავშვის სასაუბრო მეტყველების გამოყენების უნარი მინიმალურ დონეზე დაბალია, რაც გამოიხატება მეტყველების ზოგადი განუვითარებლობით, არსებობს ლექსიკის სიღარიბე, სიტყვიერი განზოგადების დაბალი დონე, მეტყველების დეტალური განცხადების სირთულეები, აგრამატიზმები (სიტყვიერი დაბოლოებების გამოყენებაში შეცდომები, სიტყვების ფორმირების დარღვევა), წინადადებების, ზმნების გამოყენების სირთულეები. დამახასიათებელია არავერბალური მინიშნებების, ჟესტების ადეკვატური გამოყენება, კომუნიკაციის სურვილი.

მიუხედავად იმისა, რომ ნორმალური მეტყველების განვითარება ძალზე ინდივიდუალურია, ორი წლის ასაკში ცალკეული სიტყვების, მასთან დაკავშირებული მეტყველების წარმონაქმნების, ან სამი წლისთვის 2-3 სიტყვისგან შემდგარი მარტივი ფრაზების არარსებობა უნდა ჩაითვალოს დაყოვნების ნიშნად.

ექსპრესიული მეტყველების დარღვევის მიმანიშნებელი შეიძლება იყოს შემდეგი ნიშნები:

ბავშვს 2 წლამდე არ აქვს მეტყველება სიტყვების სახით და 3 წლისთვის მარტივი ფრაზები, მცირე ლექსიკით შემოიფარგლება, სირთულეები სინონიმების არჩევისას, თხრობა, წინადადების არასწორი სტრუქტურა, მეტყველებაში შეცდომები, სიტყვების შემოკლებული გამოთქმები, წინადადებების, ნაცვალსახელების არასწორი გამოყენება, არსებითი სახელების უარყოფის შეუძლებლობა.

- როგორ ხდება ექსპრესიული მეტყველების განვითარება და რა უნარებია ამისთვის საჭირო?

- განსაზღვრეთ რა ტემპით უნდა წაიკითხოთ ლექსი (საშუალო, სწრაფი, ნელი). ასევე, მონაცვლეობით თქვით წინადადება თხრობითი ინტონაციით, თქვით სიხარულით, სიამოვნებით, გაკვირვებით, ეჭვით. მონაცვლეობით მეტყველება ძალიან მნიშვნელოვანია ბავშვისა და დედის ცხოვრებაში, ის საშუალებას აძლევს ადამიანებს გამოხატონ თავიანთი სურვილები და საჭიროებები, აზრები და იდეები, დაიცვან თავიანთი თვალსაზრისი, განავითარონ ენის გამოყენება წერილობით და წარმატებულად იურთიერთონ სხვებთან. ბავშვებისა და მშობლების შემთხვევაში კი – ერთმანეთის გაგება და სტრესული სიტუაციების თავიდან აცილება. როდესაც ენა კარგად არის განვითარებული (ბავშვს აქვს საკმაოდ ფართო ლექსიკა, კომპეტენტურად გამოხატავს თავის აზრებს, იცის როგორ აღწეროს შეგრძნებები, მოქმედებები, მოვლენები, მკაფიოდ პასუხობს კითხვებს), ეს მნიშვნელოვნად უწყობს ხელს მის ცხოვრებას და უხსნის დიდ შესაძლებლობებს სხვადასხვა წრეში კომუნიკაციისთვის. 

მარიამ ჩოქური

წაიკითხეთ სრულად