Baby Bag

„სრულად ჩვენი გოზინაყის რეცეპტი... გილოცავთ შობა-ახალ წელს,“ - შეფ-მზარეული გურამ ბაღდოშვილი

„სრულად ჩვენი გოზინაყის რეცეპტი... გილოცავთ შობა-ახალ წელს,“ - შეფ-მზარეული გურამ ბაღდოშვილი

ცნობილმა შეფ-მზარეულმა გურამ ბაღდოშვილმა მაყურებლის თხოვნით საახალწლოდ გოზინაყის რეცეპტი და მომზადების წესი გაგვაცნო:

იმისთვის, რომ გავაკეთოთ გოზინაყი, უნდა მოვიმარაგოთ ქაღალდი და კალმისტარი. რა გვჭირდება იმისთვის, რომ მოვამზადოთ ჩვენი გოზინაყი? გაშლილი მაღალი ქვაბი ან ტაფა, ორი დაფა 25X30-ზე, ერთი ჯამი ცივი წყლით, საბრტყელებელი, ერთი კილო დაჭრილი ნიგოზი, უკვე მომზადებული უმად, ჩემს რეცეპტში არის წაბლის თაფლი და მაისის თაფლი. წაბლის თაფლი იქნება ერთი 200-გრამიანი ჭიქა, მაისის თაფლი იქნება ნახევარი ჭიქა. მე ვიხმარ ხუთ კოვზ შაქარს. ჩავიწეროთ და მივყვეთ რეცეპტს.“

გოზინაყის მომზადების წესს დეტალურად გაეცანით თანდართულ ვიდეოში.

ახალ წელს ასე მომზადებული გოზინაყით უნდა შეხვდეთ
რეცეპტით, რომელსაც​ ​MomsEdu.ge გთავაზობთ, გოზინაყი საუკეთესო გამოდის, თან მარტივი მოსამზადებელია. გოზინაყის მოსამზადებლად დაგჭირდებათ:თაფლი - 3 ჭიქა ნიგოზი - 8 ჭიქა​მოხალეთ ნ...

შეიძლება დაინტერესდეთ

მეცნიერების მტკიცებით, ოჯახური სადილები ბავშვებისთვის ძალიან დიდი სარგებლის მომტანია

მეცნიერების მტკიცებით, ოჯახური სადილები ბავშვებისთვის ძალიან დიდი სარგებლის მომტანია

მეცნიერების მტკიცებით, ოჯახურ სადილებს ყველასთვის ძალიან დიდი სარგებელი მოაქვს. როდესაც ბავშვები ერთად მიირთმევენ, ისინი სოციალიზაციას სწავლობენ და შემეცნებითი უნარებიც უვითარდებათ. ოჯახური სადილები ძალიან კარგია როგორც გონების, ასევე სხეულისა და სულისთვის. სწორედ ამიტომ მნიშვნელოვანია, რომ სადილობის პროცესს მეტი ყურადღება დავუთმოთ.

დატვირთული ცხოვრების სტილის გამო თანამედროვე ადამიანებს იშვიათად გვრჩება დრო ახლობლებთან დროის მშვიდად გატარებისთვის. მნიშვნელოვანია, რომ ოჯახურმა სადილმა სმარტფონების გარეშე, სასიამოვნო საუბრების ფონზე ჩაიაროს.

კვლევებით დასტურდება, რომ საოჯახო სადილების დროს ოჯახის წევრებთან საუბარი ბავშვის ლექსიკონს ხმამაღლა კითხვაზე მეტად ამდიდრებს. კვლევებით დადგინდა, რომ ხმამაღლა კითხვით დასწავლილი 143 ახალი სიტყვის საპირწონედ, მშობლებთან საუბრისას ბავშვი 1 000 ახალ სიტყვას სწავლობს. სადილობისას მშვიდი საუბარი ბავშვს კითხვის მარტივად სწავლსაც უადვილებს.

ოჯახური სადილები ძალიან სასარგებლოა სკოლის ასაკის ბავშვებისთვისაც. კვლევებით დგინდება, რომ ოჯახთან ერთად სადილობა ბავშვს აკადემიური მიღწევების გაუმჯობესების მოტივაციას აძლევს. ოჯახური სადილები ამ მხრივ უფრო ეფექტიანია, ვიდრე მეცადინეობა, სასკოლო ან კლასგარეშე აქტივობები.

ოჯახური სადილების დროს ბავშვები უფრო მეტ ბოსტნეულს, ხილსა და სასარგებლო პროდუქტებს იღებენ. ეს არამხოლოდ ბავშვებისთვის არის სარგებლის მომტანი, არამედ ზრდასრულებისთვისაც, რადგან ოჯახურ სადილებზე ისინიც სასარგებლო პროდუქტებით იკვებებიან.

კვლევებით ასევე დგინდება, რომ ოჯახთან ერთად რეგულარულად სადილობა თინეიჯერებში რისკიანი ქცევებისადმი მიდრეკილებას ამცირებს. მათ ნაკლებად აქვთ მიდრეკილება ძალადობისკენ, ალკოჰოლის, ნარკოტიკების, თამბაქოს მოხმარებისკენ და ადრეული სექსუალური ურთიერთობების დაწყებისკენ.

ოჯახური სადილები ამცირებს სუიციდურ მიდრეკილებებსა და დეპრესიის განვითარების რისკებს. ოჯახური სადილების დახმარებით კიბერბულინგის მსხვერპლი მოზარდები მდგომარეობიდან გამოსვლას გაცილებით სწრაფად ახერხებენ.

ოჯახთან ერთად სადილობა ბავშვის ქცევას მნიშვნელოვნად აუმჯობესებს და მის ხასიათზე დადებითად ზემოქმედებს.

ერთად სადილობა არაჩვეულებრივ შესაძლებლობას აძლევს ადამიანებს, რომ გემრიელი კერძის მირთმევის გარდა ოჯახის წევრებს საკუთარი განცდები და ემოციები გაუზიარონ. ოჯახური სადილის დახმარებით ოჯახის წევრებს შორის ძლიერი კავშირები მყარდება, რომელიც თითოეული მათგანისთვის ძალიან სასარგებლოა.

წყარო: ​Youaremom.com

წაიკითხეთ სრულად