Baby Bag

ცნობილმა უკრაინელმა მსახიობმა პაშა ლიმ 9 ბავშვი სიკვდილისგან იხსნა, თავად კი გმირულად დაიღუპა

ცნობილმა უკრაინელმა მსახიობმა პაშა ლიმ 9 ბავშვი სიკვდილისგან იხსნა, თავად კი გმირულად დაიღუპა

ცნობილი უკრაინელი მსახიობი და ტელეწამყვანი პაშა ლი 6 მარტს ირპენში ტრაგიკულად დაიღუპა. ცნობილმა მომღერალმა კამალიამ ინსტაგრამზე პოსტი გამოაქვეყნა, რომელშიც პაშა ლის ტრაგიკული დაღუპვის შესახებ ისაუბრა.

„ჩემი მოდერატორი დიმა პაშასთან ერთად მსახურობდა ბატალიონში. მან ზურგის, ფეხისა და მუცლის არეში მძიმე ჭრილობები მიიღო. ორივე მაშინ დაიჭრა, როდესაც ირპენში ალმოდებული სახლიდან ბავშვების ევაკუაცია მიმდინარეობდა. პაშამ და დიმამ თავიანთი ჯავშანჟილეტები გაიხადეს და ბავშვებს გაფააფარეს, რათა ისინი ტყვიებისგან დაეცვათ. მებრძოლებმა ყველა ბავშვის გადარჩენა შეძლეს. პაშა ლი მიყენებული ჭრილობებით გარდაიცვალა, დიმა კი საავადმყოფოში მკურნალობს,“- წერს კამალია ინსტაგრამზე.

კამალიას ცნობით, პაშა ლის გმირობამ ირპენში 9 ბავშვის სიცოცხლე გადაარჩინა.

წყარო:​ tsn.ua

შეიძლება დაინტერესდეთ

„ამ პაციენტებისთვის მონოკლონური ანტისხეულების ადმინისტრირება დაავადების ადრეულ ეტაპზე მოხდება,“ - თამარ გაბუნია საქართველოში მონოკლონური ანტისხეულების მკურნალობის დაწყების შესახებ საუბრობს

„ამ პაციენტებისთვის მონოკლონური ანტისხეულების ადმინისტრირება დაავადების ადრეულ ეტაპზე მოხდება,“ - თამარ გაბუნია საქართველოში მონოკლონური ანტისხეულების მკურნალობის დაწყების შესახებ საუბრობს

ჯანდაცვის მინიტრის მოადგილემ თამარ გაბუნიამ საქართველოში მონოკლონური ანტისხეულების გამოყენების პროტოკოლის შესახებ ისაუბრა:

„იყო მსჯელობა იმაზე, თუ რა პროტოკოლით მოხდება მონოკლონური ანტისხეულების გამოყენება, რომელიც ქვეყანამ მიიღო დონაციის სახით გერმანიის მთავრობისგან. მონოკლონური ანტისხეულები ასევე მივიღეთ ამერიკის მხარისგან. უკვე მზად ვართ იმისთვის, რომ მათი გამოყენებაც დაიწყოს.“

თამარ გაბუნიას თქმით, საქართველოში ორი განსხვავებული მონოკლონური ანტისხეულების პრეპარატი გვაქვს:

„ორი განსხვავებული მონოკლონური ანტისხეულის პრეპარატი არის დღეს ხელმისაწვდომი ქვეყანაში. ერთ-ერთი არის ჰოსპიტალიზებული პაციენტებისთვის. კლინიკები, რომლებიც ჩართულია კოვიდის მართვაში, მიიღებენ პრეპარატს. გაწერილია დეტალური მოხმარების ინსტრუქცია. ძირითადად ეს არიან პაციენტები, რომლებსაც პროგნოზულად აქვთ დამძიმების უფრო მაღალი რისკი, მაგალითად, 65 წელზე მეტი ასაკის პირები, პირები, ვისაც აქვთ შაქრიანი დიაბეტი, ჭარბი წონა, ჰიპერტენზია და ასევე, საყურადღებოა მათი მდგომარეობა ჰოსპიტალიზაციის მომენტში.“

„მონოკლონური ანტისხეულების მეორე ჯგუფი ნაჩვენებია შედარებით მსუბუქი პაციენტებისთვის დაავადების განვითარების ადრეულ ეტაპზე. ძირითადად ეს იქნება პაციენტი, რომელსაც, შესაძლოა, სჭირდებოდეს მკურნალობა კოვიდ სასტუმროში ან მსუბუქი პაციენტი, ვინც შეიძლება იყოს ბინაზე. ოჯახის ექიმები გააკეთებენ იმ პაციენტების იდენტიფიცირებას, რომლებსაც ასაკის ან თანმხლები დაავადებების მაღალი აქვს დამძიმების რისკი. ამ პაციენტებისთვის მონოკლონური ანტისხეულების ადმინისტრირება დაავადების ადრეულ ეტაპზე მოხდება, ვიდრე იქნება მძიმე სურათი გამოხატული. გერმანია დიდი ხანია იყენებდა მონოკლონურ ანტისხეულებს. გამოცდილება არის ჩვენი რეგიონის ქვეყნებშიც. მონოკლონურმა ანტისხეულებმა უჩვენეს ჰოსპიტალიზაციის თავიდან აცილების, მძიმე ფორმის ჩამოყალიბებისა და სიკვდილობის შემცირების მაღალი პოტენციალი,“ - განაცხადა თამარ გაბუნიამ.

წყარო:  ​ტელეკომპანია „მაესტრო“

წაიკითხეთ სრულად