Baby Bag

მეცნიერების ახალი აღმოჩენა: სოკოს ორსულების სიკვდილიანობის ერთ-ერთი მთავარი მიზეზის - პრეეკლამფსიის სიმპტომების შემსუბუქება შეუძლია

მეცნიერების ახალი აღმოჩენა: სოკოს ორსულების სიკვდილიანობის ერთ-ერთი მთავარი მიზეზის - პრეეკლამფსიის სიმპტომების შემსუბუქება შეუძლია
ორსულობა
უახლესი კვლევით დგინდება, რომ სოკოში შემავალ ერთ-ერთ ნივთიერებას პრეეკლამფსიის გარკვეული სიმპტომების შემსუბუქება შეუძლია. პრეეკლამფსია საკმაოდ რთული პათოლოგიაა, რომელიც ორსულობის პერიოდში იჩენს თავს. მას მძიმე მიმდინარეობა ახასიათებს. პრეეკლამფსია დედების სიკვდილიანობის ერთ-ერთ მთავარ გამომწვევ მიზეზად გვევლინება. ის სერიოზულ საფრთხეს უქმნის ნაყოფის ჯანმრთელობასაც. პრეეკლამფსიის მკურნალობის სტანდარტული მეთოდი არ არსებობს. მისი სიმპტომებისგან გათავისუფლება მხოლოდ მშობიარობის გზით არის შესაძლებელი. თუ პრეეკლამფსია ორსულობის ადრეულ ეტაპზე ვლინდება, ნაადრევი მშობიარობის რისკი მნიშვნელოვნად იზრდება.
​
ლივერპულის უნივერსიტეტის მკვლევარებმა აღმოაჩინეს, რომ სოკოს შემადგენლობაში შემავალი ძლიერი ანტიოქსიდანტი L-ergothioneine პრეეკლამფსიის გარკვეულ სიმპტომებს მნიშვნელოვნად ამსუბუქებს. კვლევის ერთ-ერთი ორგანიზატორის, პროფესორ ლუის კენის განცხადებით, მსოფლიო მასშტაბით დედათა და შვილთა სიკვდილიოანობის უპირველესი გამომწვევი მიზეზი სწორედ პრეეკლამფსიაა, მისგან განკურნების გზები კი არ არსებობს. ლუის კენის თქმით, L-ergothioneine-ის თერაპიული მნიშვნელობის სიღრმისეულად შესწავლა პრეეკლამფსიის წინააღმდეგ ბრძოლის ახალი მეთოდების შემუშავებისთვის ძალიან მნიშვნელოვანია.
​
მკვლევარები ვარაუდობენ, რომ პრეეკლამფსიის გამომწვევი მიზეზი პლაცენტიდან გამოყოფილი გარკვეული მავნე ნივთიერებების მოქმედებაა, რომლებიც დედის ორგანიზმში ნორმალური ბიოლოგიური პროცესების მიმდინარეობას აფერხებენ. მიტოქონდრიალური ფუნქციების შეფერხება კი ოქსიდაციური სტრესის გამომწვევი მიზეზი ხდება. L-ergothioneine ძლიერი მიტოქონდრიალური ანტიოქსიდანტია, რომელიც ძალიან ბევრ საკვებ პროდუქტში გვხვდება, თუმცა ადამიანისთვის ამ მხრივ ყველაზე ხელმისაწვდომი რესურსი სოკოა.
​
„ჩვენ გვსურდა შეგვემოწმებინა L-ergothioneine-ის გავლენა პრეეკლამფსიის გარკვეულ სიმპტომებზე. კვლევები ორსულ ვირთხებზე ჩავატარეთ. როგორც აღმოჩნდა, აღნიშნულ ანტიოქსიდანტს არტერიული წნევის დარეგულირების, ემბრიონის განვითარების ხელშეწყობისა და პლაცენტიდან გამოყოფილი მავნე ნივთიერებების მოცულობის შემცირება ნამდვილად შეუძლია. გარდა ამისა, L-ergothioneine-ს ოქსიდაციური სტრესის შემსუბუქების უნარიც შესწევს,“ - ნათქვამია კვლევის ორგანიზატორთა განცხადებაში.
​
ლივერპულის უნივერსიტეტის პროფესორის დუგლას კელის განცახდებით, სოკოში აღმოჩენილი ანტიოქსიდანტი ორგანიზმისთვის საოცრად სასარგებლოა. ძუძუმწოვრები კი მის ათვისებას სრულად ახერხებენ. მკვლევარები თვლიან, რომ კვლევის შედეგები ძალიან საიმედოა. ვირთხებზე ჩატარებული კვლევების შემდეგ L-ergothioneine-ის ეფექტურობა თვალსაჩინო გახდა. მკვლევარები იმედოვნებენ, რომ კვლევის შედეგები პრეეკლამფსიის მკურნალობის სტრატეგიების შემუშავებას მნიშვნელოვნად შეუწყობს ხელს.
​

L-ergothioneine ბუნებრივი და უსაფრთხო ანტიოქსიდანტია, რომელიც მაღალი თერაპიული პოტენციალით გამოირჩევა, თუმცა საბოლოო აღიარებამდე მას არაერთი სამედიცინო გამოცდის ჩაბარება მოუწევს.​
​
​მომზადებულია https://medicalxpress.com/news/2020-02-mushrooms-alleviate-features-pre-eclampsia.html?-ის მიხედვით

​თარგმნა ია ნაროუშვილმა

არ დაგავიწყდეთ !!!

Moms.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ჯანმრთელობა #ორსულობა

შეიძლება დაინტერესდეთ

ჯანმრთელობა

ჭამის დროს წყლის დალევამ შეიძლება, ხელი შეუწყოს საჭმლის მონელებას, განსაკუთრებით ღეჭვის და ყლაპვის ეტაპზე

ჭამის დროს წყლის დალევამ შეიძლება, ხელი შეუწყოს საჭმლის მონელებას, განსაკუთრებით ღეჭვის და ყლაპვის ეტაპზე
წყლის დალევა ჭამის დროს ან მის შემდეგ, აქვს თუ არა მას ზეგავლენა საჭმლის მონელებაზე ან წონაზე? - აღნიშნულ თემაზე ექიმი ზაზა თელია სოციალურ ქსელში წერს. გთავაზობთ მის პოსტს: 

„არსებობს სპეკულაცია, რომ ჭამის შემდეგ წყლის დალევა ხელს უშლის მონელებას და წონის კლებას. სამწუხაროდ, ამ სპეკულაციის ავტორები ადამიანის ფიზიოლოგიაში ვერ ერკვევიან.

ეს არის რჩევა, რომელიც შეიძლება მოისმინოთ სადილის დროს მეგობრისგან ან ექიმისგან: „ჭამამდე, ჭამის დროს და ჭამის შემდეგ წყალი არ უნდა დალიო - ეს საჭმლის მონელებისთვის საზიანოა და წონის კლებაში ხელს შეგიშლის.“

ეს რეკომენდაცია მან შეიძლება წლების წინ გაიგო ან წაიკითხა საბჭოთა ლიტერატურაში და ჩათვალა, რომ სიმართლე იყო, ან ახლახან წაიკითხა ინტერნეტში, სადაც ასეთი არასარწმუნო ინფორმაცია სწრაფად ვრცელდება და მარადიულად ცოცხლობს.

მოდით განვიხილოთ ეს საკითხი:

1. წყლის უარყოფითი გავლენა საკვების მიღების დროს ან მის შემდეგ არ შეესაბამება ადამიანის ნორმალურ ფიზიოლოგიას.

საჭმლის მონელების პროცესის სწრაფი მიმოხილვა:

საჭმლის მონელება იწყება პირის ღრუში, სადაც საჭმელი ქუცმაცდება და რბილდება - ფიზიკურად ღეჭვით და ქიმიურად სანერწყვე ჯირკვლებიდან გამოყოფილი ფერმენტებით. შემდეგ საკვები საყლაპავის გავლით გადადის კუჭში, სადაც იშლება კუჭის მჟავა წვენით. ამის შედეგად მიღებული ნარევი გადადის წვრილ ნაწლავში.
ზემოთ მოცემულ ეტაპზე ხდება საკვები ნივთიერებების შეწოვის 75 პროცენტი.

დანარჩენი, რაც არ შეიწოვება გადამუშავდება მსხვილ ნაწლავში და შემდეგ გამოიყოფა.

მთელი პროცესი 24-დან 72 საათამდე გრძელდება.

მითი იმის შესახებ, რომ წყალი ახდენს კუჭის წვენის განზავებას, არ შეესაბამება ადამიანის ფიზიოლოგიას რამდენიმე მიზეზის გამო:

1. წყალი მიღების შემდეგ შეიწოვება კუჭში საკმაოდ სწრაფად - როგორც წესი, დაახლოებით 20 წუთის განმავლობაში.

ეს ნიშნავს, რომ ნებისმიერი შესაძლო განზავება კუჭის წვენისა წყლით ტრანზიტორულია (გარდამავალი).

მაგრამ იმ შემთხვევაშიც კი, თუ კუჭი წყლით მთლიანად სავსე იქნება, ეს ხელს არ შეუშლის საჭმლის მონელებას, რადგან წყალი ხელს არ შეუშლის ფერმენტების აქტივობას, რადგან ფერმენტები უერთდებიან და ზემოქმედებენ მხოლოდ საკვების ნაწილაკებს, იმის მიუხედავად რა რაოდენობის წყალია კუჭში.

2. ასევე არც წყალი არ მოქმედებს კუჭის მჟავიანობაზე.

კუჭი გამოყოფს და რეაგირებს იმდენი მჟავის გამოყოფით, რამდენიც საჭიროა კუჭში მოხვედრილი საკვების მოსანელებლად.

არ არსებობს კონკრეტული მჟავის გამოყოფის რაოდენობა, ის დამოკიდებულია კუჭში მოხვედრილი საკვების რაოდენობაზე.

3. მითია, რომ წყალი ანელებს ტემპს, რომლის დროსაც საკვები გადადის კუჭიდან წვრილ ნაწლავში, ასევე ეწინააღმდეგება ფიზიოლოგიას.

ჭამის დროს წყლის დალევა გავლენას არ ახდენს კუჭის დაცლის სიჩქარეზე.

პირიქით - ჭამის დროს წყლის დალევამ შეიძლება, ხელი შეუწყოს საჭმლის მონელებას, განსაკუთრებით ღეჭვის და ყლაპვის ეტაპზე, სადაც მას შეუძლია ხელი შეუწყოს საჭმლის დარბილებას და საყლაპავში გადატანას.

ასევე კარგად ჰიდრატირებული სხეული ეხმარება საჭმლის მონელებას ელიმინაციის ეტაპზე - ეხმარება განავალს დარბილებაში და ნაწლავში გადაადგილებაში, შესაბამისად, ამცირებს შეკრულობას.

ასევე ჭამის წინ წყლის დალევის ერთ-ერთი დადებითი ეფექტი არის ის, რომ წყალი დროებით (გახსოვდეთ, ის შეიწოვება დაახლოებით 20 წუთში) იკავებს ადგილს თქვენს კუჭში.

ეს ხელს შეუწყობს ჭამის დროს სავსეობის შეგრძნებას.

თუ თქვენ წონაში დაკლებას ცდილობთ, ჭამის წინ 1½ - 2 ჭიქა წყლის მიღება ასოცირდება ნაკლები საკვების მიღებასთან ჩატარებული კვლევების მიხედვით.

უფრო დეტალურად:

არ არსებობს სამეცნიერო მტკიცებულება, რომ წყალს შეუძლია განზავება მოახდინოს საჭმლის მომნელებელი წვენის ან ხელი შეუშალოს საჭმლის მონელებას.

შეუძლებელია კუჭის მჟავა წვენის ფიზიოლოგიურად მნიშვნელოვანი განზავება წყლის მიღებით:

კუჭის მჟავის pH (მჟავიანობა) არის <1.

ეს ნიშნავს, რომ თქვენი კუჭის მჟავა 100 000-ჯერ უფრო მჟავურია ვიდრე წყალი (წყლის pH ~ 7).

You cannot dilute your stomach acid in any physiologically meaningful way (e.g. HURT the digestive system)1 by drinking water during a meal. The pH of stomach acid is <1. That means your stomach acid is 100,000 x more acidic than water (pH of ~7).

წყალმა შეიძლება შეამციროს მადა და შესაბამისად, მიღებული კალორიების რაოდენობა.

საჭმელთან ერთად წყლის დალევა ასევე დაგეხმარებათ პაუზის გაკეთებაში, რაც საშუალებას მოგცემთ მიიღოთ სიგნალი თქვენი შიმშილისა და სავსეობის შესახებ.

ამან შეიძლება, თავიდან აგაცილოთ ზედმეტი ჭამა და შესაძლოა, წონის დაკლებაშიც კი დაგეხმაროთ.

გარდა ამისა, ერთმა 12-კვირიანმა კვლევამ აჩვენა, რომ მონაწილეებმა, რომლებიც სვამდნენ 17 უნცია წყალს (500 მლ) თითოეული ჭამის წინ, დაიკლეს 2 კგ-ით მეტი, ვიდრე მათ, ვინც არ იღებდა წყალს ჭამამდე.

ასევე რამდენიმე კვლევის მიხედვით - წყალმა შეიძლება დააჩქაროს თქვენი მეტაბოლიზმი დაახლოებით 24 კალორიით ყოველ 17 უნციაზე (500 მლ), რომელსაც მოიხმართ.

ძალიან საინტერესოა, რომ დახარჯული კალორიების რაოდენობა შემცირდა, როდესაც წყალი სხეულის ტემპერატურაზე გათბა.

ეს შეიძლება იყოს იმის გამო, რომ თქვენი სხეული მეტ ენერგიას იყენებს ცივი წყლის გასათბობად სხეულის ტემპერატურამდე.

ამიტომ თბილი წყლის მიღებას ჯობია, ცივის მიღება.

გასათვალისწინებელია, რომ ეს ინფორმაცია წყალს ეხება და არა კალორიულ სასმელებს.

ერთ მიმოხილვაში, საერთო კალორიების მიღება 8-15%-ით მეტი იყო, როდესაც ადამიანები მოიხმარდნენ შაქრიან სასმელებს.

დასკვნა:
საჭმელთან ერთად ან მის შემდეგ წყლის დალევა ხელს შეგიწყობთ მადის რეგულირებაში, ხელს შეუშლის ზედმეტი საკვების მიღებას და ხელს შეუწყობს წონის კლებას“, - წერს ექიმი ზაზა თელია.

წაიკითხეთ სრულად
გასათიშად დააჭირეთ ESC.